ଏଆଇ ଯୁଗରେ ମଣିଷଙ୍କ ଗୁରୁତ୍ୱତା କମୁଥିବା ନେଇ ଅନେକ ତର୍କ ବିତର୍କ ଜାରି ରହିଛି । ବିଭିନ୍ନ ସ୍ଥାନରେ ଏନେଇ ଆଲୋଚନା ହେଉଥିବାର ଦେଖିବାକୁ ମିଳୁଛି । ଏହାରି ଭିତରେ କିନ୍ତୁ ଏକ ଖବର ସମସ୍ତଙ୍କୁ ଚକିତ କରିଛି । କିଛିଦନ ପୂର୍ବେ ସ୍ୱିଡେନ୍ର ଏକ କମ୍ପାନୀ ନିଜର କିଛି କର୍ମଚାରୀଙ୍କୁ ଚାକିରିରୁ ଛଟେଇ କରିଥିଲେ ଯେଉଁମାନଙ୍କ ସ୍ଥାନରେ ସେ ଏଆଇକୁ ନିଯୁକ୍ତି ଦେଇଥିଲେ । ହେଲେ ବର୍ତ୍ତମାନ ସେ ପୁଣି ନିଜ କର୍ମଚାରୀଙ୍କୁ ଅଫିସ୍ ଫେରାଇ ଆଣିବାକୁ ଚିନ୍ତା କରୁଛନ୍ତି । ତାଙ୍କର ଏହି ପଦକ୍ଷେପ ବର୍ତ୍ତମାନ ସୋସିଆଲ ମିଡିଆରେ ଖୁବ ଚର୍ଚ୍ଚାରେ ରହିଛି । ଏଆଇ କେବେ ବି ମଣିଷଙ୍କ ସ୍ଥାନ ନେଇ ପାରିବ ନାହିଁ ବୋଲି ସୋସିଆଲ ମିଡିଆରେ ସମସ୍ତେ ମତ ଦେବାରେ ଲାଗିଛନ୍ତି । ସେହିଭଳି ସେ ଏହି ପଦକ୍ଷେପ କମ୍ପାନୀର ଉନ୍ନତି ପାଇଁ ନେଇଥିବା ପ୍ରକାଶ କରିଛନ୍ତି । ସେ ୨୦୨୩ରେ ନିଜ କମ୍ପାନୀରେ କର୍ମଚାରୀଙ୍କୁ ନିଯୁକ୍ତି ଦେବା ବନ୍ଦ କରିଦେଇଥିଲେ । ଏପରିକି ୨୦୨୪ରେ ତାଙ୍କ ମନ୍ତବ୍ୟ ଖୁବ ଚର୍ଚ୍ଚାରେ ରହିଥିଲା ଯେଉଁଥିରେ ସେ କହିଥିଲେ ଏଆଇ ମଣିଷଙ୍କ ଭଳି ସବୁ କାର୍ଯ୍ୟ କରିବାରେ ସକ୍ଷମ । ଏପରିକି ଏଆଇ ତାଙ୍କ କମ୍ପାନୀର ୭୦୦ କଷ୍ଟମର ସର୍ଭିସ ଏଜେଣ୍ଟଙ୍କର କାମ ଏକାଥରେ କରିପାରେ । ହେଲେ ବର୍ତ୍ତମାନ ତାଙ୍କ ପରିବର୍ତ୍ତିତ ବ୍ୟବହାର ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ବର୍ତ୍ତମାନ ସେ ନିଜ କମ୍ପାନୀକୁ ସମସ୍ତ କର୍ମଚାରୀଙ୍କୁ ଫେରାଇ ଆଣିବାକୁ ଚାହୁଁଥିବା ଜଣା ପଡିଛି ।
Comments are closed.