ପ୍ରାକୃତିକ ବିପର୍ଯ୍ୟୟ ସମୟରେ ଯେତିକି କ୍ଷୟକ୍ଷତିର ଡର ରହିଥାଏ, ସେତିକି ସ୍ୱାସ୍ଥ୍ୟ ପ୍ରତି ମଧ୍ୟ ବିପଦ ଥାଏ । ଏହି ସମୟରେ କେତେକ ରୋଗ ଦେଖାଯାଇଥାଏ ଯାହା ପ୍ରତି ସାବଧାନ ହେବାର ଆବଶ୍ୟକତା ରହିଛି । ବନ୍ୟା ସମୟରେ ଚାରିଆଡେ ପାଣି ଥିବାରୁ ସ୍ୱାସ୍ଥ୍ୟ ପ୍ରତି ଯନିବାନ ହେବା ଅଧିକ ଜରୁରୀ ହୋଇପଡେ । ଆସନ୍ତୁ ଜାଣିବା ସେହିଭଳି କିଛି ରୋଗ ସମ୍ପର୍କରେ
ଶ୍ୱାସକ୍ରିୟା ଜନିତ ସମସ୍ୟା – ଏହି ସମୟରେ ଲୋକମାନେ ସାଧାରଣତଃ ପାଣି ମଝିରେ ରହିଥାଆନ୍ତି । ତେଣୁ ବାୟୁମଣ୍ଡଳ ଆଦ୍ରତା ପୂର୍ଣ୍ଣ ଓ ଥଣ୍ଡା ରହିଥାଏ । ସେହି କାରଣରୁ ଶ୍ୱାସକ୍ରିୟା ଜନିତ ସମସ୍ୟା ହେବାର ଆଶଙ୍କା ବଢିଥାଏ । ଏହି ଦିନେ ଆସ୍ଥମା, ନ୍ୟୁମୋନିଆ ଆଦି ହେବାର ସମ୍ଭାବନା ବେଶି ଥାଏ ।
ଟାଇଫଏଡ୍ ଜ୍ୱର- ଏହି ଦିନେ ଟାଇଫଏଡ୍ ଜ୍ୱର ହେବାର ଆଶଙ୍କା ବେଶି ଥାଏ । ତେଣୁ ଏଥି ପ୍ରତି ସତର୍କ ରୁହନ୍ତୁ । ଏହି ସମୟରେ ଶୁଦ୍ଧ ଖାଦ୍ୟ ଓ ପାଣି ମିଳିବାରେ ଅସୁବିଧା ହୋଇଥାଏ, ତେଣୁ ଟାଇଫଏଡ୍ ବ୍ୟାପିବାର ଭୟ ଅଧିକ ଥାଏ । ତେବେ ଯଦି ଏହି ଦିନେ ଜ୍ୱର, ମୁଣ୍ଡବିନ୍ଧା ଅଧିକ ଦିନ ଯାଏଁ ଲାଗି ରହୁଛି, ତାହେଲେ ତୁରନ୍ତ ଡାକ୍ତରଙ୍କ ପରାମର୍ଶ ନିଅନ୍ତୁ ।
କଲେରା – ଡବ୍ଲ୍ୟୁଏଚ୍ଓ ରିପୋର୍ଟ ଅନୁସାରେ ବାତ୍ୟା ସମୟରେ କଲେରା ସମସ୍ୟା ହେବାର ସମ୍ଭାବନା ଅଧିକ ଥାଏ । କଲେରା ଏକପ୍ରକାର ଡାଇରିଆ ଇନ୍ଫେକସନ୍ ଯାହା ସଂକ୍ରମିତ ଖାଦ୍ୟ ଓ ପାଣି କାରଣରୁ ହୋଇଥାଏ । କଲେରା କାରଣରୁ ଡାଇରିଆ ସହିତ ବାନ୍ତି ମଧ୍ୟ ହୋଇଥାଏ ।
