ସାଧାରଣତଃ ହୋଟେଲ କିମ୍ବା କାଫେରେ ପୋଷା ଜୀବଙ୍କୁ ନେଇ ଯିବାପାଇଁ ଅନୁମତି ନଥାଏ । ଏଥିପାଇଁ ଅନେକ ଲୋକ ଦୁଃଖ ମଧ୍ୟ ପ୍ରକାଶ କରନ୍ତି । ସେମାନେ ସବୁବେଳେ ନିଜ ପୋଷା ଜୀବଙ୍କ ସହିତ କୌଣସି କାଫେରେ ବସି ଖାଇବାର ସ୍ୱପ୍ନ ଦେଖନ୍ତି ହେଲେ ଏହା ପୂରା ହୋଇପାରି ନଥାଏ । ହେଲେ ବର୍ତ୍ତମାନ ସେମାନଙ୍କର ଏହି ସ୍ୱପ୍ନ ପୂରଣ ହୋଇପାରିବ । ହାଇଦ୍ରାବାଦରେ ଥିବା ଏକ ନିଆରା କାଫେ ଏହି ସୁଯୋଗ ପ୍ରଦାନ କରୁଛି । ଏଠାରେ ସମସ୍ତେ ନିଜର ପୋଷାଜୀବଙ୍କ ସହିତ କାଫେରେ ବସି ଖାଦ୍ୟ ଖାଇପାରିବେ । ଏହି କାଫେଟିରେ ପଶୁଙ୍କ ପାଇଁ ସମ୍ପୂର୍ଣ୍ଣଭାବେ ଘରୋଇ ପରିବେଶ ସୃଷ୍ଟି କରାଯାଇଛି । କୁକୁରଙ୍କ ପାଇଁ ଓ ବିଲେଇଙ୍କ ପାଇଁ ଭିନ୍ନଭିନ୍ନ ବ୍ୟବସ୍ଥା କରାଯାଇଛି । ବିଲେଙ୍କ ପାଇଁ ମୋଟାଗଦିର ବ୍ୟବସ୍ଥା କରାଯାଇଛି ଯେଉଁଠି ସେମାନ ବସି ଖାଇପାରିବେ । ସେହିଭଳି କାଫେଟିକୁ ଖୁବ ସୁନ୍ଦରଭାବେ ସଜା ମଧ୍ୟ ଯାଇଛି । ସେହିଭଳି ଏମାନଙ୍କ ମେନ୍ୟୁ ମଧ୍ୟ ଉଭୟ ମାଲିକ ଓ ପୋଷା ଜୀବଙ୍କ ପାଇଁ ପ୍ରସ୍ତୁତ କରାଯାଇଛି । ଉଭୟ ଶାକାହାରୀ ଓ ମାଂସାହାରୀ ମେନ୍ୟୁ ଏଠାରେ ରହିଛି । ଚିକେନ୍,ଅଣ୍ଡା, ଭାତ, ସାଣ୍ଡଓ୍ୱିଚ୍ ଭଳି ଖାଦ୍ୟ ମେନ୍ୟୁରେ ସାମିଲ ଅଛି । ସ୍ଥାନୀୟ ଲୋକ ବର୍ତ୍ତମାନ ଏହି କାଫେର ମଜା ନେଉଥିବା ଦେଖିବାକୁ ମିଳୁଛି ।
Comments are closed.