ରାଜସ୍ଥାନର ଶ୍ରୀଶନିଓ୍ୱାଲିଆ ସେଠ୍ ମନ୍ଦିର ବର୍ତ୍ତମାନ ଖୁବ ଚର୍ଚ୍ଚାରେ ରହିଛି । ଏଠାରେ ଜଣେ ଭକ୍ତ ଏକ ନିଆରା ସାମଗ୍ରୀକୁ ମନ୍ଦିରକୁ ଦାନ କରିଛନ୍ତି, ଯାହା ଚର୍ଚ୍ଚାର କେନ୍ଦ୍ରବିନ୍ଦୁ ସାଜିଛି । ସେଠାର ଜଣେ ସ୍ଥାନୀୟ ବ୍ୟବସାୟୀ ମନ୍ଦିରକୁ ଏକ ରୂପାର ପେଟ୍ରୋଲ ପମ୍ପ ଦାନରେ ଦେଇଛନ୍ତି । ଏହି ପେଟ୍ରୋଲ ପମ୍ପଟିକୁ ୧୦ କେଜି ରୂପାରେ ପ୍ରସ୍ତୁତ କରାଯାଇଛି । ସେ ଏହାକୁ ନିଜର ମାନସିକ ଭାବେ ମନ୍ଦିରକୁ ପ୍ରଦାନ କରିଛନ୍ତି । ପାଖାପାଖି ୭୦ ବର୍ଷ ପରେ ତାଙ୍କର ଏହି ମାନସିକ ପୂରା ହୋଇଥିବାରୁ ସେ ଖୁବ ଖୁସିରେ ଏହା ମନ୍ଦିରକୁ ଦାନ କରିଥିବା କହିଛନ୍ତି । ସୂଚନା ଅନୁସାରେ ତାଙ୍କ ପୁଅର ପେଟ୍ରୋଲ ପମ୍ପ କରିବାକୁ ଆବେଦନ ଅନୁମୋଦନ ହେବାପରେ ସେ ଏହି ଦାନ ମନ୍ଦିରକୁ କରିଥିଲେ, ଯାହାକୁ ସେ ପୂର୍ବରୁ ମାନସିକ କରିଥିଲେ । ଏହି ଘଟଣାଟି ବର୍ତ୍ତମାନ ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି ।
Comments are closed.