ଅମିନି କୋଝୁକଟ୍ଟାଇ
ସାମଗ୍ରୀ – ଚାଉଳ ଅଟା, ପାଣି, ଲୁଣ, ରାଶି ତେଲ, ସୋରିଷ, ଶୁଖିଲା ଲଙ୍କା, କଞ୍ଚା ଲଙ୍କା, ହେଙ୍ଗୁ, ଭୃସଙ୍ଗ ପତ୍ର, ନଡିଆ କୋରା, ହରଡ ଡାଲି ।
ପ୍ରଣାଳୀ – ପ୍ରଥମେ ଲୁଣ ଓ ତେଲ ଦେଇ ଚାଉଳ ଅଟାକୁ ସିଝାଇ ନିଅନ୍ତୁ । ଏହାକୁ ଥଣ୍ଡା କରି ଅଟା ଭଳି ଚକଟି ନିଅନ୍ତୁ । ଏହାପରେ ଏଥିରୁ ଛୋଟଛୋଟ ବଲ ଆକାରର ପ୍ରସ୍ତୁତ କରନ୍ତୁ । ଏହି ଗୋଲଗୋଲ ଗୁଡିକୁ ଆଉଥରେ ପିଠା ସିଝାଇବା ଭଳି ସିଝାଇ ନିଅନ୍ତୁ । ଏହାପରେ ଏକ ପ୍ୟାନରେ ରାଶି ତେଲ ଗରମ କରି ଏଥିରେ ସୋରିଷ, ଭୃସଙ୍ଗ ପତ୍ର, ଶୁଖିଲା ଲଙ୍କା, କଞ୍ଚାଲଙ୍କା, ହେଙ୍ଗୁ, ହରଡ ଡାଲି ଓ ଅଳ୍ପ ଲୁଣ ପକାଇ ଭାଜନ୍ତୁ । ଏହି ମିଶଣରେ ପୂର୍ବ ପ୍ରସ୍ତୁତ ଛୋଟଛୋଟ ଗୋଲ ଗୁଡିକ ପକାଇ ଅଳ୍ପ ଭାଜିନିଅନ୍ତୁ । ଶେଷରେ କୋରା ନଡିଆ ପକାଇ ଗୋଳାଇ ଦିଅନ୍ତୁ , ପ୍ରସ୍ତୁତ ହୋଇଯିବ ଅମିନି କୋଝୁକଟ୍ଟାଇ ।
ମୋଦକ
ସାମଗ୍ରୀ – ନଡିଆ କୋରା,ଗୁଡ, ଗୁଜୁରାତି ଗୁଣ୍ଡ, ଘିଅ, ବିଭିନ୍ନ କଟା ବାଦାମ, ଚାଉଳ ଗୁଣ୍ଡ, ପାଣି, ଲୁଣ, ଗୋଲ ମରିଚ ଗୁଣ୍ଡ ।
ପ୍ରଣାଳୀ – ପ୍ରଥମେ ଗୋଟିଏ ପାତ୍ରରେ ପାଣି ଗରମ କରନ୍ତୁ । ସେଥିରେ ଅଳ୍ପ ଲୁଣ ଓ ଘିଅ ପକାନ୍ତୁ । ଏହାପରେ ଏଥିରେ ଧୀରେଧୀରେ ଚାଉଳ ଗୁଣ୍ଡ ପକାଇ ଗୋଳାନ୍ତୁ । ଅଳ୍ପସମୟ ସିଝାନ୍ତୁ ଏହାପରେ ଏହାକୁ ଥଣ୍ଡା ହେବାକୁ ରଖି ଦିଅନ୍ତୁ । ଏହାପରେ ନଡିଆ,ଗୁଣ୍ଡ, ଗୁଜୁରାତି ଗୁଣ୍ଡ ଓ ଗୋଲମରିଚ ଗୁଣ୍ଡ ମିଶାଇ ଏକ ପୁରପ୍ରସ୍ତୁତ କରନ୍ତୁ । ଏହାପରେ ଏହି ଚକଟାରୁ ଛୋଟଛୋଟ ମୋଦକ ଗଢନ୍ତୁ । ମୋଦକ ଗଢିବା ସମୟରେ ଏଥିରେ ପୁର ଭାବେ ନଡିଆ କୋରା ଓ ଗୁଡର ମିଶ୍ରଣକୁ ଦିଅନ୍ତୁ । ଏହାପରେ ମଣ୍ଡାପିଠା ଭଳି ଏହି ମୋଦକ ଗୁଡିକୁ ସିଝାଇ ନିଅନ୍ତୁ, ପ୍ରସ୍ତୁତ ହୋଇଯିବ ମୋଦକ ।
ଲଡୁ
ସାମଗ୍ରୀ – ଛୋଟ ଦାନା ସୁଜି ଏକ କପ୍, ଘିଅ ଅଧାକପ୍, ଖୁଆ ସ୍ୱାଦ ଅନୁସାରେ, ଅଳ୍ପ ଗୁଜୁରାତି ଗୁଣ୍ଡ, ସଜାଇବା ପାଇଁ କିସମିସ, ଗୁଣ୍ଡ ଚିନି ଏକ କପ୍
ପ୍ରଣାଳୀ – ପ୍ୟାନ୍ରେ ଅଧାକପ୍ ଘିଅ ଗରମ କରନ୍ତୁ । ଏଥିରେ ଏକ କପ୍ ସୁଜି ପକାନ୍ତୁ (ଛୋଟ ଦାନା ସୁଜି) । ସୁଜିକୁ କିଛି ସମୟ ପର୍ଯ୍ୟନ୍ତ କମ ଆଞ୍ଚରେ ଭାଜନ୍ତୁ । ସୁଜିକୁ ଅଳ୍ପ ଗୋଲେïନ୍ ହେବା ପର୍ଯ୍ୟନ୍ତ ଭାଜନ୍ତୁ । ସମସ୍ତ ଘିଅ ସୁଜିରେ ମିଶିଯିବା ପରେ ଏଥିରେ ଗ୍ରେଟେଡ୍ ଖୁଆ ମିଶାନ୍ତୁ । ଏହାପରେ ଏହାକୁ ଭଲକରି ଗୋଳାନ୍ତୁ । ଖୁଆ ମିଶିବା ପର୍ଯ୍ୟନ୍ତ ସୁଜିକୁ ଭାଜନ୍ତୁ । ଏଥିରେ ବର୍ତ୍ତମାନ ଅଧା ଚାମଚ ଗୁଜୁରାତି ଗୁଣ୍ଡ ପକାଇ ଗ୍ୟାସ ବନ୍ଦ କରିନିଅନ୍ତୁ । ଏକ ପ୍ଲେଟ୍କୁ କାଢି ଥଣ୍ଡା କରନ୍ତୁ । ହାତରେ ଧରିହେଉଥିବା ଭଳି ଗରମ ଥିବା ଅବସ୍ଥାରେ ଏଥିରେ ଗୁଣ୍ଡ ଚିନି ଏକ କପ୍ ମିଶାନ୍ତୁ । ହାତରେ ଭଲକରି ମିଶାଇ ନିଅନ୍ତୁ । ଏହାପରେ ହାତରେ ଘିଅ ମାରି ଏହି ମିଶ୍ରଣକୁ ଲଡୁ ଆକାରରେ ଗଢନ୍ତୁ । ପ୍ରସ୍ତୁତ ହୋଇଗଲା ସୁଜି ଖୁଆ ଲଡୁ ।
