ଆଜିକାଲି ପିଲାଙ୍କୁ ଲାଳନ ପାଳନ କରିବା ଖୁବ କଷ୍ଟକର କାମ । ଯଦି ଦୁଇଟି ଛୁଆ ରହୁଛନ୍ତି ତେବେ ଅନେକ ସମୟରେ ଦେଖିବାକୁ ମିଳୁଛି ଜଣେ ଜଣଙ୍କ ପ୍ରତି ଅସହିଷ୍ଣୁ ମଧ୍ୟ ହୋଇ ପଡୁଛନ୍ତି । ଯଦି ବାପା ମାଆ ଜଣଙ୍କୁ ଅଧିକ ଧ୍ୟାନ ଦେଲେ ତେବେ ଅନ୍ୟ ଜଣଙ୍କ ଏହାକୁ ନକାରାତ୍ମକ ଦୃଷ୍ଟିରେ ଦେଖୁଛି । ତେବେ ଏଭଳି ପରିସ୍ଥିତିରେ ପିଲାଙ୍କ ଭିତରେ ବାଲାନ୍ସ ରଖିବା ଖୁବ କଷ୍ଟ ହୋଇ ପଡୁଛି । ତେବେ ଏଭଳି ପରିସ୍ଥିତିରେ ଅଭିଭାବକଙ୍କୁ ହିଁ ବୁଦ୍ଧିମତାର ସହ କାର୍ଯ୍ୟ କରିବାକୁ ହେବ । ଦୁଇ ପିଲାଙ୍କ ମଧ୍ୟରେ ସବୁବେଳେ ସନ୍ତୁଳନ ରଖିବାକୁ ଚେଷ୍ଟା କରନ୍ତୁ । ତେବେ ପ୍ରଥମେ ଏହି ସମୟରେ ବଡ ସନ୍ତାନର ଲକ୍ଷଣକୁ ଧ୍ୟାନ ଦିଅନ୍ତୁ । ଯଦି ଆପଣ ଅଧିକ ସମୟ ସାନ ପିଲାକୁ ଦେଉଥିବେ ତେବେ ସେମାନେ ଆପଣଙ୍କର ଧ୍ୟାନ ଆକର୍ଷଣ କରିବା ପାଇଁ କିଛି ନା କିଛି ପ୍ରକ୍ରିୟା ଆପଣାଇ ଥାଆନ୍ତି । ଏହି ସମୟରେ ସେମାନଙ୍କ ବ୍ୟବହାରରେ ପରିବର୍ତ୍ତନ ଆସିଥାଏ । ସେମାନେ ଗୁମ୍ସୁମ୍ ହୋଇ ଯାଇଥାଆନ୍ତି । ଯଦି ଏଭଳି କୌଣସି ଲକ୍ଷଣ ଦେଖୁଛନ୍ତି ତେବେ ତୁରନ୍ତ ଧ୍ୟାନ ଦିଅନ୍ତୁ , ଏହାକୁ କେବେ ବି ଅବହେଳା କରନ୍ତୁ ନାହିଁ । ଉଭୟଙ୍କୁ ଯଥା ସମ୍ଭବ ସମୟ ଦେବାକୁ ଚେଷ୍ଟା କରନ୍ତୁ । ଏପରି କରିବା ଦ୍ୱାରା ଉଭୟଙ୍କ ଭିତରେ ସନ୍ତୁଳନ ରକ୍ଷା ହୋଇ ପାରିବ । ଯାହା ବି କାର୍ଯ୍ୟ କରୁଛନ୍ତି ଉଭୟଙ୍କୁ ସେଥିରେ ସମାନ ଭାବେ ଭାଗନେବାକୁ ଦିଅନ୍ତୁ । ଉଭୟଙ୍କ ସହ ଏକାବେଳେ ସମୟ ବିତାନ୍ତୁ । ଏପରି କରିବା ଦ୍ୱାରା ସହଜରେ ସନ୍ତୁଳନ ରକ୍ଷା କରିହେବ ।
