ପାର୍ଲେ ଜି ସମସ୍ତଙ୍କର ପ୍ରିୟ ବିସ୍କୁଟ, ଯାହା ଅନେକ ଦଶନ୍ଧି ଧରି ବିସ୍କୁଟ ମାର୍କେଟରେ ରାଜ କରିଛି । ତେବେ ସୋସିଆଲ ମିଡିଆରେ ଏହି ବିସ୍କୁଟଟି ବର୍ତ୍ତମାନ ଚର୍ଚ୍ଚାକୁ ଆସିଛି । ଗାଜାରେ ଏହି ବିସ୍କୁଟର ଦାମ ରହିଛି ୨ ହଜାରରୁ ଅଧିକ । ଭାରତରେ ମାତ୍ର ୫ ଟଙ୍କାରେ ମିଳୁଥିବା ଏହି ବିସ୍କୁଟ ବର୍ତ୍ତମାନ ଏତେ ଦାମରେ ଗାଜାରେ ବିକ୍ରି ହେଉଥିବାରୁ ସୋସିଆଲ ମିଡିଆରେ ଚର୍ଚ୍ଚାକୁ ଆସିଛି । ତେବେ କିଛି ଲୋକ ଗାଜାର ଏହି ପରିସ୍ଥିତି ଉପରେ ଚିନ୍ତା ମଧ୍ୟ ପ୍ରକାଶ କରୁଥିବା ଦେଖିବାକୁ ମିଳିଛି । ୨୦୨୩ରୁ ଇସ୍ରାଇଲ୍ ଓ ହମାସ ମଧ୍ୟରେ ଚାଲିଥିବା ଯୁଦ୍ଧର ଏହା ପ୍ରଭାବ ବୋଲି ସୋସିଆଲ ମିଡିଆରେ ମତ ପ୍ରକାଶ ପାଇଛି । ସୋସିଆଲ ମିଡିଆରେ ଏନେଇ ଗାଜାର ଜଣେ ବ୍ୟକ୍ତି ସୋସିଆଲ ମିଡିଆରେ ପୋଷ୍ଟ କରିବାପରେ ଆଲୋଚନା ଆରମ୍ଭ ହୋଇଛି । ଏହା ସେଠାରେ ୧୪୬ ଟଙ୍କାରୁ ବଢି ବର୍ତ୍ତମାନ ୨ ହଜାର ୩୦୦ ଟଙ୍କାରେ ପହଞ୍ଚିଛି । ଏହି ପୋଷ୍ଟଟି ବର୍ତ୍ତମାନ ଗାଜାର ଆର୍ଥିକ ସଙ୍କଟକୁ ସମସ୍ତଙ୍କ ଆଗରେ ପ୍ରକାଶ କରିଛି ।
Comments are closed.