ଆଜିକାଲିର ବ୍ୟସ୍ତବହୁଳ ଜୀବନରେ ଟିକିଏ ଖାଲି ସମୟ ବାହାର କରି ପାର୍କକୁ ଯାଇ ବୁଲିବା ଲୋକଙ୍କ ପାଇଁ କଷ୍ଟ ସାଧ୍ୟ । ହେଲେ ଏହା ଲାଇଫ୍ର ଷ୍ଟ୍ରେସ ଦୂର କରିବା ପାଇଁ ବିଶେଷଭାବେ ଆବଶ୍ୟକ । ତେବେ ବର୍ତ୍ତମାନ ଦେଖିବାକୁ ମିଳୁଛି ଲୋକମାନେ ଏହାକୁ ଏକ ବ୍ୟବସାୟରେ ପରିବର୍ତ୍ତନ କରିଛନ୍ତି । ସୋସିଆଲ ମିଡିଆରେ ଏକ ଟିକେଟ ଭାଇରାଲ ହେବାରେ ଲାଗିଛି, ଯେଉଁଥିରେ ଫରେଷ୍ଟ ବାଥିଂ ଏକ୍ସପେରିଏନ୍ସ ପାଇଁ ୧୫୦୦ ଟଙ୍କା ନିଆଯାଉଛି । ଏହାର ଅର୍ଥ ଆପଣ ଏହି ଟିକେଟ କିଣି ଗୋଟିଏ ପାର୍କରେ ବୁଲିବା ସହିତ ବିଭିନ୍ନ ମାଇଣ୍ଡ୍ଫୁଲ୍ ଆକଫିଭିଟି କରିପାରିବେ, ଯାହା ଆପଣଙ୍କ ରିଲାକ୍ସ କରିବ । ଫରେଷ୍ଟ ବାଥିଂ ଜାପାନ୍ରେ ଖୁବ ଅଧିକ ମାତ୍ରାରେ ବ୍ୟବହାର କରନ୍ତି । ଏହାର ଅର୍ଥ ଏକ ପ୍ରକାର ଥେରାପି ଯାହାକୁ ବ୍ୟବହାର କରି ଲୋକମାନେ ରିଲାକ୍ସ ହୋଇଥାଆନ୍ତି । ଏଥିରେ ବିଭିନ୍ନ ଆକଫିଭିଟି କରାଯାଇଥାଏ, ଯାହା ଆପଣଙ୍କ ଷ୍ଟ୍ରେସ କମାଇବ । ତେବେ ଏହି ଟ୍ରେଣ୍ଡକୁ ବାଙ୍ଗାଲୁରରେ ଆରମ୍ଭ କରିବାକୁ ଚେଷ୍ଟା କରାଯାଇଛି, ହେଲେ ସେଠିକାର ଲୋକମାନେ ଏହାକୁ ଗ୍ରହଣ କରିନାହାନ୍ତି । କାରଣ ଏହି ପୋଷ୍ଟରେ ସୋସିଆଲ ମିଡିଆରେ ନକରାତ୍ମକ କମେଣ୍ଟ ଦେଖିବାକୁ ମିଳୁଛି । ଯେଉଁ କାମକୁ ଫ୍ରିରେ କରିହେବ ସେଥିପାଇଁ ପଇସା ଦେବାକୁ ସେମାନେ ଅମଙ୍ଗ ହୋଇଛନ୍ତି ।
