ଅନେକ ସମୟରେ ନଖକୁ ଆମେ ଗୁରୁତ୍ୱ ଦେଉ ନଥାଉ । ହେଲେ ନଖରୁ ମଧ୍ୟ ଆମେ ଆମ ହେଲ୍ଥ ସମ୍ବନ୍ଧରେ ଅନେକ ତଥ୍ୟ ପାଇଥାଉ । ନଖର ରଙ୍ଗ, ଆକାର ଅନେକ କିଛି ସ୍ୱାସ୍ଥ୍ୟ ସମ୍ବନ୍ଧୀୟ ତଥ୍ୟ ପ୍ରଦାନ କରିଥାଏ । ନଖରେ ବେଳେବେଳେ ଧଳା ରଙ୍ଗର ଦାଗ ଦେଖିବାକୁ ମିଳିଥାଏ । ତେବେ ଏହାକୁ କେତେଜଣ ଇଗନୋର କରିଥାଆନ୍ତି, କିନ୍ତୁ ଏହା ମଧ୍ୟ ଆମ ଶରୀର କିଛି ସମସ୍ୟାକୁ ସୂଚିତ କରିଥାଏ । ତେବେ ଡାକ୍ତରଙ୍କ ସୂଚନା ଅନୁସାରେ ଗୋଟିଏ ସୁସ୍ଥ ନଖର ରଙ୍ଗ ସାଧାରଣତଃ ଗୋଲାପି ହୋଇଥାଏ । ଏହାସହ ନଖ ଆଗପଟୁ ସାମାନ୍ୟ ମୋଡି ହୋଇ ରହିଥାଏ । ତେଣୁ ନଖର ରଙ୍ଗ, ଆକାର ଓ ଟେକ୍ଶ୍ଚରରେ ପରିବର୍ତ୍ତନ ପୋଷଣ ଅଭାବ, ସଂକ୍ରମଣ ଆଦିକୁ ସୂଚାଇଥାଏ । ଆମ ନଖ କେରେଟିନ୍ ନାମକ ପୋଷଣରୁ ପ୍ରସ୍ତୁତ ହୋଇଥାଏ, ଯାହାର ଅଭାବରେ ନଖରେ ବିଭିନ୍ନ ସମସ୍ୟା ଦେଖିବାକୁ ମିଳିଥାଏ । ତେବେ ନଖରେ ଦେଖାଯାଉଥିବା ଧଳା ଦାଗ ଅନେକ ସମସ୍ୟା ଯେପରି ଜ୍ୱର, ଲିଭର ସମସ୍ୟା, ହାର୍ଟ ସମସ୍ୟା, କିଡନୀ ସମସ୍ୟା ଆଦି ହେବାର ସମ୍ଭାବନା ରହିଥାଏ । ଏହି ସମସ୍ୟା ଗୁଡିକ ଜିଙ୍କ ଅଭାବରେ ଆମ ଶରୀରରେ ଦେଖିବାକୁ ମିଳିଥାଏ । ତେଣୁ ନଖରେ ଧଳା ଦାଗ ଜିଙ୍କ ଓ ଆଇରନର ଅଭାବ ଦର୍ଶାଇଥାଏ । ତେଣୁ ଏଥିରୁ ବଞ୍ଚିବାକୁ ହେଲେ ବିଭିନ୍ନ ଡ୍ୟାରୀ ପ୍ରଡକଫ, ଚିକେନ୍, କିସ୍ମିସ୍, ମଟର ଆଦି ଖାଆନ୍ତୁ । ଏହାସହ ଯଦି ଚାହିଁବେ ଡାକ୍ତରଙ୍କ ପରାମର୍ଶ ନେଇପାରିବେ ।
Comments are closed.