ଅଷ୍ଟ୍ରିଆ ବର୍ତ୍ତମାନ ଏକ ନିଆରା ଘଟଣା ପାଇଁ ଖୁବ ଚର୍ଚ୍ଚାରେ ରହିଛି । ଏଠିକାର ନ୍ୟାୟ ବିଭାଗ ସାମନାକୁ ଜଣେ ଏଭଳି କଏଦୀ ଆସିଛନ୍ତି ଯିଏ ବର୍ତ୍ତମାନ ଖୁବ ଚର୍ଚ୍ଚାରେ ରହିଛନ୍ତି । ଏହି କଏଦୀଙ୍କ ଓଜନ ରହିଛି ୩୦୦ କିଗ୍ରା ଏବଂ ଯାହାଙ୍କର ପ୍ରତିଦିନର ଖର୍ଚ୍ଚ ହେଉଛି ଏକ ଲକ୍ଷ । ୨୯ ବର୍ଷୀୟ ଏହି କଏଦୀଙ୍କ ଉପରେ ସରକାର ଖୁବ ଅଧିକ ଅର୍ଥ ଖର୍ଚ୍ଚ କରୁଥିବା ସୂଚନା ଜଣା ପଡିବାପରେ ସେଠାରେ ହଙ୍ଗମା ଦେଖିବାକୁ ମିଳିଛି । ଏହି ବ୍ୟକ୍ତିଙ୍କୁ ଏକ ବଡ ଚୋରି କେସ୍ରେ ଗିରଫ କରାଯାଇ ଜେଲରେ ରଖାଯାଇଛି । ସେ ରହିବା ପାଇଁ ଏକ ସ୍ୱତନ୍ତ୍ର ବ୍ୟବସ୍ଥା କରାଯାଇଛି । ତାଙ୍କ ପାଇଁ ସମସ୍ତ ସାମଗ୍ରୀକୁ ସ୍ୱତନ୍ତ୍ରଭାବେ ତିଆରି କରାଯିବା ସହିତ ତାଙ୍କର ଯନି ନେବାକୁ ଜଣେ ନର୍ସଙ୍କୁ ନିଯୁକ୍ତ କରାଯାଇଛି । ଜଣେ ସାଧାରଣତ କଏଦୀର ଦୈନିକ ଖର୍ଚ୍ଚ ୧୮୦ୟୁରୋ ହୋଇଥିବାବେଳେ ଏହି କଏଦୀର ଖର୍ଚ୍ଚ ୧୮୦୦ୟୁରୋ ରହିଛି । ଏହି କଏଦୀଙ୍କୁ ବର୍ତ୍ତମାନ ଦୁନିଆର ସବୁଠାରୁ ମୋଟା କଏଦୀର ଆଖ୍ୟା ଦିଆଯାଇଛି ।
