ଗୋଟିଏ ଦେଶ ନିର୍ମାଣ କରିବାକୁ ଅନେକ କିଛିର ଆବଶ୍ୟକ ହୋଇଥାଏ । ହେଲେ ଦୁନିଆରେ ଏଭଳି ଏକ ଦେଶ ରହିଛି, ଯାହାକୁ ତିନିଜଣ ସାଙ୍ଗ ମିଳିମିଶି ନିର୍ମାଣ କରିଥିଲେ । ରିପୋର୍ଟ ଅନୁସାରେ ଅଷ୍ଟ୍ରେଲିଆର ରହିଛି ଏହି ଦେଶ ଯାହାର ନାଁ ହେଉଛି ଅଲ୍ଟାନିୟମ । ଏହି ଦେଶର ନିର୍ମାଣ ପଛରେ ଏକ ରୋଚକ ତଥ୍ୟ ସାମିଲ ରହିଛି । ଏହାକୁ ୧୯୮୧ରେ ତିନିଜଣ ସାଙ୍ଗ ମିଶି ନିଜ ବାଡିପଟେ ନିର୍ମାଣ କରିଥିଲେ । ଏହାକୁ ମାଇକ୍ରୋନେସନର ଆଖ୍ୟା ମିଳିଛି । ଜର୍ଜ କ୍ରୁଇକଶଙ୍କ୍, ଜେଫରି ଡୁଗାନ୍, କ୍ଲେୟରେ କୋଲଫର ନାମକ ଏହି ତିନି ସାଙ୍ଗ ଏହି ଦେଶକୁ ନିର୍ମାଣ କରିଥିଲେ । ଏହାକୁ ମାତ୍ର ୧୦ ସ୍କୋୟାର ମିଟରରେ ପ୍ରଥମେ ନିର୍ମାଣ କରାଯାଇଥିଲା । ଏହି ଦେଶର ନିଜସ୍ୱ ସରକାର ସହିତ, ପୋଷ୍ଟ ଅଫିସ, ଷ୍ଟାମ୍ପ, କଏନ୍, ପୋଷ୍ଟକାର୍ଡ, ପତାକା ଆଦି ରହିଛି ।
