ମୋହାଲି : ମୋହାଲିଠାରେ ଶନିବାର ଖେଳାଯାଇଥିବା ଆଇପିଏଲ ମ୍ୟାଚରେ କୋଲକାତା ନାଇଟ ରାଇଡର୍ସକୁ ୭ ରନରେ ପରାସ୍ତ କରିଛି ପଞ୍ଜାବ କିଙ୍ଗସ। ଏହି ମ୍ୟାଚରେ କୋଲକାତା ଆଗରେ ୧୯୨ରନର ବିଜୟ ଲକ୍ଷ୍ୟ ରଖାଯାଇଥିବାବେଳେ କୋଲକାତା ୧୬ ଓଭରରେ ୭ ଓ୍ବିକେଟ ହରାଇ ୧୪୬ ରନ କରିଥିବାବେଳେ ବର୍ଷା ଯୋଗୁଁ ମ୍ୟାଚ ବାଧାପ୍ରାପ୍ତ ହୋଇଥିଲା। ପରେ ଡିଏଲ ନିୟମ ଅନୁସାରେ ପଞ୍ଜାବକୁ ୭ ରନରେ ବିଜୟୀ ଘୋଷଣା କରାଯାଇଥିଲା। କୋଲକାତା ପକ୍ଷରୁ ଭେଙ୍କଟେଶ ଆୟର ୩୪ ଓ ନିତିଶ ରାଣା ୨୪ ରନ୍ କରିଥିଲେ। ଏହି ମ୍ୟାଚରେ କୋଲକାତା ଟସ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା। ପ୍ରଥମେ ବ୍ୟାଟିଂ କରିଥିବା ପଞ୍ଜାବର ପ୍ରଭସିମରନ ସିଂ (୨୩) ଓ ଶିଖର ଧାଓ୍ବନ (୪୦) ଲଢୁଆ ବ୍ୟାଟିଂ କରିବା ସହ ଦଳକୁ ଭଲ ଆରମ୍ଭ ଦେଇଥିଲେ। ଭାନୁକା ରାଜପକ୍ଷେ ଦଳପାଇଁ ସର୍ବାଧିକ ୫୦ ରନ୍ କରିଥିଲେ। ସେହିପରି ଜିତେଶ ଶର୍ମା ୨୧ରନ ଓ ସିକନ୍ଦର ରାଜା ୧୬ରନ ଓ ସାମ କୁରାନ ୨୬ରନ କରିଥିଲେ। ଫଳରେ ଦଳ ୨୦ ଓଭରରେ ୧୯୧ରନ କରିଥିଲା। କୋଲକାତା ପକ୍ଷରୁ ଟିମ ସାଉଦି ୨ଟି ଓ୍ବିକେଟ ନେଇଥିବାବେଳେ ଉମେଶ ଯାଦବ, ସୁନୀଲ ନାରିନ ଓ ବରୁଣ ଚକ୍ରବର୍ତ୍ତୀ ଗୋଟିଏ ଲେଖାଏଁ ଓ୍ବିକେଟ ନେଇଥିଲେ। ୧୯୨ ରନ୍ର ଲକ୍ଷ୍ୟକୁ ପିଛା କରି କୋଲକାତା ନିୟମିତ ବ୍ୟବଧାନରେ ୱିକେଟ୍ ହରାଇଥିଲା। ତଥାପି ଆନ୍ଦ୍ରେ ରସେଲ ୩୫ ରନ୍ର ଦ୍ରୁତ ପାଳି ଖେଳିଥିଲେ। କିନ୍ତୁ ସେ ଆଉଟ୍ ହୋଇଯିବା ପରେ ବର୍ଷା ହେବାରୁ ଖେଳ ବନ୍ଦ ରହିଥିଲା। ସେତେବେଳକୁ ଡିଏଲ୍ଏସ୍ ଆଧାରରେ କୋଲକାତା, ପଞ୍ଜାବଠୁ ୭ ରନ୍ ପଛରେ ଥିଲା। ।ମ୍ୟାଚ୍ରେ ୩ ୱିକେଟ୍ ନେଇଥିବା ଅର୍ଶଦୀପ ସିଂହଙ୍କୁ ଶ୍ରେଷ୍ଠ ଖେଳାଳି ପୁରସ୍କାର ଦିଆଯାଇଥିଲା।
Comments are closed.