୧୯୧୨ରେ ନିର୍ମାଣ ହୋଇଥିଲା ବିଶ୍ୱର ଶକ୍ତିଶାଳୀ ତଥା ବୃହତ୍ତମ ଜାହାଜ ଟାଇଟାନିକ୍ । ହେଲେ ଦୁର୍ଭାଗ୍ୟର କଥା ଏହା ଥିଲା କି ଟାଇଟାନିକ୍ର ପ୍ରଥମ ଯାତ୍ରା ପାଲଟି ଯାଇଥିଲା ଏହାର ଅନ୍ତିମ ଯାତ୍ରା । ଏହା ଇଂଲଣ୍ଡରୁ ନ୍ୟୁୟର୍କ ସିଟିକୁ ନିଜର ଯାତ୍ରା ଆରମ୍ଭ କରିଥିଲା । ଏହା ଫ୍ରାନ୍ସ, ଆଇରଲାଣ୍ଡ ଦେଇ ଆଟଲାଣ୍ଟିକ ସାଗରକୁ ଯାତ୍ରା କରିଥିଲା । ସେହିଭଳି ଏହା ପଲିମାଉଥ୍, ଇଂଲଣ୍ଡ, ଚେରବର୍ଗ ଦେଇ ଫେରିବାର ଥିଲା । ହେଲେ ଏହି ଯାତ୍ରା ଅଧାରେ ରହିଯାଇଥିଲା । ଖୁବ କମ ଦିନର ଯାତ୍ରା ପରେ ୧୯୧୨ ମସିହାର ଏପ୍ରିଲ ମାସ ୧୫ ତାରିଖରେ ଏହା ଏକ ବିରାଟ ବଡ ବରଫ ପାହାଡ ସହ ଧMା ହୋଇଥିଲା । ଯେଉଁଥିରେ ଟାଇଟାନିକରେ ଚଢିଥିବା ୨,୨୪୦ ଜଣଙ୍କର ଜୀବନ ସଙ୍କଟରେ ପଡିଯାଇଥିଲା । ଏହି ଦୁର୍ଘଟଣାର ମାତ୍ରା ଏତେ ଅଧିକ ଥିଲା ଯେ ଏଥିରେ ପାଖାପାଖି ୧୫୦୦ଙ୍କର ପ୍ରାଣହାନୀ ଘଟିଥିଲା । ଏହି ସମୟରେ ନ୍ୟୁୟର୍କକୁ ଯାଉଥିବା ଅନ୍ୟ ଏକ ଜାହାଜ ଦେବଦୂତ ସାଜିଥିଲା । ସେହି ଜାହାଜ ନିଜର ଲାଇଫ ବୋଟ୍ସ ସାହାଯ୍ୟରେ ପାଖାପାଖି ୭୦୫ ଜଣଙ୍କୁ ଉଦ୍ଧାର କରି ନ୍ୟୁୟର୍କରେ ଛାଡିଥିଲା । ଟାଇଟାନିକ କୂଳଠାରୁ ମାତ୍ର ୪୦୦ ମାଇଲ ଦୂରରେ ବୁଡିଥିଲା । ସେହିଭଳି ଏହାର ଅଂଶବିଶେଷ ଦୀର୍ଘ ୨୦ ବର୍ଷ ପରେ ୧୯୮୫ ମସିହାରେ ମରାଇନ୍ ଏକ୍ସପ୍ଲୋରର ରବର୍ଟ ବଲ୍ଲାର୍ଡଙ୍କ ନଜରକୁ ଆସିଥିଲା । ଯିଏ ଦୀର୍ଘ ୨୦ ବର୍ଷ ପରେ ଟାଇଟାନିକ୍ ସମ୍ପର୍କରେ ଅଧିକ ଗବେଷଣା କରିବାକୁ ଏଠାକୁ ଆସିଥିଲେ । ଜାହାଜର ଅଂଶବିଶେଷ ସମୁଦ୍ର ତଳେ ପାଖାପାଖି ୧୨,୫୦୦ ଫୁଟ ତଳେ ରହିଥିବାବେଳେ ଏହାର ଦୁଇଖଣ୍ଡ ନିଜନିଜ ଭିତରେ ୨,୬୦୦ ଫୁଟ ଦୂରତାରେ ଥିଲେ । ସେହିଭଳି ଟାଇଟାନିକର କାହାଣୀକୁ ନେଇ ହଲିଉଡ୍ରେ ଫିଲ୍ମ “ଟାଇଟାନିକ’ର ନିର୍ମାଣ କରାଯାଇଥିଲା । ୧୯୯୭ରେ ହୋଇଥିବା ଏହି ଫିଲ୍ମ ସେତେବେଳେ ସୁପରହିଟ୍ ହୋଇଥିଲା । ଏହି ଫିଲ୍ମରେ ଟାଇଟାନିକ୍ ଦୁର୍ଘଟଣାର ପୁରା ଘଟଣାବଳୀରେ କିଛି ପରିବର୍ତ୍ତନ କରାଯାଇ ନାଟକୀୟ ଢଙ୍ଗରେ ପ୍ରଦର୍ଶନ କରାଯାଇଛି ।
