ହାଟ ପରମ୍ପରା ଖୁବ ପୂରାତନ ଯାହା ଆଜି ବି ବଞ୍ଚି ରହିଛି । ଆଜି ବି ଏଭଳି କିଛି ହାଟ ରହିଛି ଯାହା ନିଜର ସ୍ୱତନ୍ତ୍ରତା ପାଇଁ ପରିଚିତ । ତେବେ ହାଟରେ ସାଧାରଣତଃ ପଇସା ଦିଆଯାଇ ତା ବଦଳରେ ସାମଗ୍ରୀ କିଣା ଯାଇଥାଏ, କିନ୍ତୁ ଏଭଳି ଏକ ହାଟ ରହିଛି ଯେଉଁଠି ପଇସା ବିକ୍ରି ହୋଇଥାଏ । ଆଫ୍ରିକାର ସୋମାଲିଲାଣ୍ଡରେ ଅନ୍ୟ ସାମଗ୍ରୀ ଭଳି ନୋଟର ବଣ୍ଡଲ ବିକ୍ରି ହୋଇଥାଏ । ଏହା ପଛରେ ଖୁବ ଗୁରୁତ୍ୱପୂର୍ଣ୍ଣ କାରଣ ରହିଛି । ସୂଚନା ଅନୁସାରେ ଏହି ସ୍ଥାନରେ ସୋମାଲିଲାଣ୍ଡ ସିଲିଂ ମୁଦ୍ରାର ପ୍ରଚଳନ ରହିଛି, ଯାହାର ଏହି ସ୍ଥାନ ବାହାରେ କୌଣସି ମୂଲ୍ୟ ନାହିଁ । ଏଠାରେ ଗୋଟିଏ ଡଲାର ମୂଲ୍ୟ ୯ହଜାର ସିଲିଂ, ଯାହାର ଅର୍ଥ ଗୋଟିଏ ଡଲାରର ସାମଗ୍ରୀ କିଣିବାକୁ ତୁମକୁ ବ୍ୟାଗ ଭର୍ତ୍ତି ନୋଟ ଦେବାକୁ ପଡିବ । ତେଣୁ ଲୋକମାନେ ଏଠାରେ ଅଧିକ ମାତ୍ରାରେ ନୋଟ କିଣିଥାଆନ୍ତି ଯାହା ସେମାନଙ୍କର ହାଟରେ ବିକ୍ରି ହୋଇଥାଏ । ତେବେ ବର୍ତ୍ତମାନ ଏଠାରେ ଏହି ସମସ୍ୟାର ସମାଧାନ ଅନ୍ଲାଇନ୍ ପେମେଣ୍ଟ କରିଛି । ସମସ୍ତେ ଏଠାରେ ଅନଲାଇନ୍ ପେମେଣ୍ଟ ମୋଡକୁ ଆପଣାଉଛନ୍ତି, ଏପରିକି ଏଠାରେ ଭିକାରି ମଧ୍ୟ ସ୍ମାର୍ଟଫୋନ୍ ସହିତ ଅନ୍ଲାଇନ ପେମେଣ୍ଟ ମୋଡକୁ ବ୍ୟବହାର କରୁଛନ୍ତି ।
Comments are closed.