ସାଧାରଣତଃ କେବଳ ମଣିଷମାନେ ନିଦ କ୍ଷତକୁ ଭଲ କରିବା ପାଇଁ ଔଷଧୀୟ ବୃକ୍ଷର ବ୍ୟବହାର କରିଥାଆନ୍ତି । କାରଣ ମଣିଷମାନେ ଏଭଳି ଗଛ ଗୁଡିକୁ ଚିହ୍ନି ଥାଆନ୍ତି । ତେଣୁ ସେମାନେ ଏଗୁଡିକୁ ବ୍ୟବହାର କରିବାରେ ସକ୍ଷମ ହୋଇଥାଆନ୍ତି । ତେବେ ଇଣ୍ଡୋନେସିଆର ବୈଜ୍ଞାନିକମାନେ ଏକ ଅଦ୍ଭୁୁତଦୃଶ୍ୟକୁ କଏଦ କରିଥିବା ଦାବି କରିଛନ୍ତି । ସେମାନଙ୍କ ଦାବି ଅନୁସାରେ ଇଣ୍ଡୋନେସିଆର ଜଙ୍ଗଲରେ ଜଣେ ଓରାଙ୍ଗ ଓଟାଙ୍ଗ ନିଜ ମୁହଁରେ ହୋଇଥିବା କ୍ଷତକୁ ଭଲ କରିବା ପାଇଁ କିଛି ଔଷଧୀୟ ବୃକ୍ଷର ସହାୟତା ନେଇଛନ୍ତି । ଏହି ଓରାଙ୍ଗ ଓଟାଙ୍ଗ ଲଗାତାର ଭାବେ ଏକ ବୃକ୍ଷର ତରଳକୁ ନିଜ ମୁହଁରେ ଲଗାଉଥିବାର ଦୃଶ୍ୟ ସେମାନେ ଦେଖିବାକୁ ପାଇଥିଲେ । କେବଳ ଏତିକି ନୁହେଁ ସେ ଏହି ବୃକ୍ଷର ପତ୍ରକୁ ମଧ୍ୟ ଚୋବାଇ ଖାଉଥିବାର ଦେଖିବାକୁ ମିଳିଥିଲା । ସେହି ବୃକ୍ଷର ପତ୍ରକୁ ବିଭିନ୍ନ ରୋଗକୁ ଭଲ କରିବା ପାଇଁ ବ୍ୟବହାର କରାଯାଇଥାଏ । ଏଥିରୁ ମେଲେରିଆ, ମଧୁମେହ, ଡାଇରିଆ ଭଳି ରୋଗର ପାରମ୍ପରିକ ଔଷଧୀୟ ପ୍ରସ୍ତୁତ ହୋଇଥାଏ ।
