କାନାଡର ଉତ୍ତର ଭାଗରେ ଥିବା ପର୍ବତ ମାଉଣ୍ଟ ଥର ବିଶ୍ୱର ଖୁବ ଚର୍ଚ୍ଚିତ ପାହାଡ । ଏହି ପାହାଡଟି ବଫିନ୍ ଆଇଲାଣ୍ଡରେ ସ୍ଥିତ, ଯାହା କାନାଡାର ଆର୍କଟିକ୍ ଆଇଲାଣ୍ଡଙ୍କ ଭିତରେ ସବୁଠାରୁ ବଡ । ଏହାର ନାମ ଜଣେ ଦେବତାଙ୍କ ନାମ ଉପରେ ରଖାଯାଇଛି । ଏହି ଦେବତାଙ୍କୁ ବିଜୁଳି ଓ ଘଡଘଡିର ଦେବତା ଭାବେ ସ୍ଥାନୀୟ ଅଞ୍ଚଳରେ ପୂଜା କରାଯାଇଥାଏ । ମାଉଣ୍ଟ ଥରର ଉଚ୍ଚତା ୫ହଜାର ୫୦୦ ଫୁଟ ଅଟେ । ଏହି ଉଚ୍ଚତା ସହିତ ଏହା ଆଉ ଏକ କଥା ପାଇଁ ଖୁବ ପ୍ରସିଦ୍ଧ । ଏହି ପାହାଡର ଏକ ଚଟାଣ ସିଧା ପରିବର୍ତ୍ତେ ଏକ ପଟକୁ ଭାଙ୍ଗି ହୋଇ ରହିଛି । ଏହି ଚଟ୍ଟାଣ କାରଣରୁ ପାହାଡଟି ଖୁବ ପରିଚିତ । ସାଧାରଣତଃ ସିଧା ଚଟାଣର ଉଚ୍ଚତା ୯୦ ଡିଗ୍ରୀ ରହିଥାଏ ହେଲେ ଏହି ଚଟାଣଟି ପାଖାପାଖି ୧୦୫ ଡିଗ୍ରୀ ଢଳି ରହିଛି । ଏହି ପାହାଡଟି ଖୁବ ଥଣ୍ଡା ଅଞ୍ଚଳରେ ରହିଛି ତେଣୁ ଏଠାରେ ପହଞ୍ଚିବା କଷ୍ଟ ହୋଇଥାଏ । ହେଲେମଧ୍ୟ ଏହି ପାହାଡଟି ରକ୍ କ୍ଲାଇମ୍ବରଙ୍କ ଭିତରେ ଖୁବ ଅଧିକ ପରିଚିତ । ସମସ୍ତେ ଏହାକୁ ଥରେ ଚଢିବାକୁ ଆଶା ରଖିଥାଆନ୍ତି ।
Comments are closed.