କଥାରେ ଅଛି ସ୍ବାସ୍ଥ୍ୟ ଠାରୁ ଅଧିକ ମୂଲ୍ୟବାନ ସମ୍ପତ୍ତି ନାହିଁ । ଯିଏ ଯେତେ ସୁସ୍ଥ ସିଏ ସେତେ ଧନୀ । ତେବେ ସବୁବେଳେ ସମସ୍ତେ ଚାହାନ୍ତି ସୁସ୍ଥ ରହିବା ପାଇଁ , ହେଲେ ଏଭଳି କିଛି ସ୍ବାସ୍ଥ୍ୟ ସମସ୍ୟା ରହିଛି ଯେଉଁଥିରେ ଭାରତୀୟମାନେ ଆଗରେ ରହିଥାଆନ୍ତି । ସେହିଭଳି ଭାରତରେ ଅଧିକ ଦେଖିବାକୁ ମିଳୁଥିବା କିଛି ସ୍ବାସ୍ଥ୍ୟ ସମସ୍ୟାକୁ ନେଇ ସ୍ବତନ୍ତ୍ର ଉପସ୍ଥାପନା
ଅନେକ ସମୟରେ ଅନେକ ତଥ୍ୟ ଭାରତୀୟଙ୍କ ସ୍ବାସ୍ଥ୍ୟକୁ ନେଇ ଉପସ୍ଥାପନା କରାଯାଇଥାଏ । କେଉଁଠି ଭାରତରେ ଦେଖିବାକୁ ମିଳୁଥିବା ସ୍ବାସ୍ଥ୍ୟ ସମସ୍ୟାକୁ ନେଇ ଏହାକୁ ରାଙ୍କ ପ୍ରଦାନ କରାଯାଇଥାଏ ତ କେଉଁଠି କିଭଳି ଏହାକୁ ଭାରତୀୟଙ୍କ ଜୀବନରୁ ଦୂରେଇ ହେବ ସେ ନେଇ ପରାମର୍ଶ ପ୍ରକାଶ ପାଇଥାଏ । ତେବେ ଭାରତୀୟମାନେ ସବୁବେଳେ ସ୍ବାସ୍ଥ୍ୟକୁ ନେଇ ବେଶ୍ ଯତ୍ନବାନ ଥାଆନ୍ତି । ଅନେକ ବର୍ଷ ପୂର୍ବରୁ ଭାରତର ଅବସ୍ଥା ସ୍ବାସ୍ଥ୍ୟ କ୍ଷେତ୍ରରେ ଯାହା ଥିଲା ସେଥିରେ ବର୍ତ୍ତମାନ ଉନ୍ନତ୍ତି ପରିଲକ୍ଷିତ ହେଉଛି । ଧୀରେଧୀରେ ଦେଶରେ ମାତୃ ଓ ଶିଶୁ ମୃତ୍ୟୁ ହାର କମୁଛି । ବିଭିନ୍ନ ପ୍ରକାର ଯୋଜନା ଅଧୀନରେ ବିଭିନ୍ନ ପ୍ରକଳ୍ପ ଲଞ୍ଚ କରାଯାଉଛି, ଯେଉଁଥିରେ ସାଧାରଣ ଲୋକଙ୍କୁ ସଚେତନ କରି ଅନେକ ରୋଗରୁ ଦୂରେଇ ରଖାଯାଉଛି । ଯାହାଫଳରେ ପୋଲିଓ, ମେଲେରିଆ, ଡେଙ୍ଗୁ ଭଳି ରୋଗକୁ ନିୟନ୍ତ୍ରଣ କରିବାରେ ପ୍ରଶାସନ କେତେକାଂଶରେ ସଫଳ ହୋଇଛି । ଧୀରେ ଧୀରେ ଭାରତୀୟ ସ୍ବାସ୍ଥ୍ୟ ବ୍ୟବସ୍ଥାରେ ଆଧୁନିକ ଜ୍ଞାନକୌଶଳର ବ୍ୟବହାର ବଢିବାରେ ଲାଗିଛି, ଯାହା ଏହାକୁ ଆହୁରି ଉନ୍ନତ୍ତ କରୁଛି । ଲୋକ ଆଉ ଡାକ୍ତରଖାନା ନଯାଇ ପାରି ଗମ୍ଭୀର ରୋଗରେ ମରୁଥିବା କମ ଦେଖିବାକୁ ମିଳୁଛି । ବିଭିନ୍ନ ଦୂରାସାଧ୍ୟ ରୋଗକୁ ଚିକିତ୍ସା କରିବାରେ ଆମ ଡାକ୍ତରମାନେ ସକ୍ଷମ ହୋଇ ପାରିଛନ୍ତି । କିନ୍ତୁ ଏହାରି ଭିତରେ ଏଭଳି ସ୍ବାସ୍ଥ୍ୟ ସମସ୍ୟା ରହିଛି ଯେଉଁଗୁଡିକ ଆଜି ବି ଘାତକ ହୋଇ ରହିଛି । ଯେଉଁ ରୋଗ ଗୁଡିକରେ ଭାରତର ପ୍ରତିବର୍ଷ ଅନେକ ଲୋକଙ୍କ ଜୀବନ ଯାଉଥିବା ଖବର ଦେଖିବାକୁ ମିଳୁଛି । ତେବେ ଏହି ସବୁ ରୋଗ ସମ୍ପର୍କରେ ଜାଣି ଏହାର ଲକ୍ଷଣ ଚିହ୍ନି ସଠିକ୍ ସମୟରେ ଚିକିତ୍ସା କରାଇ ପାରିଲେ ଏହା ଆରୋଗ୍ ହୋଇପାରୁଛି । ସେହିଭଳି କିଛି ସମସ୍ୟା ଏଭଳି ରହିଛି ଯେଉଁଗୁଡିକ ଆମର ଜୀବନଶୈଳୀ ଉପରେ ମଧ୍ୟ ନିର୍ଭର କରୁଛି । ଆଜିକାଲିର ବ୍ୟସ୍ତ ଆଧୁନିକ ଜୀବନଶୈଳୀ କିଛି ରୋଗର କାରଣ ସାଜୁଛି । ତେବେ ଆସନ୍ତୁ ଜାଣିବା ଭାରତରେ କେଉଁ ୧୦ଟି ରୋଗ ସର୍ବାଧିକ ଘାତକ ।
ହୃଦରୋଗ
ଆଜିକାଲି ଭାରତରେ ଅଧିକ ରୁ ଅଧିକ କେସ୍ ହୃଦରୋଗର ସାମନାକୁ ଆସୁଛି । ହୃଦରୋଗର ବିଭିନ୍ନ ପ୍ରକାରର ରୋଗୀ ଦେଖିବାକୁ ମିଳୁଛନ୍ତି, ସେଥିରୁ କିଛି ସାମାନ୍ୟ ଥିବା ବେଳେ କିଛି ଗମ୍ଭୀର ରହୁଛି । ଏହି ତାଲିକା ବେଶ ଲମ୍ବା ଥିବାବେଳେ ଏଥିରେ ଇସ୍କେମିକ ହାର୍ଟ ଡିଜିଜ୍ ଆଗରେ ରହିଛି । ଏହା ଏକ ଏପରି ସ୍ବାସ୍ଥ୍ୟ ସମସ୍ୟା ଯେଉଁଥିରେ ଧମନୀ ଗୁଡିକୁ ଖୁବ ସରୁ ହୋଇଯାଏ, ଯାହାଫଳରେ ହୃତପିଣ୍ଡଙ୍କୁ ରକ୍ତ ସଞ୍ଚାଳନ କମିଥାଏ । ଯାହାଫଳରେ ହୃଦଘାତର ଆଶଙ୍କା ବଢିଥାଏ । ଏହି ସମସ୍ୟା ହେବାର ମୁଖ୍ୟ କାରଣ ଭାବେ ଉଚ୍ଚ ରକ୍ତ ଚାପ, ହାଇ କୋଲଷ୍ଟ୍ରୋଲ, ମଧୁମେହ, ମେଦବହୂଳତା ଆଦି ହୋଇଥାଏ । ଏହି ସବୁ କାରଣ ପାଇଁ ଏହି ସମସ୍ୟା ବଢିଥାଏ । ଏହାର ଲକ୍ଷଣଭାବେ ଛାତିରେ ଯନ୍ତ୍ରଣା, ନିଃଶ୍ବାସ ନେବାରେ ସମସ୍ୟା, ଫଟିଗୋ ଭଳି ସମସ୍ୟା ଦେଖିବାକୁ ମିଳିଥାଏ । ସେହିଭଳି ଗୁରୁତର କେସରେ ହୃଦଘାତର ମଧ୍ୟ ଆଶଙ୍କା ରହିଛି । ଏହା ବିଶେଷଭାବେ ଆମର ଜୀବନଶୈଳୀ ଉପରେ ନିର୍ଭର କରିଥାଏ । ଏହି ରୋଗ ଆଶଙ୍କାକୁ ଦୂରେଇବା ପାଇଁ ଘରେ ପ୍ରତ୍ୟେହ ବ୍ୟାୟାମ, ସୁସ୍ଥକର ଖାଦ୍ୟ, ଏଭଳି ଡାଏଟ୍ ଫଲୋ କରନ୍ତୁ ଯେଉଁଥିରେ ଚର୍ବି ଓ ମିଠାର ମାତ୍ରା କମ ଥିବ । ନିଶା ଓ ତମାଖୁ ଠାରୁ ଦୂରରେ ରହିବାକୁ ହେବ । କିଛି ସମୟ ବ୍ୟବଧାନରେ ଡାକ୍ତରଙ୍କ ପରାମର୍ଶର ଆବଶ୍ୟକତା ମଧଅୟ ରହିଛି । ଯେ କୌଣସି ପଦକ୍ଷେପ ନେବା ଆଗରୁ ଡାକ୍ତରଙ୍କ ପରାମର୍ଶ ନିଅନ୍ତୁ ।
ଫୁସ୍ ଫୁସ ସମ୍ବନ୍ଧୀୟ ସମସ୍ୟା
ଏହି ତାଲିକାରେ ଦ୍ବିତୀୟରେ ରହିଛି ଫୁସଫୁସ୍ ସମ୍ବନ୍ଧୀୟ ସ୍ବାସ୍ଥ୍ୟ ସମସ୍ୟା । ଏଥିରେ ଆଗରେ ରହିଥାଏ କ୍ରୋନିକ ଅବ୍ଷ୍ଟ୍ରକଟିଭ୍ ପଲ୍ୟୁମୋନାରୀ ଡିଜିଜ୍ ବା ସିଓପିଡି । ଏହି ସମସ୍ୟାରେ ଫୁସଫୁସ୍ ସମ୍ବନ୍ଧିତ ଅନେକ ସମସ୍ୟା ମିଶି କରି ରହିଥାଏ । ଏଥିରେ ଏମ୍ଫାସିମା, କ୍ରୋନିକ ବ୍ରୋଙ୍କାଇଟ୍ସ ଭଳି ସମସ୍ୟା ସାମିଲ ଥାଏ । ଏହି ରୋଗ ସାଧାରଣତଃ ଅଧିକ ଦିନ ଧରି ଧୂମପାନ, ଅଧିକ ସମୟ ପ୍ରଦୂଷଣରେ ବିତାଇବା, କୌଣସି କେମିକାଲ କିମ୍ବା ଧୂଳି ସଂସ୍ପର୍ଷରେ ଲଗାତାର ଆସିବା । ଏହାର ଲକ୍ଷଣ ଭାବେ ଲଗାତାର କଫ, ନିଃଶ୍ବାସ ନେବାରେ ସମସ୍ୟା, ଛାତିରେ ଯନ୍ତ୍ରଣା ଆଦି ଦେଖିବାକୁ ମିଳିଥାଏ । ଏଭଳି କୌଣସି ଲକ୍ଷଣ ଦେଖିଲେ ତୁରନ୍ତ ଡାକ୍ତରଙ୍କ ପରାମର୍ଶ ନିଅନ୍ତୁ । ଡାକ୍ତରଙ୍କ ଚିକିତ୍ସା ସହିତ ଘରେ ନିଜର ଜୀବନ ଶୈଳୀରେ କିଛି ପରିବର୍ତ୍ତନର ମଧ୍ୟ ଆବଶ୍ୟକ ରହିଛି । ନିଶାଦ୍ରବ୍ୟ ଠାରୁ ଦୂରରେ ରୁହନ୍ତୁ, ପରିବେଶ ପ୍ରଦୂଷଣରୁ ଦୂରରେ ରୁହନ୍ତୁ, ସେହିଭଳି ବାହାରକୁ ଯିବା ସମୟରେ ମାସ୍କ ପିନ୍ଧନ୍ତୁ । ଏହାପରେ ସବୁବେଳେ ଚିକିତ୍ସକଙ୍କ ପରାମର୍ଶରେ ରୁହନ୍ତୁ ।
ଷ୍ଟ୍ରୋକ
ଆଜିକାଲି ଅନେକ ସମୟରେ ଷ୍ଟ୍ରୋକ ସମସ୍ୟା ଦେଖିବାକୁ ମିଳୁଛି । ଏହି ଷ୍ଟ୍ରୋକ ସମସ୍ୟା ଭିତରେ ସେରେବ୍ରୋଭସ୍କୁଲାର ସମସ୍ୟା ବା ମସ୍ତିଷ୍କ ରକ୍ତନଳୀ ରୋଗ । ଏହି ସମସ୍ୟାରେ ଯେତେବେଳେ ମସ୍ତିଷ୍କର କୌଣସି ଅଂଶକୁ ରକ୍ତ ସଞ୍ଚାଳନ କମ ହୋଇଥାଏ ସେତେବେଳେ ବ୍ରେନରେ ଥିବା ଟିସୁରେ ଅମ୍ଳଜାନର ଅଭାବ ଦେଖିବାକୁ ମିଳିଥାଏ । ଉଚ୍ଚ ରକ୍ତଚାପ, ଏଥେରାସ୍କେରୋସିଲେରୋସିସ୍, ମଧୁମେହ, ମେଦବହୁଳତା ଏହାର ପ୍ରାଥମିକ କାରଣ ହୋଇଥାଏ । ଏହି ସମସ୍ୟାର ଲକ୍ଷଣ ଭାବେ ହଠାତ୍ ଅତ୍ୟଧୀକ ଦୁର୍ବଳ ଲାଗିବା, କଥା କହିବାରେ ଅସୁବିଧା, ଦୃଷ୍ଟି ଶକ୍ତି କମିବା, ପ୍ରବଳ ମୁଣ୍ଡ ବିନ୍ଧା । ଏହାର ଚିକିତ୍ସା ଡାକ୍ତରଙ୍କ ପରାମର୍ଶରେ କରନ୍ତୁ । ହେଲେ ନିଜ ଦୌନନ୍ଦିନ କାର୍ଯ୍ୟରେ ମଧ୍ୟ କିଛି ପରିବର୍ତ୍ତନ କରିବାକୁ ପଡିବ । ରକ୍ତଚାପକୁ ନିୟନ୍ତ୍ରଣରେ ରଖନ୍ତୁ, ମଧୁମେହ ଯଦି ରହିଛି ତେବେ ନିୟନ୍ତ୍ରଣରେ ରଖନ୍ତୁ, ସବୁବେଳେ ଯାହା ହୃଦୟ ପାଇଁ ସୁସ୍ଥକର ସେହିଭଳି ଖାଦ୍ୟ ଖାଆନ୍ତୁ । ପ୍ରତ୍ୟେକ ଦିନ ବ୍ୟାୟାମ କରନ୍ତୁ । ଯାହାଫଳରେ ଏହା ଆପଣଙ୍କ ନିୟନ୍ତ୍ରଣରେ ରହିବ । ସେହିଭଳି ନିୟମିତ ବ୍ୟବଧାନରେ ଡାକ୍ତରଙ୍କ ପରାମର୍ଶ ସହିତ ଶରୀର କିଛି ପରୀକ୍ଷା କରନ୍ତୁ । ସେହିଭଳି ଷ୍ଟ୍ରୋକର ଆହୁରି ଅନେକ ପ୍ରକାର ମଧ୍ୟ ରହିଛି, ଯାହା ମଧ୍ୟ ଘାତକ ହୋଇଥାଏ । ତେଣୁ ନିଜର ଜୀବନଶୈଳୀକୁ ସବୁବେଳେ ମାର୍ଜିତ ରଖନ୍ତୁ । ସବୁବେଳେ ସୁସ୍ଥ ଖାଦ୍ୟପେୟ ଆପଣାନ୍ତୁ । ବ୍ୟାୟାମ କରନ୍ତୁ ଏବଂ ଅଯଥା ଚିନ୍ତାରୁ ଦୂରରେ ରୁହନ୍ତୁ ।
