ଅନେକ ସମୟରେ ବୈଜ୍ଞାନିକମାନେ ଏଭଳି କିଛି ସାମଗ୍ରୀର ଉଦ୍ଭୁାବନ କରନ୍ତି ଯାହାକୁ ସାଧାରଣ ଲୋକ ବିଶ୍ୱାସ କରି ପାରନ୍ତି ନାହିଁ । ସେହିଭଳି ଏକ ଉଦ୍ଭୁାବନ ବର୍ତ୍ତମାନ ସୋସିଆଲ ମିଡିଆରେ ଘୁରି ବୁଲୁଛି, ଯାହାକୁ ନେଇ ଖୁବ ଚର୍ଚ୍ଚା ଜାରି ରହିଛି । ସୂଚନା ଅନୁସାରେ ଖୁବଶୀଘ୍ର ଆମେ ବ୍ୟବହାର କରୁଥିବା ଟୁଥ୍ପେଷ୍ଟ କେଶରୁ ପ୍ରସ୍ତୁତ ହେବାକୁ ଯାଉଛି । ତେବେ ଏଥିପାଇଁ କେଉଁ କେଶ ବ୍ୟବହାର କରାଯିବ ସେନେଇ କୌଣସି ସ୍ପଷ୍ଟ ତଥ୍ୟ ନାହିଁ । ବୈଜ୍ଞାନିକ ପ୍ରକ୍ରିୟା ଅନୁସାରେ ପ୍ରଥମେ କେଶ କିମ୍ବା ଉଲରୁ କେରାଟିନ୍ ପ୍ରୋଟିନ୍କୁ ସଂଗ୍ରହ କରାଯିବ । ଏହାପରେ ଏହାକୁ ସାଲିଭା ସହିତ ମିଶ୍ରଣ କରାଯିବ । ଏହାପରେ କେରାଟିନ ସହିତ ମିନେରାଲର ମିଶ୍ରଣ ଘଟିବ । ଯାହାଦ୍ୱାର ଏକ କ୍ରିଷ୍ଟାଲର ନିର୍ମାଣ ହେବ । ଏହାକୁ ଟୁଥ୍ପେଷ୍ଟରେ ନିର୍ମାଣ କରାଯିବ ବୋଲି ଜଣା ପଡିଛି । ଖବରଟି ଜଣା ପଡିବାପରେ ଖୁବ ଭାଇରାଲ ହେବାରେ ଲାଗିଛି । ଟୁଥ୍ପେଷ୍ଟରେ କେରାଟିନ୍ର ଶକ୍ତି ମିଶିବା ପରେ ଏହା ଖୁବ ଉପାଦେୟ ହେବ ବୋଲି ବୈଜ୍ଞାନିକମାନେ ପ୍ରକାଶ କରିଛନ୍ତି । ଏହାକୁ ନେଇ ଅଧିକ ଗବେଷଣା ଜାରି ରହିଛି, ଯେଉଁଥିରୁ ଆହୁରି ତଥ୍ୟ ମିଳିବା ପରେ ପେଷ୍ଟକୁ ନିର୍ମାଣ କରାଯିବ ବୋଲି ଜଣା ପଡିଛି ।
