ୟୁରୋପର କିଛି ଉପଗ୍ରହ ମିଶି ପ୍ରସ୍ତୁତ କରିଛନ୍ତି କୃତ୍ରିମ ସୂର୍ଯ୍ୟ ଗ୍ରହଣ, ଯାହା ବିଶ୍ୱରେ ପ୍ରଥମଥର ପାଇଁ ସୃଷ୍ଟି କରାଯାଇଛି ।ୟୁରୋପିଆନ୍ ସ୍ପେସ ଏଜେନ୍ସି ପକ୍ଷରୁ ଏହି ସୂର୍ଯ୍ୟଗ୍ରହଣର ଫଟୋ ରିଲିଜ୍ କରାଯାଇ ଏନେଇ ସୂଚନା ଦିଆଯାଇଛି । ସୋମବାର ଆୟୋଜିତ ପ୍ୟାରିସ ଏୟାର ଶୋରେ ଏହାର ଫଟୋ ରିଲିଜ୍ କରାଯାଇଥିଲା । ପାଖାପାଖି ୪୯୨ ଫୁଟ ଉପରକୁ ଉଠି ଏହି ସାଟେଲାଇଟ୍ ଯୋଡି ଭିତରୁ ଗୋଟିଏ ସୂର୍ଯ୍ୟକୁ ଚନ୍ଦ୍ର ଭଳି ଘୋଡାଇ ଦେଇଥିଲା । ଚନ୍ଦ୍ର ଯେପରି ସୂର୍ଯ୍ୟଗ୍ରହଣ ସମୟରେ ସୂର୍ଯ୍ୟ ଓ ପୃଥିବୀ ମଝିରେ ଆସିଥାଏ ସେହିଭଳି ଏହି ଉପଗ୍ରହଟି କରିଥିଲା । ଏହା ଏକ ଜଟିଳ ପ୍ରକ୍ରିୟା ବୋଲି ସଂସ୍ଥା ପକ୍ଷରୁ କୁହାଯାଇଛି । ଖୁବ ସାବଧାନତାର ସହିତ ଏହି ପ୍ରକ୍ରିୟା କାର୍ଯ୍ୟକାରୀ କରାଯାଇଥାଏ । ଏଥିପାଇଁ ଉନ୍ନତମାନର ଆଧୁନିକ ଜ୍ଞାନକୌଶଳକୁ ବ୍ୟବହାର କରାଯାଇଥାଏ । ତେବେ ବର୍ତ୍ତମାନ ପ୍ରଥମଥର ସେମାନେ ଏହାକୁ ପରୀକ୍ଷା କରିଛନ୍ତି ଏବଂ ସଫଳ ହୋଇଛନ୍ତି । ତେବେ ଏହି ପରୀକ୍ଷା ସମୟରେ ବୈଜ୍ଞାନିକଙ୍କୁ ସୂର୍ଯ୍ୟକୁ ନେଇ ଅନେକ ତଥ୍ୟ ମିଳିଛି । ଆଗକୁ ଆହୁରି ମିଳିବ ବୋଲି ମଧ୍ୟ ସୂଚନା ରହିଛି । ୟୁରୋପିଆନ୍ ସ୍ପେସ ଏଜେନ୍ସିର ପ୍ରୋବା ୩ ସ୍ପେସ କ୍ରାଫ୍ଟ ଜରିଆରେ ଏହା ସମ୍ଭନ ହୋଇଛି । ଏହି ମିଶନର ଲକ୍ଷ୍ୟ ସୂର୍ଯ୍ୟର କରୋନା ବା ସୂର୍ଯ୍ୟର ସବୁଠାରୁ ବାହାର ପରସ୍ତ ଉପରେ ଅଧିକ ଅଧ୍ୟୟନ କରିବା । ଏହାସହ ଏହାର ମହାକାଶ ଉପରେ କଣ ପ୍ରଭାବ ପଡିଥାଏ ତାହା ଉପରେ ଅଧିକ ଗବେଷଣା କରିବା ।
Comments are closed.