ନୂଆଦିଲ୍ଲୀ: ଅଗଷ୍ଟ ୧୯: ମହେନ୍ଦ୍ର ସିଂହ ଧୋନି କରୋନା ପାଇଁ ହିଁ ଅପ୍ରତ୍ୟାସିତ ଭାବେ ସନ୍ନ୍ୟାସ ଘୋଷଣା କରିଛନ୍ତି ବୋଲି ମତ ଦେଇଛନ୍ତି ଭାରତୀୟ ସ୍ପିନ୍ ବୋଲର ୟୁଜଭେନ୍ଦ୍ର ଚହଲ । ସେ କହିଛନ୍ତି କ୍ୟାପଟେନ କୁଲ ମାହିଙ୍କ ଅବସରରେ ପଛରେ କୋଭିଡ୍-୧୯ର ବଡ଼ ଭୂମିକା ରହିଛି । ତାଙ୍କ ମତରେ ମହାମାରୀ କାରଣରୁ ଟି-୨୦ ବିଶ୍ୱକପ୍ ବାତିଲ ହୋଇନଥିଲେ ଧୋନି ନିଶ୍ଚିତ ଭାବେ ବିଶ୍ୱକପ୍ ଖେଳିଥାନ୍ତେ । ହରିଆଣାର ୩୦ ବର୍ଷୀୟ ବୋଲର ଚହଲ ଆହୁରି ମଧ୍ୟ କହିଛନ୍ତି, ଧୋନିଙ୍କ ପାଖରେ ଏବେମଧ୍ୟ ଅନ୍ତରାଷ୍ଟ୍ରୀୟ କ୍ରିକେଟ ଖେଳିବାର ଦକ୍ଷତା ଭରିରହିଛି । ମୁଁ ତାଙ୍କୁ କ୍ରିକେଟ ମଇଦାନରେ ଦେଖିବାକୁ ଚାହେଁ । କାରଣ ତାଙ୍କ ପାଇଁ ହିଁ ମୁଁ ଓ କୁଲଦୀପ ଯାଦବ ଆଜି ଅନ୍ତର୍ଜାତୀୟ କ୍ରିକେଟରେ ସଫଳ ହୋଇପାରିଛୁ ।
Comments are closed.