ଖରାପ ଖାଦ୍ୟାଭ୍ୟାସ ଯୋଗୁ ମୋଟା ଲୋକଙ୍କ ସଂଖ୍ୟା ଦ୍ରୁତଗତିରେ ବଢ଼ିଚାଲିଛି । ଏପରି ସ୍ଥିତିରେ ଆମେ ଯଦି କିଛି ଉପକାରୀ ଜୁସ୍କୁ ଖାଦ୍ୟଶୃଙ୍ଖଳରେ ସାମିଲ କରିନେବା ତେବେ ଏଥିରୁ କିଛି ପରିମାଣରେ ତ୍ରାହି ମିଳିପାରିବ ।
ସପୁରୀ: ଏହି ଜୁସ୍ ବେଶ୍ ସ୍ୱାସ୍ଥ୍ୟପ୍ରଦ । ଏହା ମେଟାବଲିଜମ୍କୁ ନିୟନ୍ତ୍ରଣ କରିବାରେ ସହାୟକ ହୋଇଥାଏ । ଖାଦ୍ୟ ଗ୍ରହଣ ପୂର୍ବରୁ ଏହାକୁ ପାନକଲେ ବେଶୀ ସୁଫଳ ମିଳିଥାଏ ।
ତରଭୁଜ: ଏହି ଜୁସ୍ ମଧ୍ୟ ମୋଟାପଣା ପାଇଁ ବେଶ୍ ଉପକାରୀ । ଏହା ଶରୀରର ଜଳୀୟଅଂଶ ବୃଦ୍ଧି କରିବା ସହ ଓଜନ କମାଇବାରେ ମଧ୍ୟ ସହାୟକ ହୋଇଥାଏ । ତେବେ ଏହାକୁ ଖାଦ୍ୟ ଖାଇବାର କିଛି ସମୟ ପରେ ସେବନ କଲେ ଉପକାର ମିଳିଥାଏ ।
କମଳା: କମଳା ରସରେ ଭିଟାମିନ ସି’ ଭରପୂର ରହିଥାଏ । ଏହା ଶରୀରକୁ ଶକ୍ତି ଦେବା ସହ ହଜମଶକ୍ତିକୁ ମଧ୍ୟ ବଢ଼ାଇଥାଏ । ତେଣୁ ନିୟମିତ ଖାଦ୍ୟରେ ଏହି ଜୁସ୍କୁ ସାମିଲ କରିବା ବେଶ୍ ଲାଭଦାୟକ ।
ବିଟ୍: ବିଟ୍ ଜୁସ୍ ବେଶ୍ ସ୍ୱାସ୍ଥ୍ୟପ୍ରଦ । ଏହା ବିପି, ସୁଗାର ପୀଡ଼ିତଙ୍କ ପାଇଁ ଯେତିକି ଲାଭଦାୟୀ ମୋଟା ଲୋକଙ୍କ ପାଇଁ ମଧ୍ୟ ସେତିକି ଉପାଦେୟ । ଏହି ଜୁସ୍ ନିୟମିତ ପାନକଲେ ଶରୀରକୁ ବହୁ ପୋଷଣ ମିଳିବା ସହ ଶରୀରର ଅତିରିକ୍ତ ଚର୍ବି ମଧ୍ୟ କ୍ଷୟ ହୋଇଯାଇଥାଏ ।
ଅଙ୍ଗୁର: ଅଙ୍ଗୁର ରସ ଯେତିକି ସ୍ୱାଦିଷ୍ଟ, ସେତିକି ସ୍ୱାସ୍ଥ୍ୟପ୍ରଦ । ଏହାର ବହୁ ଅନ୍ୟାନ୍ୟ ଗୁଣ ରହିଥିଲେ ହେଁ “ଫ୍ୟାଟ୍ ବର୍ଣ୍ଣିଂ’ ଜୁସ୍ ଭାବେ ଏହା ପରିଚିତ । ଏହାକୁ ମୋଟାପଣର ରାମବାଣ ବୋଲି ମଧ୍ୟ କୁହାଯାଏ । ତେବେ ଦିନକୁ ଗୋଟିଏ ଗ୍ଲାସ୍ ଅଙ୍ଗୁର ଜୁସ୍ ପିଇବା ବହୁତ ଭଲ ।
ଅଁଳା: ଔଷଧୀୟ ଗୁଣରେ ଭରପୂର ଅଁଳାର ଜୁସ୍ ସ୍ୱାସ୍ଥ୍ୟ ପାଇଁ ଅମୃତସମ । ବିଶେଷକରି ମୋଟାପଣ କମାଇବାର ଏହା ଅମୋଘ ଅସ୍ତ୍ର । ମୋଟାପଣ ଗ୍ରସିତ ବ୍ୟକ୍ତି ଅଁଳା ଜୁସ୍ ପିଇବା ନିହାତି ଆବଶ୍ୟକ । ଏହା ପାଚନ ଶକ୍ତିକୁ ଦୃଢ଼ କରିବା ସହ ଶରୀରର ଚର୍ବି କମାଇବାରେ ବେଶ୍ ସହାୟକ ହୋଇଥାଏ । ଆଜିର ପ୍ରଦୂଷିତ ଜୀବନଚର୍ଯ୍ୟାକୁ ଦେଖିଲେ ପ୍ରତିଦିନ ନ ହେଲେ ମଧ୍ୟ ଅଁଳା ଜୁସ୍ ପାନକରିବା ନିତ୍ୟାନ୍ତ ବିଧେୟ ।
Comments are closed.