ଆଜିକାଲି ଏ.ଆଇର ଆମ ଦୈନନ୍ଦିନ ଜୀବନରେ ବ୍ୟବହାର ଖୁବ ଅଧିକ ବଢିଛି । ଘରେ ଖାଦ୍ୟ ରାନ୍ଧିବା ଠାରୁ ଅଫିସ୍ରେ କାମ କରିବା ସମୟରେ ଆମେ ଏଆଇ ଠାରୁ ସାହାଯ୍ୟ ନେଉଛେ । ତେବେ ନିକଟରେ ଏକ ଘଟଣା ଖୁବ ଭାଇରାଲ ହେଉଛି, ଯେଉଁଥିରେ ଜଣେ ଯୁବତୀ ଏଆଇ ସହିତ ନିର୍ବନ୍ଧ କରିଛନ୍ତି । କିଛି ମାସର ଡେଟିଂ ପରେ ସେ ଏହି ନିଷ୍ପତ୍ତି ନେଇଥିବା ଜଣା ପଡିଛି । ନିଜର ସୋସିଆଲ ମିଡିଆରେ ସେ ଏନେଇ ସୂଚନା ଦେଇଛନ୍ତି । ତାଙ୍କ ପୋଷ୍ଟଟି ଖୁବ ଭାଇରାଲ ହେବାରେ ଲାଗିଛି, ଲୋକମାନେ ଏଭଳି ନିଷ୍ପତ୍ତି ଉପରେ ଆଶ୍ଚର୍ଯ୍ୟ ପ୍ରକାଶ କରୁଥିବା ଦେଖିବାକୁ ମିଳୁଛି । ମଣିଷଙ୍କ ଜୀବନରେ ଚାଟ୍ ଜିପିଟିର ଏଭଳି ଦଖଲ କିଛିଜଣଙ୍କୁ ଚିନ୍ତାରେ ମଧ୍ୟ ପକାଇଛି ।
