ଦୁବାଇ : ଭାରତୀୟ ଯୋଡ଼ି ସାତ୍ତ୍ବିକ ସାଇରାଜ ରାଙ୍କିରେଡୀ ଓ ଚିରାଗ ସେଟ୍ଟୀ ବ୍ୟାଡ୍ମିଣ୍ଟନ ଏସିଆ ବ୍ୟାଡମିଣ୍ଟନ ଚାମ୍ପିଅନସିପରେ ପୁରୁଷ ଡବଲ୍ସ ଫାଇନାଲ୍ରେ ପହଞ୍ଚି ଯାଇଛନ୍ତି। ଲି ୟଙ୍ଗ୍-ୱାଙ୍ଗ୍ ଚି ଲିନ୍ ଯୋଡ଼ି ବିପକ୍ଷ ଶନିବାର ସେମିଫାଇନାଲ୍ରେ ଭାରତୀୟ ଯୋଡ଼ି ୨୧-୧୮ରେ ଜିତିବା ପରେ ଦ୍ବିତୀୟ ଗେମ୍ରେ ୧୩-୧୪ରେ ପଛୁଆ ଥିଲେ। ହେଲେ ପ୍ରତିପକ୍ଷ ଯୋଡ଼ି ଏହିଠାରୁ ଓହରିଯିବାରୁ ସାତ୍ତ୍ବିକ-ଚିରାଗଙ୍କୁ ବିଜୟୀ ଘୋଷିତ କରାଯାଇଥିଲା। ଏହି ବିଜୟ ସହ ସାତ୍ତ୍ବିକ-ଚିରାଗ ପ୍ରଥମ ଭାରତୀୟ ପୁରୁଷ ଯୋଡ଼ି ଭାବେ ୧୯୬୫ ମସିହା ପରେ ଫାଇନାଲ୍ରେ ପହଞ୍ଚିବାର ଗୌରବ ପାଇଛନ୍ତି। ୧୯୬୫ରେ ଦୀନେଶ ଖାନ୍ନା ଫାଇନାଲ୍ରେ ପହଞ୍ଚି ପୁରୁଷ ଏକକ ଟ୍ରଫି ହାତେଇଥିଲେ। ସାତ୍ତ୍ବିକ-ଚିରାଗ ଏବେ ସ୍ବର୍ଣ୍ଣ ପଦକ ପାଇଁ ଓଙ୍ଗ୍ ୟିଉ ସିନ୍-ତିଓ ଇ ୟି’ଙ୍କ ସହ ମୁକାବିଲା କରିବେ।
Comments are closed.