ଯେତେବେଳେ ପିଲାମାନେ ବଡ ହୁଅନ୍ତି ସେମାନେ ପାଠ ପଢିବା ପାଇଁ , ଚାକିରି କରିବା ପାଇଁ କିମ୍ବା ବିବାହ ପରେ ବାପା ମାଆଙ୍କ ଠାରୁ ଅଲଗା ରହିବାକୁ ଆରମ୍ଭ କରନ୍ତି । ଯାହାପରେ ବାପା ମାଆ ଘରେ ସମ୍ପୂର୍ଣ୍ଣ ଏକୁଟିଆ ରହିଯାଆନ୍ତି । ତେବେ ଏହି ପରିବର୍ତ୍ତନକୁ ବୈଜ୍ଞାନିକ ଭାଷାରେ ଏମ୍ପଟି ନେଷ୍ଟ ସିଣ୍ଡ୍ରୋମର ଆଖ୍ୟା ଦିଆଯାଇଥାଏ । ଅନେକ ବର୍ଷ ଧରି ଛୁଆଙ୍କ ସହିତ ଏକାଠି ରହିବା ପରେ ହଠାତ୍ ସେମାନଙ୍କ ଠାରୁ ଅଲଗା ହେବା ବାପା ମାଙ୍କ ମାନସିକ ସ୍ୱାସ୍ଥ୍ୟ ଉପରେ ପ୍ରଭାବ ପକାଇଥାଏ । ଏମାନେ ଏହି ସମୟରେ ଏକୁଟିଆପଣ ସହିତ ନିଜ ମନଭିତରେ ଲଢେଇ କରିବା ଆରମ୍ଭ କରନ୍ତି । ତେବେ ଏହା ବର୍ତ୍ତମାନ ସମସ୍ତଙ୍କ ଘରେ ଦେଖିବାକୁ ମିଳୁଛି । ଡାକ୍ତର ଓ ବିଶେଷଜ୍ଞଙ୍କ ମତରେ ଏହି ସମୟରେ ବାପା ମାଆଙ୍କର ଅଧିକ କେୟାର ନେବାର ଆବଶ୍ୟକତା ରହିଛି । ପିଲାମାନଙ୍କୁ ଏହି ସମୟରେ ଖୁବ ବୁଦ୍ଧିମତାର ସହିତ ପରିସ୍ଥିତିକୁ ହ୍ୟାଣ୍ଡେଲ କରିବାକୁ ହେବ । ଏହି ସମୟରେ ଯେତିକି ବି ସମୟ ବାପା ମାଆଙ୍କ ସହିତ ବିତାଉଛନ୍ତି ସେତିକି ସମୟ ଭଲରେ ବିତାନ୍ତୁ । ସେହିଭଳି ଏଭଳି ପରିସ୍ଥିତିକୁ ବାପା ମାଆ ମଧ୍ୟ ବୁଦ୍ଧିମତାର ସହିତ କରିବାର ଅଛି । ପିଲାଙ୍କ ଉପରୁ ଧ୍ୟାନ ହଠାଇ ଏହି ସମୟରେ ନିଜ ଉପରେ ଧ୍ୟାନ ଦେବାର ଆବଶ୍ୟକତା ରହିଛି । ନିଜ ସହିତ ସମୟ ବିତାଇବା କିଛି କଠିନ ନୁହେଁ ବୋଲି ପ୍ରଥମେ ଗ୍ରହଣ କରିବାର ଅଛି । ଅନେକ ଏଭଳି କାର୍ଯ୍ୟ ଅଛି ଯାହାକୁ ଏହି ସମୟରେ କରି ନିଜର ଧ୍ୟାନ ରଖିପାରିବେ । ଏହି ସମୟରେ ନିଜର ପସନ୍ଦର କାର୍ଯ୍ୟ କରିବା ସହିତ ପସନ୍ଦ ଲୋକଙ୍କ ସହିତ ସମୟ ବିତାଇପାରିବେ, ଯାହା ଆପଣଙ୍କୁ ଖୁସି ଦେବ । ବ୍ୟବସ୍ଥିତ ଢଙ୍ଗରେ ସମୟ ଅତିବାହିତ କରିଲେ ଏହି ଏମ୍ପଟି ନେଷ୍ଟ ସିଣ୍ଡ୍ରୋମରୁ ଆପଣ ଦୂରେଇ ରହିପାରିବେ । ସେହିଭଳି ଯଦି ପରିସ୍ଥିତିକୁ ନିଜ ସ୍ତରରେ ମ୍ୟାନେଜ କରି ନପାରୁଛନ୍ତି ତେବେ ଡାକ୍ତରଙ୍କ ପରାମର୍ଶ ମଧ୍ୟ ନେଇପାରିବେ ।
