ଆକସ୍ମିକ ବନ୍ୟା

ଆମେରିକାରେ ଆକସ୍ମିକ ବନ୍ୟା ଦେଖିଯିବା ପରେ ଏହାକୁ ନେଇ ଖୁବ ଚର୍ଚ୍ଚା ଦେଖିବାକୁ ମିଳୁଛି । ଆକସ୍ମିକ ବନ୍ୟାର ଅର୍ଥ ହଠାତ୍‌ କିଛି ତଳିଆ ଅଞ୍ଚଳରେ ପାଣି ମାଡିଯିବା । ଅନେକ ସମୟରେ ଏହାର କାରଣ ଭାବେ ଅତ୍ୟଧିକ ବର୍ଷା, ଧୀର ବେଗରେ ଗତି କରୁଥିବା ଝଡ, ଗ୍ଲେସିଅର ତରଳିବା ଆଦିକୁ କାରଣ ଭାବେ ନିଆଯାଇଥାଏ । ଏହି ବନ୍ୟାଗୁଡିକ ଅନେକ କ୍ଷୟକ୍ଷତିର କାରଣ ସାଜିଥାଏ । ଏହି ଆକସ୍ମିକ ବନ୍ୟା ଗୁଡିକ ସାଧାରଣ ବନ୍ୟା ଠାରୁ ଭିନ୍ନ ହୋଇଥାଏ । ବେଳେବେଳେ ଆକସ୍ମିକ ବନ୍ୟା ଖୁବ କମ ସମୟ ପାଇଁ ଦେଖିବାକୁ ମିଳିଥାଏ । ଏପରିକି କିଛି ଘଣ୍ଟା ଭିତରେ ମଧ୍ୟ ପାଣି ଛାଡୁଥିବାର ଉଦାହରଣ ଦେଖିବାକୁ ମିଳିଛି । ବର୍ଷା ଛାଡିବା ପରେ ଏହି ବନ୍ୟା ପାଣି କମିଯାଉଥିବାର ଦେଖିବାକୁ ମିଳେ । ଏହି ବନ୍ୟାରେ ଅନେକ କ୍ଷୟକ୍ଷତି ହେଉଥିବାର ନଜର ରହିଛି । ଆକସ୍ମିକ ବନ୍ୟାରେ ପ୍ରତିବର୍ଷ ଆମେରିକାରେ ଅନେକ କ୍ଷୟକ୍ଷତି ହେଉଥିବାର ସୂଚନା ରହିଛି । ଏଠାରେ ବିଜୁଳି, ଝଡ ଅପେକ୍ଷା ଆକସ୍ମିକ ବନ୍ୟାରେ ଅଧିକ ସମସ୍ୟା ଉପୁଜିଥାଏ । ଏପରିକି ଲୋକମାନଙ୍କର ମୃତ୍ୟୁ ହେଉଥିବାର ମଧ୍ୟ ସୂଚନା ରହିଛି । ଏପରିକି ଏହି ବନ୍ୟା କାରଣରୁ ଚାଷ ଯମିରେ ମଧ୍ୟ ଜଳ ମାଡିଯାଇଥାଏ, ଯେଉଁ କାରଣରୁ ଚାଷକାର୍ଯ୍ୟ ନଷ୍ଟ ହୋଇଥାଏ ।

କାରଣ
ସାଧାରଣତଃ ଆକସ୍ମିକ ବନ୍ୟା ଶୁଷ୍କ ଅଞ୍ଚଳରେ ଦେଖିବାକୁ ମିଳିଥାଏ, ସେଠାରେ ହଟାତ୍‌ ପାଣିପାଗରେ ପରିବର୍ତ୍ତନ ଘଟିବା କାରଣରୁ ଏହି ସମସ୍ୟା ଦେଖିବାକୁ ମିଳିଥାଏ । ତେବେ କେବଳ ଶୁଷ୍କ ଅଞ୍ଚଳ ନୁହେଁ ଜ୍ୱାଳାମୁଖୀ ପାଖ ଅଞ୍ଚଳ, ସେହିଭଳି ଅତ୍ୟଧିକ ତାପମାତ୍ରା କାରଣରୁ ତରଳୁଥିବା ଗ୍ଲେସିଅର ମଧ୍ୟ ଆକସ୍ମିକ ବନ୍ୟାର କାରଣ ସାଜିଥାଏ । ଯୁକ୍ତରାଷ୍ଟ୍ରର ସର୍ବୋଚ୍ଚ ପର୍ବତମାଳାରେ ଆକସ୍ମିକ ବନ୍ୟା ଘଟୁଥିବାର ଉଦାହରଣ ରହିଛି । ସେହିଭଳି ଦକ୍ଷିଣ – ପଶ୍ଚିମ ଯୁକ୍ତରାଷ୍ଟ୍ରର ଶୁଷ୍କ ସମତଳ ଅଞ୍ଚଳରେ ମଧ୍ୟ ଏହା ସାଧାରଣ ଘଟଣା । ଘୂର୍ଣ୍ଣିବାତ୍ୟା ଏବଂ ଅନ୍ୟାନ୍ୟ ଉଷ୍ଣକଟିବନ୍ଧ ଦ୍ୱାରା ନିର୍ଗତ ବ୍ୟାପକ ବର୍ଷା ମଧ୍ୟ ଆକସ୍ମିକ ବନ୍ୟାର କାରଣ ସାଜିଥାଏ । ସେହିଭଳି କିଛିମାତ୍ରାରେ ମନୁଷ୍ୟ ସମାଜର କାର୍ଯ୍ୟକଳାପ ମଧ୍ୟ ଆକସ୍ମିକ ବନ୍ୟାର କାରଣ ସାଜିଥାଏ ।

ପ୍ରଭାବ
କିଛି ସ୍ଥାନରେ ଦେଖିବାକୁମିଳେ ଲୋକମାନେ ଆକସ୍ମିକ ବନ୍ୟାକୁ ଏତେ ଗମ୍ଭୀରଭାବେ ନେଇ ନଥାଆନ୍ତି, ଯାହା ଏହାର ଭୟାବହତାକୁ ବଢାଇଥାଏ । ଏହି ଅସାବଧାନତା କାରଣରୁ ଅନେକଲୋକ ନିଜ ପ୍ରାଣ ହରାଇଥାଆନ୍ତି । ସେହିଭଳି ଏହି କାରଣରୁ ଅନେକ କ୍ଷୟକ୍ଷତି ମଧ୍ୟ ଲୋକମାନେ ସହିଥାଆନ୍ତି । ଆକସ୍ମିକ ବନ୍ୟା ମନୁଷ୍ୟକୃତ ନିର୍ମାଣ ଓ ପ୍ରାକୃତିକ ପରିବେଶ ଉଭୟଙ୍କ ଉପରେ ଗମ୍ଭୀର ପ୍ରଭାବ ପଡିଥାଏ । କୋଠା ଏବଂ ଭିତ୍ତିଭୂମିରେ କ୍ଷତିଠାରୁ ଆରମ୍ଭ କରି ଉଦ୍ଭୁିଦ, ମାନବ ଜୀବନ ଓ ପଶୁ ପାଳନ ଉପରେ ପ୍ରଭାବ ପକାଇଥାଏ । ବିଶେଷଭାବେ ଆକସ୍ମିକ ବନ୍ୟା ରାତି ସମୟରେ ବେଶି କ୍ଷତିକାରକ ହୋଇଥାଏ । ଏହି ସମୟରେ ମୃତ୍ୟୁ ସଂଖ୍ୟା ବଢିବାର ଭୟ ମଧ୍ୟ ବେଶି ରହିଥାଏ । ଏହି ସମୟରେ ଲୋକମାନେ ସଚେତନ ନରହିବା ଏହାର ପ୍ରାଥମିକ କାରଣ । ପ୍ରଭାବିତ ଉପାଦାନଗୁଡ଼ିକ ଉପରେ ନିର୍ଭର କରି, ବନ୍ୟା ପ୍ରଭାବକୁ ୪ଟି ବର୍ଗରେ ବିଭକ୍ତ କରାଯାଇଛି, ପରିବେଶ ଉପରେ ପ୍ରଭାବ, ମାନବ ନିର୍ମିତ ଚଳନ୍ତା ବସ୍ତୁ ଉପରେ ପ୍ରଭାବ, ପ୍ରାକୃତିକ ପରିବେଶ ଉପରେ ପ୍ରଭାବ ଏବଂ ଜନସଂଖ୍ୟା ଉପରେ ପ୍ରଭାବ । ଆକସ୍ମିକ ବନ୍ୟା ଦ୍ରୁତ ମୃତ୍ତିକା କ୍ଷୟ ସୃଷ୍ଟି କରିପାରେ, ଯାହାର ପ୍ରଭାବ ଚାଷ କାର୍ଯ୍ୟ ଉପରେ ଖୁବ ଅଧିକ ପଡିଥାଏ । ସୂଚନା ଅନୁସାରେ ନୀଳ ନଦୀ ଡେଲଫା ଅବଶେଷର ଥିବା ଅଧିକାଂଶ ମରୁଭୂମି ଅଞ୍ଚଳରେ ଆକସ୍ମିକ ବନ୍ୟା ଦେଖାଦେଇଥାଏ । କିଛି ଆର୍ଦ୍ରଭୂମି ଉଦ୍ଭୁିଦ, ଯେପରିକି କିଛି ପ୍ରକାରର ଧାନ, ହଠାତ୍‌ ବନ୍ୟା ସହ୍ୟ କରିବା ପାଇଁ ଉପଯୁକ୍ତ ହୋଇଥାନ୍ତି । ହେଲେ ଶୁଷ୍କ ଅଞ୍ଚଳରେ ବଢ଼ିଥିବା ଉଦ୍ଭୁିଦଗୁଡ଼ିକ ବନ୍ୟା ଦ୍ୱାରା କ୍ଷତିଗ୍ରସ୍ତ ହୋଇପାରେ, କାରଣ ପ୍ରଚୁର ପରିମାଣର ପାଣି ଦ୍ୱାରା ଗଛଗୁଡ଼ିକ ନଷ୍ଟ ହୋଇପାରନ୍ତି ।