ଅସରପାକୁ ଘରେ ଦେଖିଲେ ସମସ୍ତେ ଘୃଣା କରିବା ସହିତ ଏହାକୁ ମାରିବାକୁ ଚେଷ୍ଟା କରନ୍ତି । ଏହାକୁ ରୋଗର ଗନ୍ତାଘର ବୋଲି ତୂଳନା କରାଯାଇଥାଏ । ହେଲେ ଅସରପାର ଖୀର ବେଶ ପୁଷ୍ଟିକର ବୋଲି ନିକଟରେ ବୈଜ୍ଞାନିକମାନେ ପ୍ରକାଶ କରିଛନ୍ତି । ଏହା ଗାଈ ଖୀରଠାରୁ ମଧ୍ୟ ପୁଷ୍ଟିକର ବୋଲି ବୈଜ୍ଞାନିକ ଦାବି କରିଛନ୍ତି । ଅସରପାର ଡିପ୍ଲୋପେଟରା ପୁଂକଣ୍ଟାଟା ପ୍ରଜାତିର ଅସରପାଙ୍କ ପାଖରୁ ମିଳୁଥିବା ଖୀରରେ ଅଧିକ ପୋଷକ ତତ୍ତ୍ୱ ରହୁଥିବା ନେଇ ଦାବି ହେଉଛି । ଏହି ଖୀରରେ ପ୍ରୋଟିନ୍, ଫ୍ୟାଟ୍ ଓ ସୁଗାର ଭରପୁର ମାତ୍ରାରେ ରହିଥାଏ । ହେଲେ ଏହାକୁ ମଣିଷଙ୍କ ଖାଦ୍ୟ ଭାବେ ବ୍ୟବହାରର କରିବା ନେଇ କୌଣସି ତଥ୍ୟ ନାହିଁ । ସେହିଭଳି ଏହାକୁ ମଣିଷଙ୍କ ଖାଦ୍ୟ ଭାବେ ବ୍ୟବହାର ପାଇଁ ପରାମର୍ଶ ମଧ୍ୟ ନାହିଁ । ସେହିଭଳି ଏହାର ସେଭଳି ବଡଧରଣର ଟେଷ୍ଟିଂ ମଧ୍ୟ ହୋଇନାହିଁ ତେଣୁ ଏହା ଏକ ତଥ୍ୟ ହୋଇ ରହିଯାଇଛି । ଏହା ମଣିଷଙ୍କ ପାଇଁ ସୁରକ୍ଷିତ କି ନାହିଁ ସେ ନେଇ ମଧ୍ୟ ପ୍ରମାଣ ମିଳି ପାରି ନାହିଁ ।
