ଗତ କିଛିବର୍ଷ ଧରି ଅନେକ ଲୋକ ମାନସିକ ଅବସାଦରେ ରହିଆସୁଛନ୍ତି । ସେମାନଙ୍କ ନିକଟରେ ଆର୍ଥିକ, ସାମାଜିକ ଆଦି ସ୍ତରରେ ବିଭିନ୍ନ ସମସ୍ୟା ପରିଲକ୍ଷିତ ହେଉଛି । ଏହାକୁ ନିୟନ୍ତ୍ରଣ କରିବା ପାଇଁ ବିଭିନ୍ନ ଉପାୟ ରହିଛି, ଯାହାକୁ ଅନୁସରଣ କରିବା ଦ୍ୱାରା ମାନସିକ ସ୍ତରରେ ଆପଣ ଶାନ୍ତିରେ ରହିପାରିବେ ।
– ଯଦି ଆପଣ ଅବସାଦ ଓ ଚିନ୍ତାରେ ଥିବା ଅନୁଭବ କରୁଛନ୍ତି, ତେବେ ଦୀର୍ଘ ନିଃଶ୍ୱାସ ନିଅନ୍ତୁ । ଧୀରେଧୀରେ ନିଃଶ୍ୱାସ ନେବା ଅବସାଦ ଦୂର କରିବାରେ ସହାୟକ ହୋଇଥାଏ । ଶରୀରରେ ଅବସାଦ ସୃଷ୍ଟି କରୁଥିବା ହର୍ମୋନକୁ ନିର୍ଗତ ହେବାରୁ ଏହା ରୋକିଥାଏ ବୋଲି ଡାକ୍ତରୀ ରିପୋର୍ଟରେ କୁହାଯାଇଛି ।
– ଅବସାଦର ମୂଳ କାରଣ ହୋଇଥାଏ ନକରାତ୍ମକ ଭାବନା । ତେଣୁ ଯେତେବେଳେ ବି ଅବସାଦରେ ଅଛନ୍ତି ବୋଲି ଭାବୁଛନ୍ତି ତେବେ ସଙ୍ଗେସଙ୍ଗେ ନିଜର ଭଲ ସ୍ମୃତି ବିଷୟରେ ଭାବନ୍ତୁ । ଏହା ନକରାତ୍ମକତା ଦୂର କରିବା ସହିତ ସକରାତ୍ମକ ଭାବ ବଢାଇବାରେ ସାହାଯ୍ୟ କରିଥାଏ ।
– ମନରୁ ଅବସାଦ ଦୂର କରିବାରେ ଏକାଗ୍ରତା ହେଉଛି ଏକ ଉତ୍ତମ ମାଧ୍ୟମ । ଏନେଇ ସର୍ବଦା ସକାଳୁ ଧ୍ୟାନ କରନ୍ତୁ, ଏହା ମନକୁ ଶାନ୍ତ କରିବା ସହିତ ପୂରା ଦିନ ଆପଣଙ୍କୁ ସତେଜ ରଖିବ । ସେହିପରି ସର୍ବଦା ମନରେ କୃତଜ୍ଞତା ଭାବ ରଖନ୍ତୁ । କୃତଜ୍ଞତା ଭାବ ରହିଲେ ମନ ଶାନ୍ତ ରହିଥାଏ ।
– ଶରୀର ସୁସ୍ଥ ଥିବାର ସଙ୍କେତ ହେଲା ଭଲ ନିଦ୍ରା । ଯାହାକୁ ଭଲ ନିଦ୍ରା ହୋଇଥାଏ, ତା’ର ଶରୀର ସୁସ୍ଥ ଥାଏ ବୋଲି ଡାକ୍ତର କହିଥାଆନ୍ତି । ସେହିଭଳି ଅବସାଦର ପ୍ରଥମ ପ୍ରଭାବ ନିଦ୍ରା ଉପରେ ପଡିଥାଏ । ତେଣୁ ସର୍ବଦା ନିଦ ଉପରେ ଧ୍ୟାନ ଦିଅନ୍ତୁ । ଯଦି ନିଦ୍ରା ଠିକ୍ ନହେଉଛି, ତେବେ ସକାଳୁ ବ୍ୟାୟାମ ସହ ରାତିରେ ଶୋଇବା ସମୟରେ ଭଲ ବହି ପଢ଼ନ୍ତୁ ।
Comments are closed.