ୟୁ-ଟ୍ୟୁବର ନୂଆ ସିଇଓ ହେବେ ଭାରତୀୟ ବଂଶୋଦ୍ଭବ ନୀଲ ମୋହନ

ନୂଆଦିଲ୍ଲୀ : ଭିଡିଓ-ଷ୍ଟ୍ରିମିଂ ପ୍ଲାଟଫର୍ମ ୟୁଟ୍ୟୁବ୍ ର ନୂଆ ସିଇଓ ହେବେ ଭାରତୀୟ-ଆମେରିକୀୟ ନୀଲ ମୋହନ। ଏହାପୂର୍ବରୁ ୟୁଟ୍ୟୁବ ସିଇଓ ସୁଜାନ ୱୋଜିକ୍କି ତାଙ୍କ ପଦରୁ ଇସ୍ତଫା ଦେଇଛନ୍ତି। ଭାରତୀୟ ବଂଶୋଦ୍ଭବ ନିଲ ମୋହନ ସୁଜାନ ୱୋଜିକ୍କିଙ୍କ ସ୍ଥାନ ନେବେ। ୯ ବର୍ଷ ହେବ ୟୁଟ୍ୟୁବର ସିଇଓ ଭାବେ କାମ କରିଛନ୍ତି ଓ୍ଵଜସିକି। ଏ ନେଇ ୟୁ-ଟ୍ୟୁବ ପକ୍ଷରୁ ବିଧିବଦ୍ଧ ଭାବେ ଘୋଷଣା କରାଯାଇଛି । ଦୀର୍ଘ ଦିନ ଧରି ସୁଜାନ ୱୋଜିକ୍କିଙ୍କ ମୁଖ୍ୟ ସହଯୋଗୀ ଥିବା ନୀଲ ମୋହନ ବର୍ତ୍ତମାନ ୟୁଟ୍ୟୁବର ଚିଫ ପ୍ରଡକ୍ଟ ଅଫିସର ଅଛନ୍ତି I

ମାଇକ୍ରୋସଫ୍ଟର ସିଇଓ ସତ୍ୟ ନାଡେଲା, ଆଡୋବ ସିଇଓ ଶାନ୍ତନୁ ନାରାୟଣ ଏବଂ ଆଲଫାବେଟ ସିଇଓ ସୁନ୍ଦର ପିଚାଇଙ୍କ ସମେତ ଆର୍ନ୍ତଜାତୀୟ ଆଇଟି କ୍ଷେତ୍ରରେ ଭାରତୀୟଙ୍କ ଦବଦବା ବୃଦ୍ଧି ପାଉଛି I ନୀଲ ମୋହନ ବର୍ତ୍ତମାନ ଏହି ଭାରତୀୟଙ୍କ ଲିଷ୍ଟରେ ରହିବେ I ନୀଲ ମୋହନ ଜଣେ ମେରିକାନ୍ ଟେକ୍ ଜିଆଣ୍ଟ । ସେ ଷ୍ଟାନଫୋର୍ଡ ବିଶ୍ୱବିଦ୍ୟାଳୟରୁ ଇଲେକ୍ଟ୍ରିକାଲ୍ ଇଂଜିନିୟରିଂ ସ୍ନାତକ କରିଛନ୍ତି । ୨୦୦୮ରେ ସେ ଗୁଗୁଲରେ ଯୋଗ ଦେଇଥିଲୋ ଗୁଗଲର ବିଭିନ୍ନ ଗୁରୁତ୍ୱପୂର୍ଣ୍ଣ ପଦବୀରେ ଥିଲେ ନୀଲ । ୟୁଟ୍ୟୁବକୁ ଗୁଗଲ ଅକ୍ତିଆର କରିବା ପରେ ୨୦୧୫ରେ ସେ ଏହାର ଚିଫ୍ ପ୍ରଡକ୍ଟ ଅଫିସର ହୋଇଥିଲେ । ତାଙ୍କ ସମୟରେ ୟୁଟ୍ୟୁବରେ ଟିଭି, ମ୍ୟୁଜିକ, ପ୍ରିମିୟମ୍ ଓ ବହୁଳ ପ୍ରସାରିତ ଶର୍ଟ୍ସ ଆରମ୍ଭ ହୋଇଥିଲା । ୟୁଟ୍ୟୁବ ପୂର୍ବରୁ ସେ ଗୁଗୁଲରେ ଡିସପ୍ଲେ ଓ ଭିଡିଓ ଆଡସ୍‌ର ବରିଷ୍ଠ ଉପାଧ୍ୟକ୍ଷ ଥିଲେ । ଏହା ସହ ସେ ବହୁ କମ୍ପାନୀରେ ବୋର୍ଡ ଅଫ ଡାଇରେକ୍ଟରରେ ମଧ୍ୟ ସାମିଲ ଅଛନ୍ତି । ଆସେଞ୍ଜରରେ ସିନିୟର ଆନାଲିଷ୍ଟ ଭାବେ କାମ କରିଛନ୍ତି I

ୟୁ-ଟ୍ୟୁବ ର ସିଇଓ ପଦ ପାଇବା ପରେ ନୀଲ ମୋହନ ଟ୍ୱିଟ କରି କହିଛନ୍ତି, ଏହି ମହତ୍ୱପୂର୍ଣ୍ଣ ମିଶନ ଜାରି ରଖିବାକୁ ଉତ୍ସାହିତ ଅଛି ଓ ଏକ ନୂଆ ସୁନ୍ଦର ଭବିଷ୍ୟତ ଆଶା କରୁଛି। “ସୁଜାନ୍ ୱୋଜିକ୍କିଙ୍କୁ ଧନ୍ୟବାଦ, ବର୍ଷ ବର୍ଷ ଧରି ଆପଣଙ୍କ ସହ କାମ କରିମୁ ବହୁତ କିଛି ଶିଖି ପାରିଛି । ଦର୍ଶକଙ୍କ ପାଇଁ ଆପଣ ୟୁଟ୍ୟୁବ୍କୁ ଏକ ଅସାଧାରଣ ଘର ରୂପେ ଗଢ଼ି ତୋଳିଛନ୍ତି। ଏହି ଗୁରୁତ୍ୱପୂର୍ଣ୍ଣ ମିଶନ ଜାରି ରଖିବାକୁ ମୁଁ ଉତ୍ସାହିତ ଅଛି। ”


ଏହି ଗୁରୁତ୍ୱପୂର୍ଣ୍ଣ ମିଶନ ଜାରି ରଖିବାକୁ ସେ ଉତ୍ସାହିତ ଅଛନ୍ତି ଏବଂ ଏକ ନୂତନ ଭବିଷ୍ୟତକୁ ଅପେକ୍ଷା କରିଛନ୍ତି ବୋଲି ନୀଲ ମୋହନ ଟୁଇଟ୍ କରି କହିଛନ୍ତି I

Govt

Comments are closed.