ଜଳେଶ୍ୱର : ସ୍ତ୍ରୀ ଓ ପୁଅ କୁ ଟାଙ୍ଗିଆରେ ଆକ୍ରମଣ କରିବା ଘଟଣା । ନଦୀ କୂଳରୁ ମିଳିଲା ଫେରାର ଅଭିଯୁକ୍ତ ବାପାଙ୍କ ମୃତଦେହ । ମଙ୍ଗଳବାର ସକାଳେ ସୁବର୍ଣ୍ଣରେଖା ନଦୀକୂଳରୁ ତାଙ୍କ ମୃତଦେହ ଉଦ୍ଧାର ହୋଇଛି । ବାଲେଶ୍ୱର ଜିଲ୍ଲା ଭୋଗରାଇ ଦହମୁଣ୍ଡାରେ ଘଟିଛି ଏଭଳି ଅଭାବନୀୟ ଘଟଣା । ଘରୋଇ କଳହକୁ ନେଇ ରବିବାର ରାତିରେ ସ୍ତ୍ରୀ ଓ ଦୁଇ ପିଲାଙ୍କୁ ହାଣି ଫେରାର ଥିଲେ ବାଲେଶ୍ୱର ଜିଲ୍ଲା ଜଳେଶ୍ୱର ଥାନା ଭୋଗରାଇ ଦହମୁଣ୍ଡା ଗାଁର ପ୍ରଶାନ୍ତ ଜେନା ।
ସୂଚନାନୁସାର, ବାଲେଶ୍ୱର ଜିଲ୍ଲା ଭୋଗରାଇ ଦହମୁଣ୍ଡାରେ ରବିବାର ବିଳମ୍ବିତ ରାତିରେ ପ୍ରଶାନ୍ତ ଜେନା ତାଙ୍କ ସ୍ତ୍ରୀ ଓ ଦୁଇ ପିଲାଙ୍କୁ ହାଣି ନିଜେ ଫେରାର ଥିଲେ । ସ୍ତ୍ରୀ ଓ ଦୁଇ ପିଲାଙ୍କ ଚିତ୍କାର ଶୁଣି ପଡ଼ୋଶୀ ଲୋକ ମାନେ ସେମାନଙ୍କୁ ରକ୍ତ ଜୁଡୁବୁବୁ ଅବସ୍ଥାରେ ଉଦ୍ଧାର କରି ପ୍ରଥମେ କମର୍ଦ୍ଦା ସ୍ୱାସ୍ଥ୍ୟକେନ୍ଦ୍ର ଓ ପରେ କଟକ ବଡ଼ ମେଡ଼ିକାଲକୁ ନେଇଥିଲେ ।
ସୋମବାର ଏ ନେଇ ପ୍ରଶାନ୍ତଙ୍କ ଶ୍ବଶୁର କମର୍ଦ୍ଦା ଥାନାରେ ଲିଖିତ ଅଭିଯୋଗ କରିଥିଲେ । ଲକ୍ଷେ ଟଙ୍କା ଦାବି କରି ପ୍ରଶାନ୍ତ ତାଙ୍କ ଝିଅକୁ ନିର୍ଯାତନା ଦେଉଥିବା ନେଇ ବାପା ଅଭିଯୋଗ କରିଥିଲେ । ଅଭିଯୋଗ ପାଇ କମର୍ଦ୍ଦା ପୋଲିସ ତଦନ୍ତ ଚାଲିଥିବାବେଳେ ମଙ୍ଗଳବାର ସୁବର୍ଣ୍ଣରେଖା ନଦୀ କୂଳରୁ ତାଙ୍କ ମୃତଦେହ ଉଦ୍ଧାର ହୋଇଛି ।
Comments are closed.