ଭୁବନେଶ୍ୱର:ରାଜ୍ୟରେ ଜାରି ରହିଛି ଶୀତ ଲହରୀ । ଆସନ୍ତା ୧୪ ତାରିଖ ପଯ୍ୟନ୍ତ ଓଡିଶାର ୧୦ଟି ଜିଲ୍ଲାକୁ ନେଇ ବଡ ପୂର୍ବାନୁମାନ କରିଛି ଆଂଚଳିକ ପାଣିପାଗ ବିଭାଗ । ଆଂଚଳିକ ପାଣିପାଗ ବିଭାଗର ପୂର୍ବାନୁମାନ ଅନୁସାରେ ୧୦ ଜିଲ୍ଲାରେ ରାସ୍ତାଘାଟ କୁହୁଡି ଯୋଗୁଁ ଅଦୃଶ୍ୟ ଭଳି ହୋଇଯିବାର ସମ୍ଭାବନା ରହିଛି । ଏନେଇ ସତର୍କ କରିଛି ବିଭାଗ ।
ତେବେ ପାଣିପାଗ ବିଭାଗର ରିପୋର୍ଟ ଅନୁସାରେ, ଆସନ୍ତା ୧୪ ତାରିଖ ପଯ୍ୟନ୍ତ ରାଜ୍ୟର ବିଭିନ୍ନ ଜିଲ୍ଲାରେ ଘନ କୁହୁଡି ଛାଇ ଘେରି ରହିବାର ସମ୍ଭାବନା ରହିଛି । ଏଥିପାଇଁ ମୋଟ ୧୦ ଜିଲ୍ଲାକୁ ସତର୍କ କରାଇଛି ଭୁବନେଶ୍ୱର ଆଂଚଳିକ ପାଣିପାଗ କେନ୍ଦ୍ର । ଝାରସୁଗୁଡା, ପୁରୀ, ସମ୍ବଲପୁର, କଳାହାଣ୍ଡି, ଯାଜପୁର, ଭଦ୍ରକ ଇତ୍ୟାଦି ଜିଲ୍ଲାରେ ଘନ କୁହୁଡି ଦେଖିବାକୁ ମିଳିପାରେ ବୋଲି ସୂଚନା ରହିଛି ।
ଏହାବ୍ୟତୀତ ଗଞ୍ଜାମ, ଗଜପତି, ଜଗତସିଂହପୁର ଏବଂ କେନ୍ଦ୍ରାପଡା ଜିଲ୍ଲାରେ ମଧ୍ୟ ଘନ କୁହୁଡି ହେବ ବୋଲି ପାଣିପାଗ ବିଭାଗ ପୂର୍ବାନୁମାନ କରିଛି । ସେହିପରି ଟ୍ୱିନ ସିଟି କଟକ ଓ ଭୁବନେଶ୍ୱର ଗତ ୨ ଦିନ ହେଲା ଘନ କୁହୁଡି ଯୋଗୁଁ ପୁରା ଆନ୍ଧାର ଲାଗି ରହିଛି । ରାସ୍ତା ଘାଟ ଠିକ ଭାବରେ ଦୃଶ୍ୟମାନ ହେଉନାହିଁ ।
ତେବେ ଏନେଇ ବାହାରକୁ ବାହାରିବା ସମୟରେ ସବୁବେଳେ ସତର୍କ ରହିବା ପାଇଁ କୁହାଯାଇଛି । ବିଶେଷ କରି ସକାଳ ସମୟରେ ଏହି ଘନକୁହୁଡି ବିପଦର କାରଣ ପାଲଟିପାରେ । ଫଳରେ ଏହାକୁ ଦୃଷ୍ଟିରେ ରଖି ସତର୍କତା ଅବଲମ୍ବନ କରିବା ପାଇଁ କହିଛି ଭାରତୀୟ ପାଣିପାଗ ବିଭାଗ ।
Comments are closed.