ଭୁବନେଶ୍ବର: ମହାନଦୀ ପରେ ଏବେ ହୀରାକୁଦରେ ଦେଖା ଦେଲାଣି ପାଣି ସମସ୍ୟା I ହୀରାକୁଦ ରେ ଉତ୍କଟ ପାଣି ସମସ୍ୟା କୁ ନେଇ ଉଦବେଗ ପ୍ରକାଶ କରିଛନ୍ତି ବରିଷ୍ଠ ବିଜେପି ନେତା ବିଜୟ ମହାପାତ୍ର। ସେ କହିଛନ୍ତି ହୀରାକୁଦ ଇତିହାସରେ ପ୍ରଥମଥରଏଭଳି ଜଳ ସଙ୍କଟ ଦେଖାଦେଇଛି। ହୀରାକୁଦ ଜଳସ୍ତର ଏତେ ତଳ ସ୍ତରକୁ ଚାଲିଯିବ କେହି ଅନୁମାନ କରିନଥିବେ। ଏହା ଦ୍ଵାରା ୧୪ରୁ ୧୫ ଜିଲ୍ଲା କ୍ଷତିଗ୍ରସ୍ତ ହେବ। ସରକାରଙ୍କ ପାଖରେ ଏମିତି ସମସ୍ୟା ନେଇ ଖବର ନଥିଲା କେମିତି। ରାଜ୍ୟ ସରକାର ଯୁଦ୍ଧକାଳୀନ ଭିତ୍ତିରେ ଏହି ସମସ୍ୟାର ସମାଧାନ କରିବାକୁ ସେ ଆହ୍ବାନ ଦେଇଛନ୍ତି।
ସେ କହିଛନ୍ତି ଏବେ ହୀରାକୁଦରେ ଜଳସ୍ତର ୬୧୬.୬୯ ଫୁଟ୍ ଅଛି। ଗତବର୍ଷ ଏହା ୬୨୧.୫ ଫୁଟ୍ ଥିଲା ।୪ ଦିନ ତଳେ ୬୧୭.୫୧ ଫୁଟ୍ ଥିଲା । ଅର୍ଥାତ ୪ ଦିନରେ ଗୋଟିଏ ଫୁଟ୍ କମିଛି, ଯଦି ଏହି ହାରରେ ପାଣି କମେ ମେ ଶେଷ ବେଳକୁ ୬୦୦ଫୁଟରେ ପହଞ୍ଚିବ। ହୀରାକୁଦ ରେ ଜଳସ୍ତର ଏଇଭଳି ହ୍ରାସ ପାଇଲେ ୧୪ରୁ ୧୫ ଜିଲ୍ଲା କ୍ଷତିଗ୍ରସ୍ତ ହେବ । ଆସନ୍ତା ମେ’ ମାସରେ ଉତ୍କଟ ଜଳ ସମସ୍ୟା ଦେଖାଯିବା ସହ ସହ ବିଜୁଳି ଉତ୍ପାଦନ ବନ୍ଦ ହେବ। ଡ଼ିସେମ୍ବରରୁ ଏ ସମସ୍ୟା ଆରମ୍ଭ ହେଲାଣି, ଏବେ ମାର୍ଚ୍ଚରେ ଏଭଳି ସ୍ଥିତି ହେଲାଣି, ଆଉ ମେ ବେଳକୁ କଣ ହେବ ଅନୁମାନ କରିବା ମୁସ୍କିଲ। ଜୁନ୍ ମାସରେ ହୀରାକୁଦ ଡେଡ ଷ୍ଟୋରେଜ ଲେବଲକୁ ଆସିଯିବ। ସରକାର ଜାଣି ନିରବ ଦ୍ରଷ୍ଟା। ପୁର୍ବରୁ ୧୨ ହଜାରରୁ ୧୫ ହଜାର କ୍ୟାସେକ ଆସୁଥିଲା ହେଲେ ଏବେ ୪୮୫ କ୍ୟାସେକ ପାଣି ଆସୁଛି। ଏଭାପରେସନ୍ ଲସ୍ ହେଉଛି ୮୧୫ କ୍ୟୁସେକ। ଟ୍ରିବ୍ୟୁନାଲ ଗଠନକୁ ୭ ବର୍ଷ ହୋଇଗଲା। ୧.୨୫୨ ମିଲିୟନ ଏକର ପାଣି ଦିଆଯାଉ ବୋଲି ଦାବି ଥିଲା , ଟ୍ରିବ୍ୟୁନାଲ ନିଷ୍ପତ୍ତି ନେଲା ନାହିଁ। ଟ୍ରିବ୍ୟୁନାଲ ଇଣ୍ଟେରିମ ରିଲିଫ୍ ଦେଲେ ନାହିଁ କାହିଁକି? ତାଙ୍କଠୁ ନ୍ୟାୟ ଅପେକ୍ଷା ନକରି ମୋ ମତରେ ଟ୍ରିବ୍ୟୁନାଲକୁ ବୟକଟ କରାଯାଉ। ସରକାରଙ୍କ ପାଖରେ ଏମିତି ସମସ୍ୟା ନେଇ ଖବର ନଥିଲା କେମିତି ? ଯଦି, ଖବର ଥିଲା ତାହେଲେ ପଦକ୍ଷେପ ନେଲେନି କାହିଁକି ? ଏଥିପାଇଁ ଛତିଶଗଡ଼ ସରକାର ଏବଂ ଟ୍ରିବୁନାଲ୍ ଦାୟୀ । ଏତେ ବଡ ସମସ୍ୟାକୁ ସରକାର ଗୁରୁତର ସହ ନନେଇ କାହିଁ ଖାମଖିଆଲ ଭାବେ ନେଲେ ?
ବିଜୟ ମହାପାତ୍ର ଆହୁରି କହିଛନ୍ତି, ଛତିଶଗଡ଼ ସରକାର ଯଦି କିଛି ପାଣି ଛାଡ଼ିବେ, ତାହେଲେ କିଛି ସମାଧାନ ହେବ। ଛତିଶଗଡ଼ ମନମୁଖୀ ବ୍ୟାରେଜ ନିର୍ମାଣର ପ୍ରଥମ ପ୍ରଭାବ ଓଡ଼ିଶାରେ ଏବେ ପଡୁଛି। ଅଣ ମୌସୁମୀ ସମୟରେ ସମସ୍ୟା ପାଇଁ ବିଭିନ୍ନ ପ୍ରକଳ୍ପ ସହ ତଳମୁଣ୍ଡରେ ବ୍ୟାରେଜ ନିର୍ମାଣ କରିପାରିଥାନ୍ତେ। ୭ ବର୍ଷ ଭିତରେ ସରକାର ଚାହିଁଥିଲେ ୨ରୁ ୩ଟି ବ୍ୟାରେଜ କରିପାରିଥାନ୍ତେ। ୪୦ ପ୍ରତିଶତ ଅଣମୌସୁମୀ ସମୟରେ ମ୍ୟାନେଜ କରାଯାଇ ପାରିଥାନ୍ତା | ରାଜ୍ୟ ସରକାର ସବୁ ଜାଣି କେମିତି ନୀରବ ରହିଲେ। ଏତେ ବଡ଼ ସମସ୍ୟାକୁ ସରକାର ଗୁରୁତର ସହ ନନେଇ କାହିଁ ଖାମଖିଆଲ ଭାବେ ନେଲେ । ବିଧାନସଭାରେ ସବୁ ଦିଗକୁ ନେଇ ସଦସ୍ୟମାନେ ଆଲୋଚନା କରନ୍ତୁ। ତେଣୁ ଏବେ ସମୟ ଆସିଛି ରାଜ୍ୟ ସରକାର ଯୁଦ୍ଧକାଳୀନ ଭିତିରେ ଏହି ସମସ୍ୟାର ସମାଧାନ କରନ୍ତୁ ।
Comments are closed.