ନୂଆଦିଲ୍ଲୀ : ହାଇଦ୍ରାବାଦରେ ଘଟିଛି ଏକ ଲୋମ ଟାଙ୍କୁରା ହତ୍ୟାକାଣ୍ଡ । ସ୍ୱାମୀର କାର୍ନାମା ଦେଖି ପିଶାଚ ମଧ୍ୟ ଭୟ କରିବ । ଦିନକୁ ଦିନ ମଣିଷ ପାଲଟି ଯାଉଛି ନର ରାକ୍ଷସ । ଶ୍ରଦ୍ଧା ୱାକର ହତ୍ୟା ମାମଲା ପରେ, ହାଇଦ୍ରାବାଦରେ ଘଟିଛି ଆଉ ଏକ ଲୋମହର୍ଷଣ କାରୀ ହତ୍ୟାକାଣ୍ଡ । ସ୍ତ୍ରୀଙ୍କୁ ହତ୍ୟା କରି କୁକରରେ ରାନ୍ଧିବା ଭଳି ସଙ୍ଗୀନ ଅଭିଯୋଗ ଆସିଛି । ହତ୍ୟାକାରୀ ସ୍ୱାମୀ ହେଲେ ଜଣେ ପୂର୍ବତନ ସୈନିକ ଏସ. ଗୁରୁମୂର୍ତି (୪୫) ବର୍ଷ ଏବଂ ମୃତକ ସ୍ତ୍ରୀ ହେଉଛନ୍ତି ୩୫ ବର୍ଷିଆ ଭେଙ୍କଟ ମାଧବୀ । ଅଭିଯୁକ୍ତ ଜଣକ ଡିଆର୍ଡିଓରେ ସୁରକ୍ଷା କର୍ମୀ ଭାବରେ କାମ କରନ୍ତି। ଏହି ଦମ୍ପତିଙ୍କର ଦୁଇଟି ସନ୍ତାନ ଅଛନ୍ତି । ପାରିବାରିକ କଳହକୁ ନେଇ ଉଭୟଙ୍କ ମଧ୍ୟରେ ପ୍ରାୟତଃ ଝଗଡା ହେଉଥିବା ସୂଚନା ମିଳିଛି ।
ସୂଚନାନୁସାରେ,୧୩ ବର୍ଷ ପୂର୍ବେ ଆନ୍ଧ୍ରପ୍ରଦେଶର ପ୍ରକାଶମ ଜିଲ୍ଲାର ଗୁରୁମୂର୍ତ୍ତୀ ଭେଙ୍କଟ ମାଧବୀଙ୍କୁ ବିବାହ କରିଥିଲେ । ଉଭୟଙ୍କର ଦୁଇ ସନ୍ତାନ ରହିଛନ୍ତି । ପୂର୍ବରୁ ଗୁରୁମୂର୍ତ୍ତୀ ସେନାରେ ଚାକିରି କରୁଥିଲେ। ସେଠାରୁ ଅବସର ନେବା ପରେ ଡିଆରଡିଓରେ ଆଉଟସୋର୍ସ ସୁରକ୍ଷାକର୍ମୀ ଭାବେ କାର୍ଯ୍ୟ କରୁଥିଲେ । ହଠାତ୍ ଗତ ଜାନୁଆରୀ ୧୬ରୁ ନିଖୋଜ ହୋଇଯାଇଥିଲେ ଭେଙ୍କଟ ମାଧବୀ, ତା’ପରେ ତାଙ୍କର କୌଣସି ସନ୍ଧାନ ମିଳିନଥିଲା। ପରେ ମୃତକଙ୍କ ପରିବାର ଲୋକେ ଥାନାରେ ଏତଲା ଦେଇଥିଲେ । ବହୁ ଖୋଜା ଖୋଜି ପରେ ବି ମାଧବୀଙ୍କ ପତ୍ତା ନମିଳିବାରୁ ସ୍ବାମୀ ଗୁରୁଙ୍କୁ ନେଇ ଜେରା କରିଥିଲା ହାଇଦ୍ରାବାଦ ପୋଲିସ । ଆଉ ପୋଲିସ ଜେରାବେଳେ ସେ ନିଜ ଦୋଷ ସ୍ବୀକାର କରିଛନ୍ତି । ପ୍ରତ୍ୟକ ଦିନ ପାରିବାରିକ ଝଗଡା କାରଣରୁ ସ୍ତ୍ରୀକୁ ମାରି ବାଥରୁମ ଭିତରେ ଶରୀରକୁ ଛୋଟ ଛୋଟ ଖଣ୍ଡ କରି କାଟି ପ୍ରଥମେ ହାଡ ଗୁଡିକୁ ଅଲଗା କରିଥିଲା ଏବଂ ହତ୍ୟାର ପ୍ରମାଣ ନଷ୍ଟ ପାଇଁ ୩ ଦିନ ଧରି ମୃତକଙ୍କ ମାଂସକୁ ପ୍ରେସର କୁକରରେ ସିଝେଇ ମୀରପେଟ ହ୍ରଦରେ ଫିଙ୍ଗି ଦେଇଥିଲା । କାରଣ ମୃତଦେହକୁ ନଷ୍ଟ କରିବା ସହଜ ହେବ ଏବଂ କେହି ତାଙ୍କୁ ସନ୍ଦେହ କରିବେ ନାହିଁ। ମାତ୍ର ଏହି ଘଟଣାର ପ୍ରକୃତ କାରଣ ଅସ୍ପଷ୍ଟ ରହିଥିବାବେଳେ ହାଇଦ୍ରାବାଦ ପୋଲିସ ଅଭିଯୁକ୍ତ ସ୍ୱାମୀକୁ ହେପାଜତକୁ ନେଇ ଅଧିକ ତଦନ୍ତ ଜାରି ରଖିଛି ।
Comments are closed.