ନୂଆ ଅବତାରରେ ସଲମାନ

ସଲମାନଙ୍କର ଅପକମିଂ ଫିଲ୍ମ ବ୍ୟାଟଲ୍‌ ଅଫ ଗଲବାନ୍‌ର ମୋଶନ ପୋଷ୍ଟର ନିକଟରେ ରିଲିଜ୍‌ ହୋଇଛି, ଯାହା ଖୁବ ଭାଇରାଲ ହେବାରେ ଲାଗିଛି । ସଲମାନ ନିଜ ସୋସିଆଲ ମିଡିଆରେ ଏହି ପୋଷ୍ଟରଟି ପୋଷ୍ଟ କରିଛନ୍ତି । ଏଥିରେ ସଲମାନଙ୍କର ଏକ ନିଆରା ଅନ୍ଦାଜ ଦେଖିବାକୁ ମିଳୁଛି । ପୋଷ୍ଟରରେ ସଲମାନଙ୍କ ଚେହେରା ରକ୍ତରେ ଜୁଡୁବୁଡୁ ଥିବା ଦେଖିବାକୁ ମିଳୁଛି । ସେହିଭଳି ପୋଷ୍ଟରରେ ସଲମାନଙ୍କ ଆଙ୍ଗ୍ରିୟଙ୍ଗମ୍ୟାନ ଲୁକ ଦେଖିବାକୁ ମିଳିଛି । ବ୍ୟାକ୍‌ଗ୍ରାଉଣ୍ଡରେ ଏକ ପାହାଡ ବରଫରେ ଘୋଡେଇ ହୋଇଥିବା ଦେଖିବାକୁ ମିଳିଛି । ଫିଲ୍ମଟି ଏକ ସତ କାହାଣୀକୁ ନେଇ ନିର୍ମାଣ କରାଯାଇଛି । ସୂଚନା ଅନୁସାରେ ୨୦୨୦ରେ ଗଲବାନ ଘାଟିରେ ଭାରତ ଓ ଚୀନ ସେନାଙ୍କ ଭିତରେ ହୋଇଥିବା ଯୁଦ୍ଧର କାହାଣୀକୁ ନେଇ ଏହି ଫିଲ୍ମ ନିର୍ମାଣ କରାଯାଇଛି । ଏହି ଘଟଣାରେ କୌଣସି ସେନା ଗୋଟିଏ ବି ଗୁଳିର ବ୍ୟବହାର ହୋଇନଥିବା ସୂଚନା ରହିଛି । ସେହିଭଳି ଏହି ଯୁଦ୍ଧ ୧୫,୦୦୦ ଫୁଟ ଉପରେ ଲଢାଯାଇଥିଲା । ଏହି ଫିଲ୍ମକୁ ସଲମାନ ଖାନ୍‌ ଫିଲ୍ମସ ପ୍ରଯୋଜନା କରୁଥିବାବେଳେ ଅପୂର୍ବ ଲାଖିଆ ନିର୍ଦ୍ଦେଶନା ଦେଇଛନ୍ତି । ଏଥିରେ ସଲମାନଙ୍କ ବିପକ୍ଷରେ ଅଭିନେତ୍ରୀ ଚିତ୍ରଙ୍ଗଦା ସିଂହଙ୍କୁ ଦେଖିବାକୁ ମିଳିବ । ଏହି ଫିଲ୍ମରେ ଅନେକ ନୂଆ ଚେହେରା ମଧ୍ୟ ସ୍କ୍ରିନ୍‌ରେ ଦେଖିବାକୁ ମିଳିବ ବୋଲି ଜଣା ପଡିଛି । ଏଥିରେ ସଲମାନ କର୍ନଲ ବି ସନ୍ତୋଷ ବାବୁଙ୍କ ଚରିତ୍ରରେ ନଜର ଆସିବେ । ଫିଲ୍ମର ସଙ୍ଗୀତ ନିର୍ଦ୍ଦେଶନା ହିମେଶ ରେସମିଆ ଦେଇଛନ୍ତି । ସଲମାନଙ୍କ ପୋଷ୍ଟରକୁ ତାଙ୍କ ଫ୍ୟାନମାନେ ଖୁବ ଭଲ ପାଇବା ଦେବାରେ ଲାଗିଛନ୍ତି । ଏଥିରେ ସଲମାନଙ୍କ ଇଣ୍ଟେନ୍ସ ଲୁକ୍‌ର ପ୍ରଶଂସା ସମସ୍ତେ କରୁଛନ୍ତି । ଫିଲ୍ମଟି ବ୍ଲକ ବଷ୍ଟର ହେବ ବୋଲି ଫ୍ୟାନମାନେ ଆଶା ରଖିଛନ୍ତି ।