ସୁନ୍ଦରଗଡ଼: ବନ୍ୟା ପାଣିରେ ଭାସିଗଲା ଟ୍ରଲର। ଡ୍ରାଇଭର ନିଖୋଜ । ସୁନ୍ଦରଗଡ଼ ବଡ଼ଗାଁ ଥାନା ଝଣ୍ଟେଲବୁଡ ସଫେଇ ନଦୀ ପୋଲ ଉପରୁ ଭାସିଗଲା ଟ୍ରଲର । ଗାଡିରେ ଥିବା ଡ୍ରାଇଭର ସୁଜିତ ଆଵିନ୍ଦ ନିଖୋଜ ଥିବାବେଳେ ହେଲ୍ପର ଅବିନାଶ ବରାଳଙ୍କୁ ଉଦ୍ଧାର କରିଛି ଅଗ୍ନିଶମ ବିଭାଗ । ଟ୍ରଲରଟି କୋଇଲା ନେଇ ରାଉରକେଲା ଯାଉଥିଲା । ସଫେଇ ନଦୀ ପୋଲ ଉପରେ ଯାଉଥିବାବେଳେ ଭାରସାମ୍ୟ ହରାଇ ନଦୀ ଭିତରକୁ ଭାସିଯାଇଥିଲା । ଅଗ୍ନିଶମବାହିନୀ ପହଂଚି ଉଦ୍ଧାର କାର୍ଯ୍ୟ ଆରମ୍ଭ କରିଛି । ବର୍ତ୍ତମାନ ସୁଦ୍ଧା ଖୋଜାଖୋଜି ଜାରି ରହିଥିବାବେଳେ ଡ୍ରାଇଭରଙ୍କୁ ପତ୍ତା ମିଳିପାରିନାହିଁ ।
