ଭୋଗରାଇ : ସମୁଦ୍ରରେ ଗାଧୋଇବାବେଳେ ଭାସିଗଲେ ୩ ପର୍ଯ୍ୟଟକ । ଏମାନଙ୍କ ମଧ୍ୟରୁ ୨ ଜଣଙ୍କୁ ଉଦ୍ଧାର କରାଯାଇଥିବାବେଳେ ଜଣଙ୍କର ମୃତ୍ୟୁ ଘଟିଛି । ପଡୋଶୀ ରାଜ୍ୟ ପଶ୍ଚିମବଙ୍ଗ ତାଜପୁର ବେଳାଭୂମିରେ ଘଟିଛି ଏହି ଅଘଟଣ । ଖବର ପାଇ ସ୍ଥାନୀୟ ପ୍ରଶାସନ ପର୍ଯ୍ୟଟକଙ୍କୁ ସ୍ପିଡ୍ ବୋଟ୍ ମାଧ୍ୟମରେ ଉଦ୍ଧାର କରିବାକୁ ଯାଇଥିଲେ । ସମସ୍ତ ପର୍ଯ୍ୟଟକଙ୍କ ଘର ପଶ୍ଚିମବଙ୍ଗ ବାରସାତ ଅଞ୍ଚଳର ବୋଲି ଜଣାପଡିଛି ।
ଖବର ଅନୁଯାୟୀ, ପଶ୍ଚିମବଙ୍ଗ ଦୀଘାକୁ ବାରସାତ ଅଞ୍ଚଳ ତିନି ଜଣ ଯୁବକ ବୁଲିବାକୁ ଆସିଥିଲେ । ଦୀଘା ବେଳାଭୂମିରେ ପ୍ରବଳ ଭିଡ଼ ଥିବା ବେଳେ ପାଖରେ ଥିବା ତାଜପୁର ବେଳାଭୂମିକୁ ବୁଲିବାକୁ ଯାଇଥିଲେ । ସେଠାରେ ସମୁଦ୍ର ଉଚ୍ଚ ଜୁଆର ଦେଖି ଗାଧୋଇବା ପାଇଁ ୩ ଯୁବକ ସମୁଦ୍ରକୁ ଓହ୍ଲାଇଥିଲେ । ମାତ୍ର ସମୁଦ୍ରର ପ୍ରଖରସ୍ରୋତରେ ୩ ଜଣ ଯୁବକ ଭାସି ଯାଇଥିଲେ । ଯାହାକୁ ଦେଖି ସ୍ଥାନୀୟ ପ୍ରଶାସନ ସ୍ପିଡ୍ ବୋଟ୍ ମାଧ୍ୟମରେ ୨ ଜଣଙ୍କୁ ଉଦ୍ଧାର କରି ମେଡିକାଲରେ ଭର୍ତ୍ତି କରିଥିବା ବେଳେ ଆଉ ଜଣେ ନିଖୋଜ ଅଛନ୍ତି । ବର୍ତ୍ତମାନ ଯାଏଁ ନିଖୋଜ ଯୁବକଙ୍କ ମିଳିନାହିଁ ପତ୍ତା । ଲଘୁଚାପ ପାଇଁ ସମୁଦ୍ର ଅଶାନ୍ତ ରହିଥିବା କିଛି ପର୍ଯ୍ୟଟକ ଅମାନିଆ ହେବାରୁ ଏହିଭଳି ଅଘଟଣ ମାନ ଘଟୁଥିବା କୁହାଯାଉଛି ।
Comments are closed.