ଭୁବନେଶ୍ୱର : ମାର୍ଚ୍ଚ ୨୨: ଆଜି ରାଜ୍ୟର ୪ଟି ସ୍ଥାନରେ ୪୦ ଡିଗ୍ରୀ ସେଲ୍ସିଅସ୍ ତାପମାତ୍ରା ରେକର୍ଡ କରାଯାଇଛି । ସେହି ସ୍ଥାନଗୁଡ଼ିକ ହେଲା-ଝାରସୁଗୁଡ଼ାରେ ସର୍ବାଧିକ ତାପମାତ୍ରା ୪୦.୨ ଡିଗ୍ରୀ ଓ ବଲାଙ୍ଗୀର, ଟିଟିଲାଗଡ଼ ଓ ବୌଦ୍ଧରେ ୪୦ ଡିଗ୍ରୀ ସେଲ୍ସିଅସ୍ ତାପମାତ୍ରା ରହିଛି ।
ସେହିପରି ବାରିପଦାରେ ୩୯ ଡିଗ୍ରୀ, ସମ୍ବଲପୁରରେ ୩୮. ୯, ହୀରାଦୁଦରେ ୩୮. ୩, ଭଦ୍ରକରେ ୩୮. ୨ ଡିଗ୍ରୀ ସେଲ୍ସିଅସ୍ ରହିଛି । ଆଭ୍ୟନ୍ତରୀଣ ଓଡ଼ିଶାରେ ଦିନର ତାପମାତ୍ରା ସ୍ୱାଭାବିକଠାରୁ ୩ରୁ ୪ଡିଗ୍ରୀ ଏବଂ ଉପକୂଳ ଓଡ଼ିଶାରେ ୨ଡିଗ୍ରୀ ପର୍ଯ୍ୟନ୍ତ ଅଧିକ ରହିପାରେ ।
ଅନ୍ୟପକ୍ଷରେ, ଆଗାମୀ ପାଞ୍ଚ ଦିନ ମଧ୍ୟରେ ରାଜ୍ୟରେ ତାପମାତ୍ରା ବଢ଼ିପାରେ ବୋଲି ରାଜ୍ୟ ପାଣିପାଗ ପକ୍ଷରୁ ସୂଚନା ମିଳିଛି ।
ସେପଟେ, ବଙ୍ଗୋପସାଗରର ପୂର୍ବକେନ୍ଦ୍ରାଞ୍ଚଳ, ଉତ୍ତର-ପୂର୍ବରେ ପ୍ର୍ରାୟ ୧୭୦ କିଲୋମିଟର ଏବଂ ୟାଙ୍ଗୋନ୍ (ମିଆଁମାର)ର ୩୯୦ କିଲୋମିଟର ଦକ୍ଷିଣ-ପଶ୍ଚିମ ଦିଗରେ ଏକ ଭଗୀର ଅବପାତ ସୃଷ୍ଟି ହୋଇଛି । ଅପରାହ୍ନ ସମୟରେ ଏହି ଅବପାତ ମିଆଁମାର ଉପକୂଳ ଦେଇ ଗତି କରିବ । ଏହାର ପ୍ରଭାବରେ ଓଡ଼ିଶାର କିଛି ଜିଲ୍ଲାରେ କାଳବେଶାଖୀ ବର୍ଷା ହେବାର ସମ୍ଭାବନା ରହିଥିବା ନେଇ ପାଣିପାଗ ବିଜ୍ଞାନ କେନ୍ଦ୍ର ପକ୍ଷରୁ ଆକଳନ କରାଯାଇଛି ।
#DeepDepression over north Andaman Sea & adjoining eastcentral BOB lay about 170 km east-northeast of Mayabundar (Andaman Islands) and 390km southwest of Yangon (Myanmar). Likely to cross Myanmar coast as depression during afternoon of 22nd March. pic.twitter.com/i3thQ3DyBd
— Meteorological Centre, Bhubaneswar (@mcbbsr) March 21, 2022
Comments are closed.