ଜେଲକୁ ଫେରିବ ଟିଟୋ

କଟକ: ପୁଣି ଜେଲକୁ ଫେରିବ କୁଖ୍ୟାତ ଗ୍ୟାଙ୍ଗଷ୍ଟର ଟିଟୋ ଓରଫ ସୟଦ ଉସମାନ ଅଲ୍ଲୀ । ଜାମିନ ସର୍ତ୍ତ ଖିଲାପ କରିଥିବାରୁ ତାକୁ ଗିରଫ କରିବାକୁ ନିର୍ଦ୍ଦେଶ ଦେଇଛନ୍ତି ହାଇକୋର୍ଟ । ଫଳରେ ସର୍ତ୍ତମୂଳକ ଜାମିନ ଥିବା ଟିଟୋ ପୁଣି ଥରେ ଜେଲକୁ ଯିବ I ରାଜ୍ୟ ସରକାରଙ୍କ ପକ୍ଷରୁ ଏନେଇ ଶୁଣାଣୀକରି ହାଇକୋର୍ଟର ବିଚାରପତି ଜଷ୍ଟିସ ସଙ୍ଗମ କୁମାର ସାହୁଙ୍କ ଖଣ୍ଡପୀଠ ଏହି ନିର୍ଦ୍ଦେଶ ଦେଇଛନ୍ତି ।

ସୂଚନାଯୋଗ୍ୟ, କେନ୍ଦ୍ରାପଡା ଟାଉନ ଥାନାର ୨ଟି ମାମଲାରେ ହାଇକୋର୍ଟରୁ ୨୦୨୨ରେ ସର୍ତ୍ତମୂଳକ ଜାମିନ ପାଇଥିଲା ଟିଟୋ । ଏହି ଅବସରରେ ହାଇକୋର୍ଟ ଟିଟୋ ପାଇଁ କେତେକ ସର୍ତ୍ତ ରଖିଥିଲେ I ସର୍ତ୍ତ ମୁତାବିକ ଟିଟୋ କୌଣସି ଗୋଟିଏ ଦିନ ବି ଆଇଆଇସି ଙ୍କ ନିକଟରେ ହାଜର ନହେବା ସହିତ କୌଣସି କାରଣ ଦର୍ଶାଅ ନୋଟିସ ବି ଦେଇ ନଥିଲା I ତେବେ ସର୍ତ୍ତ କୋହଳ କରିବାକୁ ପୁଣି କୋର୍ଟଙ୍କ ଦ୍ଵାରସ୍ଥ ହୋଇଥିଲା ଟିଟୋ । କିନ୍ତୁ କୋର୍ଟ ଏ ବାବଦରେ ରାୟ ଦେବା ପୂର୍ବରୁ ଥାନା ହାଜିରା ବନ୍ଦ କରିଦେଇଥିଲା ଟିଟୋ । ଏ ନେଇ କେନ୍ଦ୍ରାପଡ଼ା ଟାଉନ ଥାନା ପକ୍ଷରୁ କୋର୍ଟକୁ ଅବଗତ କରାଯାଇଥିଲା ।

Govt

Comments are closed.