ପୁରୀ : ପୁରୀରୁ ବିପୁଳ ପରିମାଣରେ ବ୍ରାଉନ ସୁଗାର ଜବତ । ବ୍ରାଉନ୍ ସୁଗାର ସହ ୩ ଜଣଙ୍କୁ ଗିରଫ କରିଛି ପୋଲିସ । ପୁରୀ ଜିଲ୍ଲା ଚନ୍ଦନପୁର ଥାନା ଭାଇଲପୁର ଜଗନ୍ନାଥ ରୋଡ୍ରୁ ୧୫୭ ଗ୍ରାମ ବ୍ରାଉନ ସୁଗାର ସହ ୩ ଜଣ ଧରାପଡ଼ିଛନ୍ତି । ଗିରଫ ୩ ଜଣ ହେଉଛନ୍ତି ଚନ୍ଦନପୁର ଥାନା ଅଞ୍ଚଳର ପ୍ରଦୀପ କୁମାର ପଣ୍ଡା, ଲିଟୁ ପ୍ରଧାନ, ନିରଞ୍ଜନ ପରିଡ଼ା। ଏମାନଙ୍କ ନିକଟରୁ ଏକ ଲକ୍ଷ ୬୩ ହଜାର ୫୨୦ ଟଙ୍କା ଜବତ ହେବା ସହ ମୋବାଇଲ ଫୋନ,ଛୁରୀ ଜବତ କରାଯାଇଛି ।
ସୂଚନାନୁସାରେ, କୌଣସି ସୁତ୍ରରୁ ଖବର ପାଇ ଚନ୍ଦନପୁର ଥାନା ଜଗନ୍ନାଥ ରୋଡ୍ରେ ଚଢାଉ କରିଥିଲା ପୋଲିସ । ଏହି ଚଢାଉ ସମୟରେ ଧଳାଜହର ବେପାରୀଙ୍କୁ ବାନ୍ଧିଥିଲା ପୋଲିସ । ଏହାସହ ବେପାରୀ ନିକଟରୁ ୧୫୭ ଗ୍ରାମର ବ୍ରାଉନସୁଗାର ଜବତ ହୋଇଛି । ଏହି ଧଳାଜହର କାରବାରରେ ମୋଟ ତିନି ଜଣ ଅଭିଯୁକ୍ତଙ୍କୁ ଗିରଫ କରିଛି ଚନ୍ଦନପୁର ଥାନା ପୋଲିସ ।
