ଫିଲ୍ମ ଇଣ୍ଡଷ୍ଟ୍ରୀରେ ଯେପରି ହତ୍ୟାଧମକ ମିଳିବା ସାଧାରଣ କଥା ହୋଇଗଲାଣି । ପ୍ରତିଦିନ ଏଭଳି ଖବର ଶୁଣିବାକ ମିଳୁଛି କି କୌଣସି ନା କୌଣସି ସେଲିବ୍ରିଟିଙ୍କୁ ହତ୍ୟା ଧମକ ମିଳୁଛି । ଏହି ତାଲିକାରେ ସଲମାନ ଖାନ୍, ଶାହରୁଖ ଖାନ୍ଙ୍କ ଭଳି ଆଉ ଜଣେ ଅଭିନେତ୍ରୀ ସାମିଲ ହୋଇଛନ୍ତି । ଭୋଜପୁରୀ ଷ୍ଟାର ଅକ୍ଷରା ସିଂଙ୍କୁ ହତ୍ୟା ଧମକ ମିଳିଥିବା ଜଣା ପଡିଛି । ଏନେଇ ଅକ୍ଷରା ଥାନାରେ ଅଭିଯୋଗ ମଧ୍ୟ କରିଛନ୍ତି । ସୂଚନା ଅନୁସାରେ ରାତିରେ ଅକ୍ଷରାଙ୍କୁ ଫୋନ୍ ଯୋଗେ ଅର୍ଥର ଡିମାଣ୍ଡ କରାଯାଇଛି, ଯାହା ନଦେଲେ ତାଙ୍କୁ ଜୀବନରୁ ମାରିଦେବା ପାଇଁ ଧମକ ଦିଆଯାଇଛି । ଅକ୍ଷରାଙ୍କ ପାଖକୁ ରାତି ୧୧ଟାରେ କଲ୍ ଆସିଥିଲା ଯେଉଁଥିରେ ଦୁବୁର୍ତ୍ତ ତାଙ୍କୁ ଦୁଇଦିନ ଭିତରେ ୫୦ ଲକ୍ଷ ଟଙ୍କା ଦେବାକୁ ଧମକ ଦେଇଛି । ଯଦି ସେ ନଦେଇ ପାରିବେ ତେବେ ତାଙ୍କୁ ଜୀବନରୁ ମାରିଦିଆ ଯିବ ବୋଲି ସେ ଧମକ ଦେଇଛନ୍ତି । ଏହାପରେ ଅକ୍ଷରା ଆଇନ୍ର ସହାୟତା ନେଇଛନ୍ତି । ପୋଲିସ ମଧ୍ୟ ଏନେଇ ନିଜର କାର୍ଯ୍ୟାନୁଷ୍ଠାନ ଆରମ୍ଭ କରିଥିବା ଜଣା ପଡିଛି । ଅକ୍ଷରା ଭୋଜପୁରୀ ଇଣ୍ଡରଷ୍ଟ୍ରୀର ଜଣେ ଜଣାଶୁଣା କଳାକାର, ତାଙ୍କର ଅନେକ ଫ୍ୟାନ ଏଭଳି ଖବର ଜାଣିବା ପରେ ଆଶଙ୍କା ପ୍ରକାଶ କରିଛନ୍ତି । ତେବେ ସୋସିଆଲ ମିଡିଆରେ ଦେଶର ଆଇନ୍ ପ୍ରକ୍ରିୟାକୁ ନେଇ ଆଲୋଚନା ଆରମ୍ଭ ହୋଇଛି । କିଭଳି ଏପରି ଘଟଣାକୁ ରୋକାଯାଇ ପାରିବ ସେନେଇ ଲୋକମାନେ ଚର୍ଚ୍ଚା କରୁଥିବା ଦେଖିବାକୁ ମିଳୁଛି ।
Comments are closed.