ବାପାକୁ କୁରାଢ଼ିରେ ହାଣି ହତ୍ୟା କଲା ପୁଅ

ପିପିଲି : ନିଶାସକ୍ତ ପୁଅର ନାରକୀୟ କାଣ୍ଡ I ନିଶାରେ ମାଟି ନିଜ ବାପାଙ୍କୁ ହତ୍ୟା କରିବାକୁ ପଛାଇଲାନାହିଁ ପୁଅ I ଯେଉଁ ପୁଅର ସବୁ ଅଳି ଅର୍ଦ୍ଦଳି ସହି କୋଳେଇ କାଖେଇ ପୁଅକୁ ବଡ଼ କରିଥିଲା ଶେଷରେ ସେହି ପୁଅ ଭତରେ ବାପାର ଯାଇଛି ଜୀବନ I ଏଭଳି ଏକ ଅଭବନୀୟ ଘଟଣା ଘଟିଛି ପୁରୀ ଜ଼ିଲ୍ଲା ପିପିଲି ଥାନା ସାନକଣ୍ଟି ଗ୍ରାମରେ । ପୁଅର କୁରାଢ଼ି ଟଳି ପଡିଲେ ବାପା ହୃଷିକେଶ ପ୍ରଧାନ । ତାଙ୍କର ବୟସ ୬୦ ବର୍ଷ ହେବ ବୋଲି କୁହାଯାଉଛି। ଅଭିଯୁକ୍ତ ପୁଅ ଜିତୁ ପ୍ରଧାନଙ୍କୁ ପୁଲିସ ଅଟକ ରଖି ପଚରାଉଚରା କରୁଛି

ସୂଚନା ଅନୁଯାୟୀ ପୁଅ ଜିତୁ ପ୍ରଧାନ ଥିଲା ପ୍ରବଳ ନିଶାସକ୍ତ I ପ୍ରତିଦିନ ମଦ ପିଇ ଘରକୁ ଫେରି ଗଣ୍ଡଗୋଳ କରେ। ଗତକାଲି ରାତିରେ ମଧ୍ୟସେ ମଦ ପିଇ ଘରକୁ ଫେରି ବାପାମା’ଙ୍କ ଉପରେ ପାଟିତୁଣ୍ଡ କରିଥିଲା। ତେବେ ପ୍ରତିଦିନର ଏହି ଘଟଣାରେ ଗତକାଲି ବାପା ହୃଷିକେଶଙ୍କ ପ୍ରତିବାଦ କରିଥିଲେ । ଏଥିରେ ଜିତୁ ରାଗି ଯାଇ ଘରେ ଥିବା ଏକ ଧାରୁଆ କୁରାଢ଼ିରେ ବାପାଙ୍କୁ ଚୋଟ ମାରିଥିଲା । ଫଳରେ ଘଟଣାସ୍ଥଳରେ ବାପା ହୃଷୀକେଶ ପ୍ରଧାନଙ୍କର ମୃତ୍ୟୁ ଘଟିଥିଲା । ଗ୍ରାମବାସୀ ପାଟି ଶୁଣି ଦୌଡ଼ି ଆସି ଦେଖିଥିଲେ ବାପାଙ୍କର ରକ୍ତାକ୍ତ ମୃତ ଦେହ ତଳେ ପଡ଼ିଥିଲା । ମଦ ପିଇ ନିଶାରେ ଏଭଳି ଘଟଣା ଘଟିଥିବା ଅନୁମାନ କରାଯାଉଛି। ଖବର ପାଇ ପିପିଲି ଥାନା ପୁଲିସ ସାନକଣ୍ଟି ଗ୍ରାମରେ ପହଞ୍ଚି ଶବକୁ ଜବତ କରିବା ସହ ପୁଅକୁ ଅଟକ ରଖି ତଦନ୍ତ କରୁଛି।