ପ୍ରଧାନମନ୍ତ୍ରୀଙ୍କ ବିମାନରେ ତ୍ରୁଟି, କଲା ଜରୁରୀ ଅବତରଣ

ଝାଡ଼ଖଣ୍ଡ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବିମାନରେ ଦେଖାଗଲା ବୈଷୟିକ ତ୍ରୁଟି । ମୋଦିଙ୍କ ବିମାନକୁ ଦେଓଘର ଏୟାରପୋର୍ଟରେ ଜରୁରୀକାଳୀନ ଅବତରଣ କରାଯାଇଥିଲା । ବିମାନରେ ତ୍ରୁଟି ଯୋଗୁଁ ଦିଲ୍ଲୀ ଫେରିବାକୁ ବିଳମ୍ବ ହେବ ବୋଲି ସୂଚନା ମିଳିଛି । ଆଜି ପ୍ରଧାନମନ୍ତ୍ରୀ ଆଦିବାସୀ ନେତା ବିର୍ସା ମୁଣ୍ଡାଙ୍କ ଜୟନ୍ତୀରେ ଆୟୋଜିତ ଜନଜାତି ଗୌରବ ଦିବସ ଉପଲକ୍ଷେ ୨ଟି ଜନସଭାରେ ଯୋଗ ଦେଇଥିଲେ। ଏସବୁ କାର୍ଯ୍ୟକ୍ରମ ସାରି ମୋଦୀ ନୂଆଦିଲ୍ଲୀ ଫେରିବାକୁ ଏୟାରପୋର୍ଟ ଯିବାବେଳେ ତାଙ୍କ ବିମାନରେ ଯାନ୍ତ୍ରିକ ତ୍ରୁଟି ଥିବା ଜଣାପଡ଼ଥିଲା । ଏହାପରେ ବିମାନଟି ଦେଓଘର ଏୟାରପୋର୍ଟରେ ଜରୁରୀକାଳୀନ ଅବତରଣ କରିଥିଲା । ପରେ ବୈଷୟିକ ଟିମ ବିମାନର ତ୍ରୁଟି ସଜାଡ଼ିବାକୁ ଲାଗିଥିଲେ । ଅନ୍ୟପଟେ ଆଜି ରାହୁଲ ଗାନ୍ଧୀଙ୍କର ମଧ୍ୟ ଝାରଖଣ୍ଡ ଗସ୍ତ ଥିବାବେଳେ କ୍ଲିୟରାନ୍ସ ନ ମିଳିବାରୁ ଅଟକି ରହିଥିଲା ରାହୁଲଙ୍କ ବିମାନ । ରାହୁଲ ଗାନ୍ଧୀଙ୍କ ବିମାନ ଟି ୪୫ ମିନିଟ ଅଟକ ଥିବା ସୂଚନା ମିଳିଛି ।

Govt

Comments are closed.