ବଡ଼ ଅଘଟଣରୁ ବର୍ତ୍ତିଗଲା ବିମାନ

ଉତ୍ତରପ୍ରଦେଶ : ବଡ଼ ଦୁର୍ଘଟଣାରୁ ବର୍ତ୍ତିଗଲା ଯାତ୍ରୀବାହୀ ବିମାନ। ଲକ୍ଷ୍ନୌ ବିମାନ ବନ୍ଦରରେ ଅବତରଣ ବେଳେ ବିମାନ ଚକାରୁ ଧୂଆଁ ବାହାରିଥିଲା। ଏହା ସହ ନିଆଁ ଝୁଲ ମଧ୍ୟ ବାହାରିଥିବା ଦେଖିବାକୁ ମିଳିଥିଲା। ସାଉଦି ଏୟାରଲାଇନ୍ସର ବିମାନ ଏସ୍‌-ଭି-୩୧୧୨ ୨୫୦ ଜଣ ହଜ୍ ଯାତ୍ରୀଙ୍କୁ ନେଇ ଆସିଥିଲା। ବିମାନ ଏୟାରପୋର୍ଟରେ ଅବତରଣ ବେଳେ ହଠାତ୍ ନିଆଁ ଝୁଲ ଓ ଧୂଆଁ ବାହାରୁଥିବାର ଦେଖିବାକୁ ମିଳିଥିଲା । ଏହା ଦେଖି ପ୍ରଥମେ ଯାତ୍ରୀମାନେ ଭୟଭୀତ ହୋଇଯାଇଥିଲେ। ଧୂଆଁ ବାହାରିବା ଦେଖି ଯାତ୍ରୀମାନଙ୍କୁ ସୁରକ୍ଷିତ ବାହାରକୁ ବାହାର କରାଯାଇଥିଲା। ପରେ ଧୂଆଁକୁ ଆୟତ୍ତ କରାଯାଇଥିଲା।

କୌଣସି ଯାନ୍ତ୍ରିକ ତ୍ରୁଟି ଅଘଟଣ ଘଟିଥିବା ଜଣାପଡ଼ିଛି। ପାଇଲଟ୍‌ ଓ ବିମାନ ବନ୍ଦର ଅଧିକାରୀଙ୍କ ସତର୍କତାମୂଳକ ପଦକ୍ଷେପ ଯୋଗୁ ତୁରନ୍ତ ବିମାନରେ ଥିବା ଯାତ୍ରୀଙ୍କୁ ସୁରକ୍ଷିତ ଉଦ୍ଧାର କରାଯାଇଛି। ଘଟଣା ଜଣାପଡ଼ିବା ପରେ ସଙ୍ଗେ ସଙ୍ଗେ ଦମକଳ ବାହିନୀ ମଧ୍ୟ ଘଟଣାସ୍ଥଳରେ ପହଞ୍ଚିଥିଲା।

Govt

Comments are closed.