ମୁମ୍ବାଇ : ବହୁ ବାଦ ବିବାଦ ପରେ ରିଲିଜ ହୋଇଛି ହିନ୍ଦୀ ଫିଲ୍ମ ‘ପଠାନ୍’ । ଏହା ସହ ୪ବର୍ଷ ପରେ ଦର୍ଶକଙ୍କ ନଜରକୁ ଆସିଛନ୍ତି କିଙ୍ଗ ଖାନ୍ । ଦେଶବ୍ୟାପି ହଜାର ହଜାର ସିନେମା ହଲରେ ରିଲିଜ ହୋଇଛି । ନାଇଟ ଶୋରୁ ହିଁ ଫିଲ୍ମ ହାଉସ ଫୁଲ୍ । ଦର୍ଶକଙ୍କ ମଧ୍ୟରେ ଦେଖିବାକୁ ମିଳିଛି ନାହିଁ ନଥିବା କ୍ରେଜ୍ । ଲିଡ ରୋଲରେ ନଜର ଆସିଛନ୍ତି କିଙ୍ଗ ଖାନ୍ ଶାହରୁଖ ଓ ମସ୍ତାନୀ ଗର୍ଲ ଦୀପିକା । ତେବେ ଫିଲ୍ମ ରିଲିଜ ପୂର୍ବରୁ ଦୀପିକାଙ୍କ ଗେରୁଆ ରଙ୍ଗ ପରିହିତ ବିକିନି ତଥା ‘ ବେସରମ ରଙ୍ଗ ‘ ଗୀତକୁ ନେଇ ସିନେମା ଟି କଣ୍ଟ୍ରୋଭର୍ସି ହୋଇ ପଡିଥିଲା I ଶେଷ ମୁହୂର୍ତ୍ତରେ ଏଥିରେ ବିକିନୀର ରଙ୍ଗକୁ ପରିବର୍ତନ କରାଯାଇଥିବା ଜଣା ପଡିଥିଲା I
ବିଦେଶରେ ୨୫ ଶହରୁ ଅଧିକ ସ୍କ୍ରିନ୍ରେ ଦେଖିବାକୁ ମିଳିବ ‘ପଠାନ୍’ । କୌଣସି ଭାରତୀୟ ଫିଲ୍ମ ପୂର୍ବରୁ ଶହେରୁ ଅଧିକ ଦେଶ ଓ ୨୫ ଶହ ସ୍କ୍ରିନ୍ରେ ଏକସଙ୍ଗେ ରିଲିଜ ହୋଇନାହିଁ ।
ସିନେମାରେ ଜନ ଆବ୍ରାହାମଙ୍କର ଜବରଦସ୍ତ ଅଭିନୟ ମଧ୍ୟ ଦେଖିବାକୁ ମିଳିଛି । ଶାହାରୁଖଙ୍କ କ୍ରେଜ ଆଗରେ କାମ କରିନି ବୟକଟ ଟ୍ରେଣ୍ଡ । ସବୁଠି ସିନେମାକୁ ଭଲ ରେସପନ୍ସ ମିଳିଛି । ଆଡଭାନ୍ସ ଟିକେଟ ବୁକିଂରେ ରେକର୍ଡ କରିସାରିଛି ପଠାନ । ଅଗ୍ରୀମ ବୁକିଂ ପ୍ରାୟ ୭ଲକ୍ଷ ଟିକେଟ ବିକ୍ରି ହୋଇଛି । ଯାହାକି ବାହୁବଳୀ-୨, କେଜିଏଫ୍-୨ ର ରେକର୍ଡକୁ ମଧ୍ୟ ଭାଙ୍ଗିଛି ।
Comments are closed.