ଆଜି ଗୁରୁକୁଳରେ ବିଦ୍ୟା ଗ୍ରହଣ କରୁଥିବା ସମସ୍ତ ଶିଷ୍ୟଙ୍କ ମନରେ ଅହେତୁକ ଉତ୍ସାହ ଦେଖା ଯାଇଥିଲା । କାହିଁକି ନା ସେମାନଙ୍କ ବାର ବର୍ଷର ଶିକ୍ଷା ଆଜି ସମାପ୍ତ ହୋଇଛ । ଯାହାଫଳରେ ସେମାନେ ଏବେ ସ୍ୱଗୃହକୁ ଅକ୍ଲେଶରେ ପ୍ରତ୍ୟାବର୍ତ୍ତନ କରିପାରିବେ । ଗୁରୁ ମଧ୍ୟ ଅତ୍ୟନ୍ତ ପ୍ରୀତ ଏବଂ ପ୍ରସନ୍ନ ଜଣା ପଡୁଥିଲେ । ଗୁରୁକୁଳର ପରମ୍ପରା ଅନୁଯାୟୀ ଶିଷ୍ୟମାନଙ୍କୁ ଶେଷ ଉପଦେଶ ଦେବା ପାଇଁ ପ୍ରସ୍ତୁତ ହୋଇ ଗୁରୁ ଉଚ୍ଚ ସ୍ୱରରେ କହିଲେ, ପ୍ରିୟ ଶିଷ୍ୟଗଣ, ତୁମେମାନେ ଗୋଟିଏ ଜାଗାରେ ଯଥାଶୀଘ୍ର ଏକତ୍ରିତ ହୁଅ । ମୁଁ ଆଜି ତୁମକୁ ତୁମ ଶୈକ୍ଷିକ ଜୀବନର ଶେଷ ଉପଦେଶ ଦେବାକୁ ଚାହୁଁଛି । ଗୁରୁଙ୍କ ଆଦେଶ ପାଳନ କରି ସମସ୍ତ ଶିଷ୍ୟ ଏକତ୍ରିତ ହେଲେ । ତହୁଁ ଗୁରୁ ହାତରେ ତିନୋଟି କାଠ କେ„ଇ ଆଣି ଶିଷ୍ୟଙ୍କୁ ଦେଖାଇ କହିଲେ, ପ୍ରିୟ ଶିଷ୍ୟ ମୋର, ତୁମମାନେ ଏ କାଠ କେ„ଇଗୁଡ଼ିକ ମଧ୍ୟରେ ଥିବା ପାର୍ଥକ୍ୟଗୁଡିକ ଖୋଜି ବାହାର କର । ସମସ୍ତ ଶିଷ୍ୟ କେ„ଇଗୁଡ଼ିକ ଧ୍ୟାନପୂର୍ବକ ଦେଖିଲେ । ମାତ୍ର କାଠ ନିର୍ମିତ ତିନୋଟି ଯାକ କେ„ଇ ସମାନ ଦେଖାଯାଉଥିଲେ । ଏଣୁ ସମସ୍ତେ ଆଶ୍ଚର୍ଯ୍ୟ ହେଉଥିଲେ କି, ଭଲା ଏ କେ„ଇ ତିନିଟି ମଧ୍ୟରେ କ’ଣ ବା ପାର୍ଥକ୍ୟ ଥାଇପାରେ !
ତାହାପରେ କେହି ଜଣେ ଶିଷ୍ୟ କହିଲେ, ଆରେ ଏଇ ଦେଖ, ଏଇ କେ„ଇଟିରେ ଗୋଟିଏ ଛିଦ୍ର ଅଛି । ଏହି ସଂକେତ ହିଁ ଯଥେଷ୍ଟ ଥିଲା । ଶିଷ୍ୟମାନେ ପାର୍ଥକ୍ୟ ଜାଣି ଶୀଘ୍ର ଗୁରୁଦେବଙ୍କୁ ଅବଗତ କରାଇ କହିଲେ, ଗୁରୁଦେବ, ଏହି ତିନୋଟି କାଠ କେ„ଇ ମଧ୍ୟରେ ଏତିକି ମାତ୍ର ପାର୍ଥକ୍ୟ ଅଛି ଯେ, ପ୍ରଥମ କେ„ଇର ଦୁଇଟି କାନରେ ଛିଦ୍ର ଅଛି । ଦ୍ୱିତୀୟଟିର କାନ ଏବଂ ମୁହଁରେ ଛିଦ୍ର ହୋଇଛି । ତୃତୀୟ କେ„ଇର କେବଳ କାନରେ ଛିଦ୍ର ହୋଇଛି । ଏ କଥା ଶୁଣି ଗୁରୁଦେବ କହିଲେ, ବିଲକୁଲ୍ ଠିକ୍ କହିଛ । ଗୁରୁ ଆହୁରି ମଧ୍ୟ ତାଙ୍କୁ ଏକ ପତଳା ଧାତବ ତାର ନେଇ ସେଇ କେ„ଇଗୁଡ଼ିକର କାନରେ ପୁରାଇବା ପାଇଁ ନିର୍ଦ୍ଦେଶ ଦେଲେ ।
ଶିଷ୍ୟମାନେ ତାହାହିଁ କଲେ । ପ୍ରଥମ କେ„ଇର କାନର ଛିଦ୍ରରେ ତାର ଭର୍ତ୍ତି କରିବାରୁ ଆର କାନଟିରେ ବାହାରିଲା । ଦ୍ୱିିତୀୟ କେ„ଇର କାନ ଦେଇ ମୁହଁରୁ ତାରଟି ବାହାରି ଆସିଲା କି;ୁ ତୃତୀୟ କେ„ଇର କାନରେ ପୂରାଇବା ଦ୍ୱାରା ତାରଟି ଆଉ ବାହାରିଲା ନାହିଁ । ସେହି ତିନୋଟି କାଠ କେ„ଇକୁ ଶିଷ୍ୟମାନଙ୍କ ଠାରୁ ନିଜ ହାତକୁ ଆଣି ଗୁରୁ କହିଲେ, ପ୍ରିୟ ଶିଷ୍ୟଗଣ, ଏହି ତିନି କେ„ଇଙ୍କ ପରି ତୁମ ଜୀବନରେ ତିନି ପ୍ରକାର ଲୋକ ଆସିବେ । ପ୍ରଥମ କେ„ଇଟି ଭଳି ଯେଉଁମାନେ ତୁମ କଥାକୁ ଗୋଟିଏ କାନରେ ଶୁଣି ଆଉ ଗୋଟିଏ କାନରେ ବାହାର କରିଦେବେ । ସେମାନଙ୍କୁ କେବେ ଆପଣା ସମସ୍ୟା କଥା କହିବ ନାହିଁ । ଦ୍ୱିତୀୟ କେ„ଇ ଭଳି ଯେଉଁମାନେ ତୁମ କଥା ଶୁଣି ଅନ୍ୟ ଆଗରେ ପ୍ରକାଶ କରିଥାନ୍ତି । ସେମାନଙ୍କ ଠାରୁ ଦୂରେଇ ରହିବ, ସେମାନଙ୍କୁ କେବେ ହେଲେ ଆପଣାର ମହ‰ପୂର୍ଣ୍ଣ କଥା କହିବ ନାହିଁ । ତୃତୀୟ କେ„ଇ ବର୍ଗରେ ହେଉଛନ୍ତି ଏଭଳି ଲୋକ, ଯେଉଁମାନଙ୍କୁ ତୁମେ ଭରସା କରି ପାରିବ । ତାଙ୍କ ସହିତ ତୁମେ ବିଚାର ବିମର୍ଶ କରି ପାରିବ । ସେମାନଙ୍କ ଠାରୁ ଉପଦେଶ ଏବଂ ଜୀବନ ସୂତ୍ର ଗ୍ରହଣ କରି ପାରିବ । କାହିଁକି ନା, ସେମାନେ ତୁମକୁ ସାହସ, ଶକ୍ତି ଓ ଧୈର୍ଯ୍ୟ ପ୍ରଦାନ କରି ପାରିବେ । ଏଭଳି ଲୋକଙ୍କୁ କେବେହେଲେ ନିଜ ଠାରୁ ଦୂରେଇବା ନାହିଁ ।
Comments are closed.