ନୂଆପଡା : ପାରିବାରିକ କଳହର କରୁଣ ପରିଣତି I ସ୍ୱାମୀ,ସ୍ତ୍ରୀ ଝଗଡ଼ାରେ ବଳି ପଡିଲା ଝିଅ I ନାବାଳିକା ଝିଅର ତଣ୍ଟିଚିପି ହତ୍ୟା କରିଛି ଜନ୍ମ କଲା ବାପା I ଘଟଣା ଘଟିଛି ନୂଆପଡ଼ା ଜିଲ୍ଲା ଧରମବନ୍ଧା ଥାନା କେନ୍ଦୁବେହରା ଗ୍ରାମରେ I ମିଳିଥିବା ସୂଚନା ମୁତାବକ ଗତକାଲି କେନ୍ଦୁବେହରା ଗ୍ରାମରେ ଗଜାନନ ମାଝୀ ମଦ ପି’ ଘରେ ଆସି ପତ୍ନୀ ଗୋପପୁରୀ ମାଝୀଙ୍କ ସହ ଝଗଡା କରିଥିଲା । ଝଗଡା କ୍ରମେ ଉଗ୍ର ରୂପ ନେବାରୁ ଉତ୍କ୍ଷିପ୍ତ ହୋଇ ଗଜାନନ ପାଖରେ ବସିଥିବା ନିଜର ୧୩ ବର୍ଷିଆ ନାବାଳିକା ଝିଅ ର ତଂଟି ଚିପି ଦେଇଥିଲା I ଘଟଣାସ୍ଥଳରେ ହିଁ ଝିଅର ମୃତ୍ୟୁ ଘଟିଥିଲା I ଏହା ଦେଖି ଗ୍ରାମବାସୀ ଧର୍ମବନ୍ଧ ପୋଲିସ କୁ ଖବର ଦେଇଥିଲେ I ଘଟଣାସ୍ଥଳରେ ପୋଲିସ ପହଁଚି ଝିଅର ମୃତ ଦେହ ଜବତ କରିବା ସହିତ ଅଭିଯୁକ୍ତ ବାପାକୁ ଅଟକ ରଖିଛି I

Comments are closed.