ଭୁବନେଶ୍ୱର : ରାଜଧାନୀ ଭୁବନେଶ୍ୱର ଠାରେ ରାଜ୍ୟସ୍ତରୀୟ କ୍ରୀଡ଼ା ମହୋତ୍ସବ ‘ଉତ୍ସାହ’ ଉଦଘାଟନ କରିଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ଏହି ଅବସରରେ ମୁଖ୍ୟମନ୍ତ୍ରୀ କହିଛନ୍ତି ଓଡ଼ିଶା ହେବ କ୍ରୀଡାର ପାୱାର ହାଉସ । କ୍ରୀଡାବିତ ଓ ଭିତ୍ତିଭୂମିର ବିକାଶ କେବଳ ରାଜଧାନୀରେ ରହିଲେ ହେବ ନାହିଁ । ବରଂ ଗ୍ରାମାଞ୍ଚଳରେ ପହଞ୍ଚିବାକୁ ପଡ଼ିବ । କ୍ରୀଡାବିତ୍ ମାନଙ୍କୁ ଯେଉଁ ଆନୁଷଙ୍ଗିକ ସୁବିଧା ଯୋଗାଇବା କଥା ସେନେଇ ବ୍ୟାପକ ବ୍ୟବସ୍ଥା କରୁଛନ୍ତି ରାଜ୍ୟ ସରକାର ଇ
ଭୁବନେଶ୍ୱର କଳିଙ୍ଗ ଷ୍ଟାଡ଼ିୟମରେ ମହିଳା ଓ ଶିଶୁ ବିକାଶ ବିଭାଗ ପକ୍ଷରୁ ପିଲାମାନଙ୍କ ପାଇଁ ଆୟୋଜିତ ‘ଉତ୍ସାହ’ କାର୍ଯ୍ୟକ୍ରମ ୨୮ ଓ ୨୯ ତାରିଖ ଦୁଇ ଦିନ ଧରି ଅନୁଷ୍ଠିତ ହେଉଛି । କାର୍ଯ୍ୟକ୍ରମରେ ବିଭିନ୍ନ ଜିଲ୍ଲାର ୧୬୫ଟି ଶିଶୁ ଯତ୍ନ କେନ୍ଦ୍ରର ପ୍ରାୟ ୫୮୦ ପିଲା ଯୋଗଦେଇଛନ୍ତି । ଏହି କାର୍ଯ୍ୟକ୍ରମ ପିଲାଙ୍କ ମଧ୍ୟରେ ଭରି ଦେଇଛି ଉତ୍ସାହ । କ୍ରୀଡା ପ୍ରତିଭା ଗ୍ରାମାଞ୍ଚଳ ପିଲାଙ୍କ ପାଖରେ ରହିଛି ସେମାନଙ୍କ ପାଖରେ ସରକାର ପହଂଚିଛନ୍ତି । ପିଲାମାନଙ୍କୁ ଜୀବନରେ ବଡ଼ ହେବା ପାଇଁ ବଡ଼ ସ୍ୱପ୍ନ ଦେଖିବାକୁ ଆହ୍ୱାନ ଦେଇଛନ୍ତି ମୁଖ୍ୟମନ୍ତ୍ରୀ I ବଡ ହେବା ପାଇଁ ହେଲେ ସ୍ୱପ୍ନ ମଧ୍ୟ ବଡ ହେବା ଆବଶ୍ୟକ । ଯଦି ସୂର୍ଯ୍ୟରେ ପହଞ୍ଚିବାପାଇଁ ସ୍ୱପ୍ନ ଦେଖି କାର୍ଯ୍ୟ କରିବା ଅତି କମରେ ଚନ୍ଦ୍ରରେ ପହଞ୍ଚିପାରିବା ।
କାର୍ଯ୍ୟକ୍ରମ ଉଦଘାଟନୀ ଭାଷଣରେ ମୁଖ୍ୟମନ୍ତ୍ରୀ କହିଛନ୍ତି ସରକାର ସେମାନଙ୍କ ପରିବାର ଓ ଅଭିଭାବକ ମଧ୍ୟ’ । ସେମାନଙ୍କ ମଧ୍ୟରେ କ୍ରୀଡା ପ୍ରତିଭାକୁ ଅନ୍ୱେଷଣ କରିବା ପାଇଁ ରାଜ୍ୟ ସରକାରଙ୍କ ପକ୍ଷରୁ ଓଡ଼ିଶାରେ ହେବ କ୍ରୀଡାର ପାୱାର ହାଉସ୍ । ଗ୍ରାମାଞ୍ଚଳରେ ତୃଣମୂଳ ସ୍ତରରେ ଥିବା ପିଲାମାନଙ୍କ ମଧ୍ୟରେ ଏହି ପ୍ରତିଭାକୁ ଜାଗ୍ରତ ନକରିବା ପର୍ଯ୍ୟନ୍ତ ପାୱାର ହାଉସରେ ପରିଣତ ହୋଇପାରିବ ନାହିଁ । କ୍ରୀଡ଼ା ଇଭେଣ୍ଟ ଭାବରେ ରଖାଯାଇନାହିଁ । କ୍ରୀଡା ଯେଉଁଭଳି ଭାବରେ ଉପାନ୍ତ, ସୀମାନ୍ତକୁ ପହଞ୍ଚିପାରିବ ଓ ସମସ୍ତେ ଏହାର ଉପଲବ୍ଧି ପାଇପାରିବେ ସେଥିପାଇଁ ବ୍ୟବସ୍ଥା କରାଯାଉଛି ।
Comments are closed.