ଗୁଜବ ପ୍ରଚାର ବନ୍ଦ କରନ୍ତୁ, ଆଗାମୀ ୭ ଦିନ ମଧ୍ୟରେ ବାତ୍ୟା ନାହିଁ: ଆଇଏମ୍ଡି ଡିଜି ମୃତୁ୍ୟଞ୍ଜୟ ମହାପାତ୍ର
ଭୁବନେଶ୍ୱର: ଆଗାମୀ ୭ ଦିନ ଭିତରେ ରାଜ୍ୟରେ ବଡ଼ ବାତ୍ୟା ହେବ, ଏହା ଏକ ଗୁଜବ । ଲୋକଙ୍କୁ ଭୟଭୀତ କଲାଭଳି ଖବର ପ୍ରସାରଣ ନକରାଯାଉ ବୋଲି ଆଜି ଆଇଏମ୍ଡି ଡିଜି ମୃତୁ୍ୟଞ୍ଜୟ ମହାପାତ୍ର ପରାମର୍ଶ ଦେଇଛନ୍ତି ।
✔️ବାତ୍ୟା ସମ୍ଭନ୍ଧରେ ପାଣିପାଗ ବିଭାଗ ତରଫରୁ କୌଣସି ସୂଚନା କିମ୍ବା ପୂର୍ବାନୁମାନ ଜାରିହୋଇନାହିଁ,
✔️ଆହୁରି ମଧ୍ୟ କୌଣସି ପାଣିପାଗ ଘଟଣା ସମ୍ଭନ୍ଧରେ ୭ଦିନ ଆଗରୁ ଆକଳନ କରିବା ବିଜ୍ଞାନ ସମ୍ମତ ନୁହେଁ
✔️ପାଣିପାଗ ସହ ଜଡିତ ସଠିକ ସୂଚନା ଦେବା ପାଇଁ ଆମେ ୨୪ଘଣ୍ଟା କାର୍ଯ୍ୟରତ
ତେଣୁ ଆପଣମାନେ "#ଗୁଜବ" ଠାରୁ ଦୁରେଇରୁହନ୍ତୁ pic.twitter.com/WTxjUkNiYW— Meteorological Centre, Bhubaneswar (@mcbbsr) October 12, 2022
ଡିଜି ମୃତୁ୍ୟଞ୍ଜୟଙ୍କ ସୂଚନା ଅନୁସାରେ, ଆଗାମୀ ୭ ଦିନ ମଧ୍ୟରେ ବାତ୍ୟା ସମ୍ଭାବନା ନାହିଁ । ଉତ୍ତର ଆଣ୍ଡାମାନ ସାଗରରେ କାଲି ଏକ ଘୂର୍ଣ୍ଣିବଳୟ ସୃଷ୍ଟି ହୋଇଛି । ସୃଷ୍ଟ ଘୂର୍ଣ୍ଣିବଳୟଟି କ୍ରମଶଃ ଦୁର୍ବଳ ହେଉଛି । ୧୭ କିମ୍ବା ୧୮ ତାରିଖରେ ଆଉ ଏକ ଘୂର୍ଣ୍ଣିବଳୟ ସୃଷ୍ଟି ହେବାର ସମ୍ଭାବନା ରହିଛି । ଆଜିର ସ୍ଥିତି ଅନୁସାରେ ଘୂର୍ଣ୍ଣିବଳୟଟି ଲଘୁଚାପରେ ପରିଣତ ହୋଇପାରେ ।
ଏଣୁ ୧୮ ତାରିଖ ପରେ ରୂପରେଖ କଣ ରହିବ ତାହା ଏବେ କହିବା ଠିକ୍ ହେବନି । ତେବେ ଆଗାମୀ ୭ ଦିନ ମଧ୍ୟରେ ବାତ୍ୟା ସୃଷ୍ଟି ହେବାର ସମ୍ଭାବନା ନାହିଁ । ଓଡ଼ିଶା ପାଇଁ କିଛି ବିପଦ ସମ୍ଭାବନା ନାହିଁ ।
ସେ ଆହୁରି କହିଛନ୍ତି ଯେ, ଆମେ ସମସ୍ତ ମଡେଲକୁ ଦେଖି ଏକ ନିର୍ଣ୍ଣୟ ନେଇଥାଉ । ଅନ୍ୟ ବିକଶିତ ରାଷ୍ଟ୍ର ଅପେକ୍ଷା ଆଇଏମ୍ଡି ଅଧିକ ସଠିକ୍ ଆକଳନ କରିଥାଏ । ତେଣୁ ଆଇଏମ୍ଡି ଉପରେ ବିଶ୍ୱାସ ରଖ;ୁ ।
ସୂଚନା ଅନୁସାରେ, ବଙ୍ଗୋପସାଗରରେ ଅକ୍ଟୋବର ୧୮ରୁ ୨୫ ତାରିଖ ମଧ୍ୟରେ ଏକ ବଡ଼ ବାତ୍ୟାର ସମ୍ଭାବନା ରହିଛି । ଏହା ସୁନ୍ଦରବନ-ଆନ୍ଧ୍ର ମଧ୍ୟରେ ଲ୍ୟାଣ୍ଡଫଲ୍ କରିବା ନେଇ ଆମେରିକା ପାଣିପାଗ ପୂର୍ବାନୁମାନ ମଡେଲ୍ ଜିଏଫ୍ଏସ୍ ଏଭଳି କିଛି ସଙ୍କେତ ଦେଇଛି । ଏହି ବାତ୍ୟାର ନାମ ‘ସିତରଙ୍ଗ’ ରଖାଯାଛି ।
Comments are closed.