ରାଉରକେଲା : ମା’ ହତ୍ୟାର ପ୍ରତିଶୋଧ ନେଲା ପୁଅ । ପ୍ରତିଶୋଧ ପରାୟଣ ହୋଇ ମା’ହତ୍ୟା କାରୀ ଜେଲ ଫେରନ୍ତା ବାପାଙ୍କୁ ରାସ୍ତା ଉପରେ ହାଣି ହତ୍ୟା କରିଛି । ଘଟଣା ଘଟିଛି ରାଉରକେଲା ବ୍ରାହ୍ମଣୀତରଙ୍ଗ ଥାନା ଭାଲୁପତ୍ରା ଗାଁରେ । ମୃତକଙ୍କ ନାଁ କାନ୍ତି କୁମାର ବର୍ମା । ପାରିବାରିକ କଳହରୁ ସେ ପତ୍ନୀଙ୍କୁ ହତ୍ୟାକରି ଜେଲ୍ ଯାଇଥିଲା । ମୃତକ ହେଲେ କାନ୍ତି କୁମାର ବର୍ମା । ଏହି ଘଟଣାରେ ଅଭିଯୁକ୍ତ ପୁଅ ବିଷ୍ଣୁ ବର୍ମାଙ୍କୁ ଗିରଫ କରିଛି ରାଉରକେଲା ବ୍ରାହ୍ମଣୀ ତରଙ୍ଗ ପୋଲିସ ।
ଘଟନାନୁସାରେ,ମୃତକ କାନ୍ତି କୁମାର ବର୍ମା (୫୨) ବର୍ଷ ପାରିବାରିକ କଳହକୁ ନେଇ ନିଜ ସ୍ତ୍ରୀକୁ ହତ୍ୟା କରି ଜେଲ ଯାଇଥିଲେ । ଏହାପରେ ସେ ଦୋଷ ମୁକ୍ତ ହୋଇ ୨୦୨୪ ଡିସେମ୍ବର ମାସରେ ଜେଲରୁ ବାହାରିଥିଲେ । ମାତ୍ର ପୁଅ ବିଷ୍ଣୁ ବର୍ମା (୨୨) ମାତୃହତ୍ୟାକୁ ନେଇ ପ୍ରତିଶୋଧ ପରାୟଣ ହୋଇ ଥିଲେ । ବାପା ଘରକୁ ଫେରିବା ପରେ ବାରମ୍ବାର ଉଭୟଙ୍କ ମଧ୍ୟରେ ତିକ୍ତ ଲାରି ରହୁଥିଲା । ତେବେ ବାପାଙ୍କ ଆଚରଣରେ ଅତିଷ୍ଠ ହୋଇ ଆଜି ସକାଳୁ କାନ୍ତି କୁମାର ଗାଁ ରାସ୍ତାରେ ଯାଉଥିବା ବେଳେ ଧାରୁଆ ଅସ୍ତ୍ରରେ ହାଣି ହତ୍ୟା କରିଥିଲା ବିଷ୍ଣୁ । ବାପାକୁ ହତ୍ୟା କରିବା ପରେ ସାନପତରାପାଲି ରାସ୍ତାକଡ଼ରେ ମୃତଦେହ ଫିଙ୍ଗିଦେଇଥିଲା ।
ବ୍ରାହ୍ମୁଣୀ ତରଙ୍ଗ ଥାନା ସାନପତରାପାଲି ରାସ୍ତାକଡ଼ରେ ଜଣେ ଅଜଣା ବ୍ୟକ୍ତିଙ୍କ ମୃତଦେହ ପଡ଼ିଥିବା ସୂଚନା ପାଇଥିଲା । ଖବର ପାଇ ବ୍ରାହ୍ମୁଣୀତରଙ୍ଗ ଥାନା ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଉଦ୍ଧାର କରିଥିଲା ଏବଂ ସାଇଣ୍ଟିଫିକ୍ ଟିମ ସହାୟତାରେ ତଦନ୍ତ ଆରମ୍ଭ କରିଥିଲା । ଏହି ଘଟଣାରେ ପୁଅ ବିଷ୍ଣୁ ବର୍ମାଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି ।
Comments are closed.