କେନ୍ଦୁଝର : କୁଳାଙ୍ଗାର ପୁଅର ଜଘନ୍ୟ କାଣ୍ଡ । ବିବାହ କରାଇବା ପାଇଁ ରାଜି ନହେବାରୁ କାଠଫାଳିଆରେ ପିଟି ବାପାଙ୍କୁ ହତ୍ୟା କରିଛି ପୁଅ । ମୃତକ ହେଉଛନ୍ତି ଯୋଡ଼ା ପୌରାଞ୍ଚଳର ୧୩ ନଂ ୱାର୍ଡ ବାଂଶପାଣି ଅଞ୍ଚଳର ଅଜୟ ସେଠୀ ଏବଂ ହତ୍ୟାକାରୀ ସୈତାନ ପୁଅ ହେଉଛି ବିକାଶ ସେଠୀ । ହତ୍ୟାକାଣ୍ଡ ସଂପର୍କରେ ଖବର ପାଇ ଅଭିଯୁକ୍ତ ପୁଅ ବିକାଶ ସେଠୀକୁ ଥାନାରେ ଅଟକ ରଖିଛି ଯୋଡ଼ା ଥାନା ପୋଲିସ ।
ଘଟନାନୁସାରେ,ପୁଅ ଅଜୟ ସେଠୀର ଜଣେ ଝିଅ ସହିତ ସମ୍ପର୍କ ଥିଲା । ସେ ତାକୁ ବିବାହ କରିବା ପାଇଁ ଅନେକ ଥର ଘରେ ପ୍ରସ୍ତାବ ଦେଇଥିଲା । କିନ୍ତୁ ଅଜୟ ବେକାର ଥିବାରୁ ବାପା ଚାହୁଁଥିଲେ ପୁଅ ଆଗ ଭଲକରି କାମ ଧନ୍ଦା କରୁ, ତା’ ପରେ ଯାଇ ବାହା ହେବ । ଏହି କଥାକୁ ନେଇ ଗତକାଲି ବାପ ଓ ପୁଅଙ୍କ ମଧ୍ୟରେ ବଚସା ହୋଇଥିଲା । ଆଉ ତା’ପରେ ଉତକ୍ଷିପ୍ତ ସୈତାନ୍ ପୁଅ କେହି କିଛି ବୁଝିବା ଆଗରୁ ଏକ କାଠ ଫାଳିଆ ନେଇ ସିଧା ବାପାଙ୍କ ମୁଣ୍ଡକୁ ପିଟିଦେଇଥିଲା ।
ପରିବାର ଲୋକେ ମୁମୂର୍ଷୁ ଅବସ୍ଥାରେ ତାଙ୍କୁ ଉଦ୍ଧାର କରି ନିକଟସ୍ଥ ଟାଟା ଷ୍ଟିଲ ହସ୍ପିଟାଲକୁ ନେଇଥିଲେ । ମାତ୍ର ସେଠାରେ ତାଙ୍କୁ ମୃତ ଘୋଷଣା କରିଥିଲେ ଡାକ୍ତର। ହତ୍ୟାକାଣ୍ଡ ସମ୍ପର୍କରେ ଖବର ପାଇ ଯୋଡ଼ା ପୋଲିସ୍ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇବା ସହ ଅଭିଯୁକ୍ତ ପୁଅ ବିକାଶ ସେଠୀକୁ ଗିରଫ କରି ଅଧିକ ପଚରାଉଚରା କରୁଛି ।
Comments are closed.