ବର୍ତ୍ତମାନ ଅନେକ ଫିଲ୍ମ ହଲଛାଡି ଓଟିଟିରେ ରିଲିଜ୍ ହେଉଛନ୍ତି । ଏଥିରେ ଫିଲ୍ମମେକରଙ୍କର ଲାଭ ହେଉଥିବା ନେଇ ଚର୍ଚ୍ଚା ହେଉଛି, ଯେଉଁ କାରଣରୁ ସେମାନେ ହଲଠାରୁ ଦୂରେଇ ଓଟିଟି ମୁହାଁ ହେଉଛନ୍ତି । ହେଲେ ଏହି ଧାରାରେ ସାମିଲ ହୋଇନାହାନ୍ତି ଅଭିନେତା ଆମିର ଖାନ୍ । ସେ ନିଜ ଫିଲ୍ମ ସିତାରେ ଜମିନ୍ ପରକୁ ହଲ୍ରେ ରିଲିଜ କରିଛନ୍ତି । ତେବେ ଆମିରଙ୍କର ଏହି ନିଷ୍ପତ୍ତିର ପ୍ରଶଂସା ପୁରା ଦେଶର ସିନେମାହଲର ମାଲିକ ସଙ୍ଘ କରିଥିବା ଦେଖିବାକୁ ମିଳିଛି । ଫିଲ୍ମଟି ମଧ୍ୟ ବକ୍ସ ଅଫିସରେ ହିଟ୍ ହେବା ପରେ ମାଲିକଙ୍କୁ ଖୁବ ଅଧିକ କଲେକସନ୍ ଦେବାରେ ଲାଗିଛି । ତେବେ ଆମିରଙ୍କୁ ଧନ୍ୟବାଦ ଦେବା ପାଇଁ ସଙ୍ଘ ପକ୍ଷରୁ ଏକ ସ୍ପେସାଲ ଇଭେଣ୍ଟର ଆୟୋଜନ କରାଯାଇଥିଲା । ଏଥିରେ ଆମିର ସାମିଲ ହେବା ସହିତ ଅଭିବାଦନ ଗ୍ରହଣ କରିଥିଲେ । ଏଥିରେ ଆମିରଙ୍କୁ ଖୁବ ସମ୍ମାନ ଦିଆଯାଇଥିଲା । ସୂଚନା ଅନୁସାରେ ୨୦ ଜୁନ୍ ୨୦୨୫ରେ ଫିଲ୍ମ ସିତାରେ ଜମିନ୍ ପର ହଲ୍ରେ ରିଲିଜ୍ ହୋଇଥିଲା । ଏହାକୁ ଆମିର ଖାନ୍ ଓ ଅପର୍ଣ୍ଣା ପୁରୋହିତ ପ୍ରଯୋଜନା କରିଛନ୍ତି । ଫିଲ୍ମରେ ଆମିରଙ୍କୁ ମୁଖ୍ୟ ଚରିତ୍ରରେ ଦେଖିବାକୁ ମିଳିଛି । ସେହିଭଳି ଅନେକ ବର୍ଷ ପରେ ଜେନେଲିଆ ଦେଶମୁଖ ସ୍କ୍ରିନ୍କୁ କମବ୍ୟାକ କରିଛନ୍ତି, ଫିଲ୍ମରେ ତାଙ୍କୁ ଆମିରଙ୍କ ପନିୀ ଭୂମିକାରେ ଦେଖିବାକୁ ମିଳୁଛି । ଫିଲ୍ମକୁ ଦର୍ଶକ ପସନ୍ଦ କରୁଥିବା ଦେଖିବାକୁ ମିଳୁଛି ।

Comments are closed.